ဆာလံကျမ်း 49:5-9

ငါ့​ကို​လိမ်လည်​လှည့်စား​သော​သူ​တို့​၏​ဒုစရိုက်​က ငါ့​ကို​ဝိုင်းရံ​၍ ငါ​ဒုက္ခ​ရောက်​သော​နေ့ရက်​များ​၌ ငါ​သည် အဘယ်ကြောင့် ကြောက်ရွံ့​ရ​မည်နည်း​။ ထို​သူ​တို့​သည် မိမိ​တို့​၏​ဥစ္စာပစ္စည်း​ကို​ကိုးစား​၍ မိမိ​တို့​၏​ဓနဥစ္စာ​ကြွယ်ဝမှု​၌ ဂုဏ်ယူဝါကြွား​ကြ​၏​။ လူ​သည် သူတစ်ပါး​ကို လုံးဝ​ရွေးနုတ်ကယ်တင်​၍​မ​ရ​နိုင်​။ မိမိ​အတွက်​ရွေးနုတ်စရာ​အဖိုးအခ​ကို​လည်း ဘုရားသခင်​အား မ​ပေး​နိုင်​။ အကြောင်းမူကား လူ​၏​အသက်​ကို​ရွေးနုတ်​ရန် အဖိုးအခ​သည် အလွန်ကြီး​၏​။ သို့ဖြစ်၍ လူ​သည် ပုပ်ပျက်​ခြင်း​နှင့်​မ​ကြုံတွေ့​ရ​ဘဲ ထာဝရ​အသက်ရှင်​နိုင်​ရေး​ကို လုံးဝ​စွန့်လွှတ်​ရ​၏​။