သုတ္တံကျမ်း 6:4-11

သင့်​မျက်စိ​ကို အိပ်စက်​ခွင့်​မ​ပြု​နှင့်​။ သင့်​မျက်လွှာ​ကို​လည်း ပိတ်​ခွင့်​မ​ပြု​နှင့်​။ ဒရယ်​သည် အမဲလိုက်သူ​လက်​မှ​လည်းကောင်း​၊ ငှက်​သည် ငှက်မုဆိုး​လက်​မှ​လည်းကောင်း လွတ်မြောက်​သကဲ့သို့ ကိုယ့်ကိုယ်ကိုယ်​လွတ်မြောက်​အောင်​ပြု​လော့​။ အချင်း​လူပျင်း​၊ ပုရွက်ဆိတ်​ထံသို့​သွား​၍ ၎င်း​၏​လုပ်ဆောင်မှု​တို့​ကို​ကြည့်ရှုဆင်ခြင်​လျက် ဉာဏ်ပညာရှိ​လော့​။ ပုရွက်ဆိတ်​သည် ဦးစီးဦးဆောင်​သူ​မ​ရှိ​၊ ကြီးကြပ်သူ​မ​ရှိ​၊ အုပ်စိုး​သူ​လည်း​မ​ရှိ​ဘဲ​လျက် နွေရာသီ​၌ မိမိ​အစားအစာ​ကို​ပြင်ဆင်​၍ ရိတ်သိမ်း​ချိန်​၌ မိမိ​စားစရာ​ကို ရှာဖွေ​စုဆောင်း​တတ်​၏​။ အချင်း​လူပျင်း​၊ သင်​သည် မည်မျှ​ကြာ​အောင် အိပ်​လျက်​နေ​မည်နည်း​။ မည်သည့်​အချိန်​မှ အိပ်ရာ​ထ​မည်နည်း​။ ခဏ​အိပ်​လျက်​၊ ခဏ​ငိုက်​လျက်​၊ ခဏ​လက်ပိုက်​အနားယူ​လျက်​နေစဉ် ဆင်းရဲ​ခြင်း​သည် သူခိုးဓားပြ​ကဲ့သို့​လည်းကောင်း​၊ ချို့တဲ့​နွမ်းပါး​ခြင်း​သည် လက်နက်​ကိုင်ဆောင်​သူ​ကဲ့သို့​လည်းကောင်း သင့်​ထံသို့​ရောက်လာ​လိမ့်မည်​။