ဆာလံကျမ်း 68:19-23

ငါ​တို့​၏​ဝန်ထုပ်​များ​ကို နေ့စဉ်နေ့တိုင်း​ထမ်း​ပေး​တော်မူ​သော​ဘုရားရှင်​သည် မင်္ဂလာရှိ​ပါစေသော​။ ဘုရားသခင်​သည် ငါ​တို့​ကို​ကယ်တင်​သော​အရှင် ဖြစ်​တော်မူ​၏​။ (​စေလာ ) ငါ​တို့​၏​ဘုရားသခင်​သည် ကယ်တင်​တော်မူ​သော​ဘုရား​ဖြစ်​တော်မူ​၏​။ သေ​ခြင်း​မှ​လွတ်မြောက်​ခွင့်​သည်​လည်း ဘုရားရှင်​ထာဝရဘုရား​ထံ​တော်​မှ​လာ​၏​။ သို့သော် ဘုရားသခင်​သည် မိမိ​ရန်သူ​တို့​၏​ဦးခေါင်း​ကို​လည်းကောင်း​၊ မိမိ​ဒုစရိုက်အပြစ်​များ​၌​လျှောက်လှမ်း​နေ​သော​သူ​၏ ဆံထုံးထုံး​ထား​သော​ဦးထိပ်​ကို​လည်းကောင်း ကြေမွ​စေ​တော်မူ​လိမ့်မည်​။ ဘုရားရှင်​က “​ငါ​သည် သူ​တို့​ကို ဗာရှန်​ပြည်​မှ ပြန်ခေါ်လာ​မည်​။ ပင်လယ်​၏​ရေနက်​ရာ​အရပ်​မှ ပြန်ခေါ်လာ​မည်​။ ထိုသို့​သော​အားဖြင့် သင်​၏​ခြေ​သည် ရန်သူ​တို့​၏​သွေး​ကို​နင်းနယ်​နိုင်​၍ သင့်​ခွေး​တို့​၏​လျှာ​သည်​လည်း မိမိ​ခွဲတမ်း​ကို သူ​တို့​ထံမှ​ရ​ကြ​လိမ့်မည်​”​ဟု မိန့်​တော်မူ​၏​။