ဆာလံကျမ်း 126
126
ဇိအုန်ကို ပြန်လည်ကောင်းစားစေတော်မူခြင်း
အတက်လမ်းသီချင်း
1ထာဝရဘုရားသည် ဖမ်းဆီးခေါ်ဆောင်သွားခြင်းခံရသော
ဇိအုန်သားတို့ကို ပြန်လာစေတော်မူသောအခါ#126:1 သို့မဟုတ် “ဇိအုန်သားတို့ကို ပြန်လည်ကောင်းစားစေတော်မူသောအခါ”။
ငါတို့သည် အိပ်မက်မက်နေသူကဲ့သို့ဖြစ်ကြ၏။
2ထိုအခါ ငါတို့နှုတ်သည် ရယ်မောခြင်းနှင့်လည်းကောင်း၊
ငါတို့လျှာသည် ရွှင်လန်းစွာ ကြွေးကြော်ခြင်းနှင့်လည်းကောင်း ပြည့်ဝ၏။
လူတို့ကလည်း “ထာဝရဘုရားသည် သူတို့အတွက် ကြီးမြတ်သောအမှုကို ပြုတော်မူပြီ”ဟု
တိုင်းနိုင်ငံတို့အလယ်တွင်ပြောဆိုကြ၏။
3ထာဝရဘုရားသည် ငါတို့အတွက် ကြီးမြတ်သောအမှုကိုပြုတော်မူပြီ။
ငါတို့သည် ဝမ်းမြောက်ကြ၏။
4အို ထာဝရဘုရား၊ ဖမ်းဆီးခေါ်ဆောင်သွားခြင်းခံရသောအကျွန်ုပ်တို့ကို
နေဂေ့အရပ်မှချောင်းရေများကဲ့သို့ ပြန်လာစေတော်မူပါ#126:4 သို့မဟုတ် “နေဂေ့အရပ်မှချောင်းရေများကဲ့သို့ အကျွန်ုပ်တို့ကိုပြန်လည်ကောင်းစားစေတော်မူပါ”။။
5မျက်ရည်ဖြင့် မျိုးစေ့ကြဲသောသူတို့သည်
ရွှင်လန်းစွာကြွေးကြော်ခြင်းဖြင့် ရိတ်သိမ်းရကြလိမ့်မည်။
6မျက်ရည်ကျလျက် ကြဲစရာမျိုးစေ့ကိုသယ်ဆောင်၍ ထွက်သွားသောသူသည်
မိမိ၏ကောက်လှိုင်းများကိုသယ်ဆောင်၍ ရွှင်လန်းစွာကြွေးကြော်ခြင်းဖြင့် မုချပြန်လာလိမ့်မည်။
လက်ရှိရွေးချယ်ထားမှု
ဆာလံကျမ်း 126: MSBU
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
MYANMAR STANDARD BIBLE©
Copyright © 2012, 2014, 2017, 2021 by Global Bible Initiative