ယေရမိမြည်တမ်းစကား 3:25-31

ထာဝရဘုရား​ကို စောင့်မျှော်​သော​သူ​၊ ထာဝရဘုရား​ကို ရှာ​သော​သူ​ကို ကိုယ်တော်​ကောင်းစား​စေ​တော်မူ​ပါ​၏​။ ထာဝရဘုရား​၏​ကယ်တင်​ခြင်း​ကို ငြိမ်ဝပ်​စွာ​မျှော်လင့်စောင့်စား​သော​သူ​သည် ကောင်းကျိုး​ကို ခံစား​ရ​၏​။ လူ​သည် ငယ်ရွယ်​စဉ်အခါ ထမ်းပိုး​ထမ်း​သည်​မှာ ကောင်း​ပေ​၏​။ သူ့​အပေါ် ထမ်းပိုး​ကို တင်​တော်မူ​သည်​ဖြစ်၍ သူ​သည် တစ်ယောက်တည်း ငြိမ်ဝပ်​စွာ​ထိုင်​နေ​စေ​။ မျှော်လင့်ချက်​ရှိ​ကောင်း​ရှိ​နိုင်​သည်​ဖြစ်၍ သူ​သည် မျက်နှာ​ကို မြေမှုန့်​၌​အပ်​ပါစေ​။ ရိုက်​လို​သော​သူ​အား ပါး​ကို​လှည့်ပေး​၍ ကဲ့ရဲ့ပြစ်တင်​သမျှ​ကို​ခံ​ပါစေ​။ အကြောင်းမူကား ဘုရားရှင်​သည် အစဉ်​စွန့်ပစ်​တော်မူ​မည်​မ​ဟုတ်​။