တရားဟောရာကျမ်း 6မှ လူကြိုက်နှစ်သက်သော ကျမ်းပိုဒ်များ။

မျှဝေရန်

သင်​၏​ဘုရားသခင် ထာဝရဘုရား​ကို သင်​၏​စိတ်နှလုံး​အကြွင်းမဲ့​၊ စိတ်ဝိညာဉ်​အကြွင်းမဲ့​၊ အစွမ်းသတ္တိ​ရှိသမျှ​ဖြင့် ချစ်​ရ​မည်​။

သင်​တို့​၏​သားသမီး​တို့​အား ကြိုးစားသွန်သင်​ရ​မည်​။ သင်​တို့​သည် အိမ်​၌​နေ​သည်​ဖြစ်စေ​၊ လမ်း​လျှောက်​နေ​သည်​ဖြစ်စေ​၊ အိပ်​နေ​သည်​ဖြစ်စေ​၊ ထ​လျက်​နေ​သည်​ဖြစ်စေ ပြောကြား​ရ​မည်​။

ယနေ့ သင့်​အား ငါ​မိန့်မှာ​သော ဤ​နှုတ်ကပတ်တော်​တို့​ကို နှလုံးသွင်း​ရ​မည်​။

အို အစ္စရေး​လူမျိုး​၊ နားထောင်​လော့​။ ငါ​တို့​၏​ဘုရားသခင်​ထာဝရဘုရား​သည် တစ်ဆူတည်း​သော​ထာဝရဘုရား​ဖြစ်​တော်မူ​၏​။

သင်​တို့​၏​လက်​၌ အမှတ်လက္ခဏာ​အဖြစ် ချည်​ထား​ရ​မည်​။ သင်​တို့​၏​မျက်မှောင်​၌ အမှတ်သင်္ကေတ​အဖြစ် ရှိ​စေ​ရ​မည်​။

သင်​တို့​၏​အိမ်​တံခါးတိုင်​များ​၊ မြို့​တံခါး​များ​၌ ရေးသား​ထား​ရ​မည်​။

သင်​တို့​၏​ဘုရားသခင်​ထာဝရဘုရား​ကို ကြောက်ရွံ့​ရ​မည်​။ ထို​အရှင်​ကို​သာ ဝတ်ပြု​ရ​မည်​။ ထို​အရှင်​၏​နာမ​တော်​ကို တိုင်တည်​၍​ကျိန်ဆို​ရ​မည်​။

သင်​တို့​၏​ဘုရားသခင်​ထာဝရဘုရား​သည် သင်​တို့​အား​ပေး​မည်​ဟု သင်​တို့​ဘိုးဘေး အာဗြဟံ​၊ ဣဇက်​၊ ယာကုပ်​တို့​အား ကျိန်ဆို​တော်မူ​ခဲ့​သည့်​ပြည်​သို့ သင်​တို့​ကို​ပို့ဆောင်​တော်မူ​၍ သင်​တို့​မ​တည်ဆောက်​ဘဲ တည်ဆောက်​ပြီးသား သာယာဝပြော​သော​မြို့​ကြီး​များ​၊ သင်​တို့​မ​စုဆောင်း​ဘဲ စုဆောင်း​ပြီးသား​ကောင်း​သော​အရာ​အမျိုးမျိုး​တို့​ဖြင့်​ပြည့်​နေ​သော​အိမ်​များ​၊ သင်​တို့​မ​တူး​ဘဲ တူး​ပြီး​သား​ရေတွင်း​များ​၊ သင်​တို့​မ​စိုက်​ဘဲ စိုက်​ပြီး​သား စပျစ်ခြံ​များ​နှင့်​သံလွင်ခြံ​များ​ကို သင်​တို့​ရရှိ​ပြီး ဝလင်​စွာ စား​ရ​သောအခါ ကျွန်ခံရာ​အိမ်​အီဂျစ်​ပြည်​မှ သင်​တို့​ကို​ထုတ်ဆောင်​တော်မူ​ခဲ့​သော ထာဝရဘုရား​ကို မ​မေ့လျော့​မည့်​အကြောင်း သင်တို့ကိုယ်သင်တို့ သတိပြု​လော့​။

သင်​တို့​ကူးသွား​၍​သိမ်းပိုက်​နေထိုင်​မည့်​ပြည်​၌ လိုက်နာ​ရ​မည့် ပညတ်တော်​၊ ပြဋ္ဌာန်းချက်​များ​နှင့် စီရင်ထုံးဖွဲ့ချက်​များ​ကို သင်​တို့​အား​သင်ကြား​ပေး​ရန် သင်​တို့​၏​ဘုရားသခင်​ထာဝရဘုရား​မိန့်မှာ​တော်မူ​ခဲ့​၏​။ သင်​မှစ၍ သင်​၏​သား​မြေး​တို့​သည် အသက်ရှင်​သမျှ​ကာလ​ပတ်လုံး သင်​၏​ဘုရားသခင်​ထာဝရဘုရား​ကို​ကြောက်ရွံ့​၍ သင့်​အား​ငါ​ဆင့်ဆို​သည့် ကိုယ်တော်​၏​ပြဋ္ဌာန်းချက်​နှင့်​ပညတ်တော်​ရှိသမျှ​တို့​ကို​စောင့်ထိန်း​ရ​မည်​။ ထိုသို့​ပြု​လျှင် သင်​တို့​သည် အသက်​ရှည်​လိမ့်မည်​။

ထာဝရဘုရား​၏​မျက်မှောက်​တော်​၌ ဖြောင့်မှန်​သော​အမှု​၊ ကောင်း​သော​အမှု​တို့​ကို ပြု​လော့​။ သို့ပြုလျှင် ထာဝရဘုရား​က ထို​ပြည်​ကို​သင်​တို့​ဘိုးဘေး​တို့​အား ပေး​မည်​ဟု ကျိန်ဆို​တော်မူ​ခဲ့​သည်​နှင့်အညီ ထို​သာယာဝပြော​သော​ပြည်​ကို သင်​တို့​ဝင်ရောက်​သိမ်းပိုက်​၍ ကောင်းစား​ကြ​လိမ့်မည်​။

သင်​တို့​နှင့်အတူ​ရှိ​တော်မူ​သော သင်​တို့​၏​ဘုရားသခင်​ထာဝရဘုရား​သည် သဝန်တို​တတ်​သော​ဘုရား​ဖြစ်​တော်မူ​၏​။ ထို့ကြောင့် သင်​တို့​၏​ဘုရားသခင်​ထာဝရဘုရား​သည် သင်​တို့​အပေါ်​အမျက်ထွက်​၍ သင်​တို့​ကို မြေကြီး​ပေါ်​မှ ဖျက်ဆီး​တော်မူ​မည်​ကို စိုးရိမ်​ရ​၏​။

အခြား​ဘုရား​များ​၊ သင်​တို့​ပတ်လည်​ရှိ​လူမျိုး​တို့​၏​ဘုရား​များ​ကို မ​ဆည်းကပ်​ရ​။

သင်​တို့​သည် မဿာ​အရပ်​၌ သင်​တို့​၏​ဘုရားသခင်​ထာဝရဘုရား​ကို အကဲစမ်း​သကဲ့သို့ အကဲ​မ​စမ်း​ရ​။