PAMUNGKAAN 49မှ လူကြိုက်နှစ်သက်သော ကျမ်းပိုဒ်များ။

မျှဝေရန်

Tiopon ni si Juda ma tungkot harajaon. Mamarenta ma pomparanna sapanjangna. Marroan ma angka bangso pasahat somba-sombana. Jana manungkap tanda tunduk di jolona.

Si Josep songon bona ni anggur na napu, di lambung mata mual ia tubu, angka rantingna manjurur manjarampak tu ginjang ni tembok. Kejam do angka tukang pana mamorangi ia, mamana dohot mangkojar ia.

Tapi laing hot do togu panania i, jana tangannia tong-tong margogo, hara ni kuaso ni Parmahan Na Gumogo, Debata ni si Jakob dolok batu ni Israel. Debata ni amangmu ma mangurupi ho, Na Gumogo i ma mamasumasu ho marhite pasupasu sian langit na di ginjang dohot pasupasu sian aek na di toru ni tano, marhite anak dohot pahan-pahanan.

Anggo si Juda, pujion ni angka kahanggimu ma ho, jomahonmu do tangkuhuk ni musumu, jana manungkap angka kahanggimu di jolomu. Songon singa do si Juda. Matehononna do soroanna, jana mulak tu asarna, marngeat ma ia lalu modom-modom. Nada adong umpe sahalak na puluk paorotkon ia.

Si Ruben, anakku siangkaan, ho do di au hagogoan. Parbatu na parjolo tanda na halaklahi au, ho do na tumongam jana na gumogo sian angka dakdanakku. Songon aek magodang na marhusasak do ho, tapi nada ho be sipatujoloon. Angke didongani ho modom radingku. Dipahodar ho podoman ni amangmu.