ရှင်မဿဲခရစ်ဝင် 20:20-23

ထိုအခါ ဇေဗေဒဲ​၏​သား​များ​၏​မိခင်​သည် မိမိ​သား​တို့​နှင့်အတူ အထံ​တော်​သို့​ချဉ်းကပ်​လာ​၍ ရှိခိုး​ကာ တစ်စုံတစ်ခု​ကို ကိုယ်တော်​ထံ တောင်းလျှောက်​လေ​၏။ ကိုယ်တော်​က​လည်း“သင်​သည် မည်သည့်​အရာ​ကို အလိုရှိ​သနည်း”​ဟု မေး​တော်မူ​လျှင် သူ​က “ကျွန်မ​၏​ဤ​သား​နှစ်​ယောက်​တို့​သည် ကိုယ်တော်​၏​နိုင်ငံ​တော်​၌ လက်ယာ​တော်​ဘက်​တွင်​တစ်​ယောက်၊ လက်ဝဲ​တော်​ဘက်​တွင်​တစ်​ယောက် ထိုင်​ရ​မည့်​အကြောင်း အမိန့်​ရှိ​တော်မူ​ပါ”​ဟု လျှောက်​လေ​၏။ သို့သော် ယေရှု​က“သင်​တို့​သည် မည်သည့်​အရာ​တောင်း​နေ​သည်​ကို သင်​တို့​မ​သိ​ကြ။ ငါ​သောက်​မည့်​ခွက်​ကို သင်​တို့​သောက်​နိုင်​သလော”​ဟု မေး​တော်မူ​လျှင် သူ​တို့​က “အကျွန်ုပ်​တို့​သောက်​နိုင်​ပါ​သည်”​ဟု ပြန်​လျှောက်​ကြ​၏။ ကိုယ်တော်​က​လည်း“ငါ​၏​ခွက်​ကို သင်​တို့​သောက်​ကြ​မည်​မှန်​၏။ သို့သော် ငါ​၏​လက်ယာ​ဘက်​နှင့်​လက်ဝဲ​ဘက်​တို့​၌ ထိုင်​ရ​သော​အခွင့်​ကို ငါ​ပေး​သည်​မ​ဟုတ်။ ထို​နေရာ​သည် ငါ​၏​ခမည်းတော်​ပြင်ဆင်​ပေး​ထား​သော​သူ​တို့​အတွက်​သာ​ဖြစ်​၏”​ဟု မိန့်​တော်မူ​၏။