တရားသူကြီးမှတ်စာ 6:37-40

အကျွန်ုပ်​သည် သိုးမွေး​ကို ကောက်နယ်တလင်း​၌​ထား​မည်​။ မြေ​တစ်ပြင်လုံး​ခြောက်သွေ့​၍ သိုးမွေး​သာ နှင်းစို​မည်​ဆိုလျှင် ကိုယ်တော်​မိန့်​တော်မူ​ခဲ့​သည့်​အတိုင်း အစ္စရေး​လူမျိုး​တို့​ကို အကျွန်ုပ်​လက်​အားဖြင့် ကယ်တင်​တော်မူ​မည်​ဖြစ်ကြောင်း​ကို အကျွန်ုပ်​သိ​ရ​ပါ​လိမ့်မည်​”​ဟု လျှောက်​၏​။ သူ​လျှောက်​သည့်​အတိုင်း ဖြစ်လာ​၏​။ သူ​သည် နောက်တစ်နေ့​နံနက်​စောစောထ​၍ သိုးမွေး​ကို ညှစ်​သောအခါ ရေ​တစ်​ဖလား​အပြည့်​ရ​၏​။ တစ်ဖန် ဂိဒေါင်​က ဘုရားသခင်​အား “​အကျွန်ုပ်​ကို အမျက်ထွက်​တော်​မ​မူ​ပါ​နှင့်​။ အကျွန်ုပ်​လျှောက်ထား​ပါရစေ​။ နောက်​တစ်ကြိမ် သိုးမွေး​ဖြင့် စမ်းသပ်​ခွင့်​ပြု​တော်မူ​ပါ​။ မြေ​တစ်ပြင်လုံး​နှင်းစို​၍ သိုးမွေး​ကို​သာ ခြောက်သွေ့​စေ​တော်မူ​ပါ​”​ဟု လျှောက်​၏​။ ထို​ည​၌​လည်း ဘုရားသခင်​သည် သူ​လျှောက်​သည့်​အတိုင်း​ပြု​လေ​၏​။ မြေ​တစ်ပြင်လုံး​နှင်းစို​၍ သိုးမွေး​သာ ခြောက်သွေ့​၏​။