ရှင်မဿဲခရစ်ဝင် 26:6-13

ဗေသနိ​ရွာ​တွင် အနာကြီး​ရောဂါသည်​ရှိမုန်​၏​အိမ်​၌ ယေရှု​ရှိ​တော်မူ​စဉ် အလွန်​တန်ဖိုးကြီး​သော​ဆီမွှေး​ထည့်​ထား​သည့် ကျောက်ဖြူ​ဘူး​ပါ​သော အမျိုးသမီး​တစ်​ဦး​သည် အထံ​တော်​သို့​ချဉ်းကပ်​၍ စားပွဲ​၌​ထိုင်​နေ​သော ကိုယ်တော်​၏​ခေါင်း​ပေါ်၌ ထို​ဆီမွှေး​ကို သွန်းလောင်း​လေ​၏။ တပည့်​တော်​တို့​သည် ထို​အခြင်းအရာ​ကို​မြင်​လျှင် စိတ်ဆိုး​လျက် “အဘယ်ကြောင့် ဤသို့​ဖြုန်းတီး​ရ​သနည်း။ ဤ​ဆီမွှေး​ကို အဖိုး​များစွာ​နှင့်​ရောင်း​၍ ဆင်းရဲသား​တို့​ကို ပေးကမ်း​နိုင်​သည်”​ဟု ဆို​ကြ​၏။ ယေရှု​သည် သိ​တော်မူ​၍“ဤ​အမျိုးသမီး​ကို အဘယ်ကြောင့် နှောင့်ယှက်​ကြ​သနည်း။ အမှန်စင်စစ် သူ​သည် ငါ့​အတွက် ကောင်း​သော​အမှု​ကို​ပြု​လေ​ပြီ။ အကြောင်းမူကား ဆင်းရဲသား​တို့​သည် သင်​တို့​နှင့်အတူ အစဉ်​ရှိ​ကြ​၏။ ငါ​မူကား သင်​တို့​နှင့်အတူ အစဉ်​ရှိ​သည်​မ​ဟုတ်။ ဤ​အမျိုးသမီး​သည် ဆီမွှေး​ကို ငါ့​ကိုယ်​ပေါ်၌ သွန်းလောင်း​ခဲ့​ခြင်း​မှာ ငါ့​ကို​သင်္ဂြိုဟ်​ရန် ပြင်ဆင်​ခြင်း​ဖြစ်​၏။ သင်​တို့​အား ငါ​အမှန်​ဆို​မည်။ ကမ္ဘာ​တစ်ဝန်းလုံး​တွင် ကောင်းမြတ်​သော​သတင်း​ကို ဟောပြော​သည့်​နေရာ​တိုင်း​၌ ဤ​အမျိုးသမီး​ပြု​ခဲ့​သော​အမှုအရာ​ကို​လည်း သူ​၏​အမှတ်တရ​အဖြစ် ပြောကြား​ကြ​လိမ့်မည်”​ဟု မိန့်​တော်မူ​၏။