တောလည်ရာကျမ်း 22:21-24

နံနက်​ရောက်​လျှင် ဗာလမ်​သည် ထ​၍ မိမိ​၏​မြည်း​ကို​ကုန်းနှီးတင်​ပြီးလျှင် မောဘ​လူမျိုး​တို့​၏​အကြီးအကဲ​တို့​နှင့်အတူ လိုက်သွား​လေ​၏​။ သို့သော် ဗာလမ်​လိုက်သွား​သောကြောင့် ဘုရားသခင်​သည် အမျက်ထွက်​၍ ထာဝရဘုရား​၏​ကောင်းကင်တမန်​သည် သူ့​ကို​တားဆီး​ရန် လမ်း​၌​ရပ်​နေ​၏​။ ဗာလမ်​သည် မြည်း​ကို​စီး​လျက် မိမိ​၏​ငယ်သား​နှစ်​ယောက်​နှင့်အတူ သွား​စဉ်တွင် ထာဝရဘုရား​၏​ကောင်းကင်တမန်​သည် ဓား​ကို​ကိုင်​လျက် လမ်း​၌​ရပ်​နေ​သည်​ကို မြည်း​သည် မြင်​၍ လမ်း​မှ​လွှဲ​ပြီး လယ်​ထဲသို့ ဆင်းသွား​လေ​၏​။ ဗာလမ်​သည် မြည်း​ကို လမ်း​ပေါ်သို့​ပြန်တက်​ရန် ရိုက်​လေ​၏​။ ထို့နောက် ထာဝရဘုရား​၏​ကောင်းကင်တမန်​သည် စပျစ်ခြံ​၏​ခြံစည်းရိုး​နှစ်​ခု​ကြား​ရှိ လမ်းကျဉ်း​၌ ရပ်​နေ​၏​။