ဆာလံကျမ်း 68:24-27

အို ဘုရားသခင်​၊ ကိုယ်တော်​နှင့်အတူ စီတန်း​လှည့်လည်​သွား​သော​လူတန်း​တည်းဟူသော အကျွန်ုပ်​၏​ဘုရား​၊ အကျွန်ုပ်​၏​ရှင်ဘုရင်​နှင့်အတူ သန့်ရှင်းရာဌာန​တော်​သို့ စီတန်း​လှည့်လည်​သွား​သော​လူတန်း​ကို လူ​တို့​မြင်​ရ​ကြ​ပါ​၏​။ ရှေ့​၌ကား သီချင်းဆို​သော​သူ​များ​၊ နောက်​၌ကား စောင်းတီး​သော​သူ​များ​၊ အလယ်​၌ကား ပတ်သာတီး​သော​မိန်းမပျို​များ​သည် လိုက်ပါ​ကြ​ပါ​၏​။ ဘုရားသခင်​ကို လူထုပရိသတ်​ကြီး​အလယ်​တွင် ကောင်းချီးထောမနာ​ပြု​ကြ​လော့​။ ထာဝရဘုရား​ကို အစ္စရေး​၏​စမ်းရေတွင်း​မှ ကောင်းချီးထောမနာ​ပြု​ကြ​လော့​။ ထို​အရပ်​တွင် သူ​တို့​ကို​အုပ်စိုး​သည့် အသေးငယ်ဆုံး​သော​ဗင်္ယာမိန်​အနွယ်​ရှိ​၍ သူ​တို့​၏​အုပ်စု​ထဲတွင် ယုဒ​အနွယ်​၏​အကြီးအကဲ​များ​၊ ဇာဗုလုန်​အနွယ်​၏​အကြီးအကဲ​များ​နှင့် နဿလိ​အနွယ်​၏​အကြီးအကဲ​များ​ပါရှိ​ကြ​ပါ​၏​။