ဆာလံကျမ်း 128

128

ထာဝရဘုရားကိုကြောက်ရွံ့သောမိသားစု

အတက်လမ်းသီချင်း

1ထာဝရဘုရားကို ကြောက်ရွံ့သောသူ၊

ကိုယ်တော်၏လမ်းတော်များအတိုင်း အသက်ရှင်လျှောက်လှမ်းသောသူရှိသမျှတို့သည် မင်္ဂလာရှိကြ၏။

2သင်သည် မိမိလက်ဖြင့် လုပ်ဆောင်ရရှိသော အသီးအပွင့်ကို အမှန်ပင် စားရလိမ့်မည်။

သင်သည် မင်္ဂလာရှိ၍ ကောင်းကျိုးချမ်းသာကို ခံစားရလိမ့်မည်။

3သင့်အိမ်တွင် သင်၏မယားသည် အသီးများစွာသီးသောစပျစ်ပင်ကဲ့သို့ ဖြစ်လိမ့်မည်။

သင်၏သားသမီးတို့သည်လည်း သံလွင်ပျိုးပင်များကဲ့သို့ သင့်စားပွဲပတ်လည်၌ရှိနေလိမ့်မည်။

4ကြည့်ရှုလော့။ ထာဝရဘုရားကို ကြောက်ရွံ့သောသူသည်

ထိုကဲ့သို့ ကောင်းချီးမင်္ဂလာခံစားရလိမ့်မည်။

5ထာဝရဘုရားသည် သင့်ကို ဇိအုန်မှ ကောင်းချီးပေးတော်မူပါစေသော။

သင်သည် အသက်ရှင်သမျှကာလပတ်လုံး ဂျေရုဆလင်မြို့၏ကောင်းကျိုးချမ်းသာကို တွေ့မြင်ရပါစေသော။

6သင့်သားသမီးတို့၏သားသမီးများကိုလည်း တွေ့မြင်ရပါစေသော။

အစ္စရေးလူမျိုး၌ ငြိမ်သက်ခြင်းရှိပါစေသော။

လက်ရှိရွေးချယ်ထားမှု

ဆာလံကျမ်း 128: MSBU

အရောင်မှတ်ချက်

မျှဝေရန်

ကူးယူ

မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ

ဆာလံကျမ်း 128
မှ လူကြိုက်နှစ်သက်သော ကျမ်းပိုဒ်များ။