ဆာလံကျမ်း 68:4-6

ဘုရားသခင်​ထံသို့ သီချင်းဆို​ကြ​လော့​။ ကိုယ်တော်​၏​နာမ​တော်​ကို သီဆိုချီးမွမ်း​ကြ​လော့​။ မိုးတိမ်​များ​ကို​စီး​တော်မူ​သော​အရှင်​ကို ချီးကျူး​ထောမနာ​ပြု​ကြ​လော့​။ ကိုယ်တော်​၏​နာမ​တော်​ကား ထာဝရဘုရား​ပေတည်း​။ ကိုယ်တော်​၏​ရှေ့​တော်​၌ ရွှင်မြူး​ကြ​လော့​။ ဖတဆိုး​တို့​၏​ဖခင်​၊ မုဆိုးမ​တို့​အတွက်​တရားစီရင်​ပေး​သော​အရှင်​မှာ မိမိ​၏​သန့်ရှင်း​သော​ကိန်းဝပ်​ရာ​အရပ်​၌ ရှိ​တော်မူ​သော ဘုရားသခင်​ပေတည်း​။ ဘုရားသခင်​သည် အထီးကျန်​သော​သူ​တို့​အား အတူ​နေထိုင်​ရန်​မိသားစု​ကို​ပေး​၍ အချုပ်အနှောင်​ခံရ​သော​သူ​တို့​ကို ကောင်းစားရာ​သို့​ပို့ဆောင်​တော်မူ​၏​။ ငြင်းဆန်​သော​သူ​တို့​မူကား ပူပြင်း​ခြောက်သွေ့​သော​အရပ်​၌​နေထိုင်​ကြ​ရ​၏​။