တရားဟောရာကျမ်း 31:12-14

ယောက်ျား​၊ မိန်းမ​၊ ကလေး​မှစ၍ သင်​တို့​၏​မြို့​၌​ရှိ​သော တိုင်းတစ်ပါးသား​တို့​သည် ပညတ်တရား​စကား​ရှိသမျှ​တို့​ကို ကြားနာ​၍​သင်ယူ​မည့်​အကြောင်း​၊ သင်​တို့​၏​ဘုရားသခင်​ထာဝရဘုရား​အား ကြောက်ရွံ့​၍ ပညတ်တရား​စကား​ရှိသမျှ​တို့​ကို လိုက်နာ​စောင့်ထိန်း​မည့်​အကြောင်း သူ​တို့​ကို စုရုံး​စေ​လော့​။ ထိုသို့အားဖြင့် ဤ​ပညတ်တရား​ကို​မ​သိ​သေး​သော သင်​တို့​၏​သားသမီး​တို့​ကို​လည်း ကြားနာ​စေ​ရ​မည်​။ သို့မှသာ ဂျော်ဒန်​မြစ်​ကို​ကူး​၍ သင်​တို့​သိမ်းပိုက်​မည့်​ပြည်​၌ သင်​တို့​နေထိုင်​သမျှ​ကာလ​ပတ်လုံး သင်​တို့​၏​ဘုရားသခင်​ထာဝရဘုရား​ကို​ကြောက်ရွံ့​ရ​မည်​ကို သင်ယူ​နိုင်​ကြ​မည်​”​ဟု ဆို​လေ​၏​။ ထို့နောက် ထာဝရဘုရား​က မောရှေ​အား “​ကြည့်ရှု​လော့​။ သင်​သေ​ရ​မည့်​အချိန်​နီး​ပြီ​။ ယောရှု​အား ငါ​တာဝန်ပေးအပ်​မည်​ဖြစ်၍ သူ့​ကို​ခေါ်​ပြီး တွေ့ဆုံစည်းဝေးရာ​တဲ​တော်​၌ ရပ်​နေ​ကြ​လော့​”​ဟု မိန့်​တော်မူ​၏​။ ထို့ကြောင့် မောရှေ​နှင့်​ယောရှု​တို့​သွား​၍ တွေ့ဆုံစည်းဝေးရာ​တဲ​တော်​၌​ရပ်​နေ​ကြ​၏​။