မဟာနာမနမူနာ

ထာဝရဘုရားဟာ နာမ်ဝိညာဉ်ဖြစ်ပြီး၊ အဘယ်သူနှင့်မျှမတူဘဲ ခမည်းတော်၊ သားတော်၊ သန့်ရှင်းသောဝိညာဉ်တော် ပါဝင်တဲ့ သုံးပါးတစ်ဆူဘုရား ဖြစ်ပါတယ်။ ဒီကမ္ဘာကြီး မဖန်ဆင်းခင်တည်းက ခမည်းတော်၊ သားတော်၊ သန့်ရှင်းသောဝိညာဉ်တော်ဟာ နေ့ညမပြတ် အချင်းချင်း မိတ်သဟာယဖွဲ့ပြီး ဝမ်းမြောက်စွာ နေထိုင်ကြတယ်။ အဲဒီထက်မက သုံးပါးတစ်ဆူဘုရားသခင်က စိုးစံတော်မူပြီး သူ့ပလ္လင်တော်ရဲ့ ပတ်လည်မှာ အတိုင်းမသိများပြားလှတဲ့ နာမ်ဝိညာဉ်ကောင်းကင်တမန်တွေလည်း ပျပ်ဝပ်ရှိခိုးနေကြပါတယ်။

မကုန်နိုင်တဲ့ တန်ခိုးတော်၊ ဉာဏ်တော်၊ ဘုန်းတော်၊ သန့်ရှင်းခြင်းပါရမီတော်၊ မေတ္တာတော်ကို ပိုင်ပြီး၊ အိုဘေး၊ နာဘေး၊ သေဘေး မရှိ၊ သူရဲ့အကြံအစည်တော်ကို ဘယ်သူမှတားဆီးလို့ မရတာကြောင့် အစဉ်အမြဲ အဆုံးမရှိတဲ့ ဘုန်းတော်နဲ့ ပျော်ရွှင်ခြင်းကို ထာဝရဘုရားက ပိုင်ပါတယ်။

ထိုဘုရားက မိမိဘုန်းတော်ကို ထင်ရှားစွာ ပြဖို့ရန် ဒီစကြဝဠာ၊ ကမ္ဘာကြီး၊ နေ၊ လ၊ ကြယ်စတာတွေနဲ့အတူ လူကို ဖန်ဆင်းတော်မူခဲ့ပါတယ်။

'မိုးကောင်ကင်သည် ဘုရားသခင်၏ ဘုန်းအသရေတော်ကို ကြားပြော၍၊ မိုးမျက်နာကြက်သည် လက်တော်နှင့် လုပ်သောအရာများကို ပြသ၏။'

ထာဝရဘုရားက လူသားတွေကို ဘုရားသခင်ရဲ့ ဘုန်းအသရေတော်အတွက် ဖန်းဆင်းတော်မူပါတယ်။

'မြေကြီးစွန်းမှ ငါ့သားသမီးတည်းဟူသော၊ ငါ့နာမဖြင့် သမုတ်သောသူ၊ ငါ၏ဘုန်းအသရေဖို့ ငါဖန်ဆင်းပြုပြင်၍၊ ဧကန်စင်စစ်၊ လုပ်ပြီးသောသူအပေါင်းတို့ကို ဆောင်ခဲ့လော့ဟု ငါပြောမည်။'

ဘုန်းကြီးသောဘုရားသခင်က ကျွန်တော်တို့ကို ဒီလိုမိန့်တော်မူခဲ့ပါတယ်။

'ထာဝရဘုရား၏ နာမတော်သည် ဘုန်းကြီးတော်မူသည်ဟု ဝန်ခံလျက်... ထာဝရဘုရားကို ကိုးကွယ်ကြလော့။ ငါမှတစ်ပါး အခြားသောဘုရားကို မကိုးကွယ်နှင့်' လို့ သမ္မာကျမ်းစာထဲမှာ ဖော်ပြထားပါတယ်။