ဆာလံကျမ်း ၁ - ခရစ်ယာန်အသက်တာအတွက် အခြေခံအုတ်မြစ်နမူနာ

ပျော်ရွှင်ခြင်း... ဘယ်မှာလဲ?

ဒီမေးခွန်းကတော့ မီဒီယာနဲ့ တီဗွီရှိုးတွေမှာ ထွက်ပေါ်လာတတ်တဲ့ မေးခွန်းပါ။ ပျော်ရွှင်ခြင်းဆိုတာ ဘဝမှာ တကယ်ပဲ ရရှိနိုင်လား? တကယ်ရရှိနိုင်တယ်ဆိုရင် .... ဘယ်မှာလဲ?

ပျော်ရွှင်ခြင်းနဲ့ ပတ်သက်ပြီး ကျမ်းစာရဲ့ နှစ်နေရာမှာ ပြောပြထားတာရှိတယ်။ ဆာလံ ၁း၁ နဲ့ မဿဲ ၅း၁-၁၂ တို့မှာဖြစ်ပါတယ်။ ဒီကျမ်းပိုဒ်တွေကို ဖတ်ကြည့်ကြရအောင်။

“မ​တ​ရား​သော​သူ​တို့​၏ တိုက်​တွန်း​ခြင်း​သို့​မ​လိုက်၊ လူ​ဆိုး​တို့၏ လမ်း​တွင်​မ​ရပ်​မ​နေ၊ မ​ထီ​မဲ့​မြင်​ပြု​သော သူ​တို့၏ အ​စည်း​အ​ဝေး​၌​မ​ထိုင်... သော​သူ​သည် မင်္ဂ​လာ​ရှိ​၏။” (JBMLE, ဆာလံ ၁း၁)

ဒီဆာလံအပိုဒ်ငယ်မှာ ဘယ်လိုလူမျိုးက “မင်္ဂလာရှိသူ” ဖြစ်တယ်ဆိုတာကို တွေ့ရပါတယ်။ ယေရှုရဲ့ တောင်ပေါ်ဒေသနာမှာလည်း ဘယ်လိုလူမျိုးက “မင်္ဂလာရှိသူ” ဖြစ်တယ်ဆိုတာကို တွေ့ရပါတယ်။ (ကျမ်းစာဖတ်ရန် - မဿဲ ၅း၁-၁၂) ဒီကျမ်းနှစ်နေရာမှာ “မင်္လာရှိ” ဆိုတဲ့စကားလုံးဟာ၊ ဟေဗြဲလို “esher” နဲ့ ဂရိလို “makarios” လို့ဖြစ်နေတာတွေ့ရပြီး ၎င်းတို့ရဲ့ အဓိပ္ပာယ်ကတော့ “Happy” ဆိုတဲ့ “ပျော်ရွှင်ခြင်း”လို့ အဓိပ္ပာယ်ရနေပါတယ်။

ဘုရားသခင့် အလို‌တော်ရဲ့ အလယ်ဗဟိုချက်က သင်ဟာ ပျော်ရွှင်ဝမ်းမြောက်ခြင်း ရှိဖို့ပါ။သူလုပ်ဆောင်သမျှနဲ့ သင်လုပ်ဆောင်ဖို့ သူမှာကြားတာမှန်သမျှဟာ သင့်ရဲ့ ပျော်ရွှင်ဝမ်းမြောက်ခြင်းအတွက်ပါ၊ အမှန် ပျော်ရဖို့ပါပဲ။ အမှန်ပါ။

ခုလို သင်ရရှိလာတဲ့ ပျော်ရွှင်ခြင်းဟာ သင့်မိတ်ဆွေတွေနဲ့ ပတ်ဝန်းကျင်အတွက် သက်သေတစ်ခု ဖြစ်နေလိမ့်မယ်လို့ ကျွန်တော်ယုံကြည်ပါတယ်။ အခြေအနေအမျိုးမျိုးကို သင်ကြုံတွေ့နေရပေမဲ့ ထိုအထဲကနေ သင်ကြီးထွားလာတာ၊ သင်တောက်ပလာတာတွေကို သူတို့တွေ့ရင် ဒါတွေက ဘုရားရဲ့သက်သေအဖြစ် သူတို့ကိုစကားပြောနေပါလိမ့်မယ်။ သူတို့ကို ဘာလို့များလဲလို့ တွေးလာစေမယ်။ “ဒီသူကတော့ ငါတို့နဲ့ မတူတာတစ်ခုခုရှိနေတယ် ... ဘာဘာလိမ့်” လို့မေးခွန်းထုတ်လာစေမယ်။

ဘုရားသခင်ရဲ့နှုတ်ကပတ်တော်ကို နာခံပြီး၊ သူ့လမ်းတော်အတိုင်းလမ်း‌ လျှောက်လှမ်းတဲ့အခါ၊ ဘုရားရဲ့အလင်းနဲ့ သင်ဟာတောက်ပလာလိမ့်မယ်။ ဘုရားရဲ့ ငြိမ်သက်ခြင်းကို ဖြန့်ကျက်ပေးတဲ့သူ ဖြစ်လာလိမ့်မယ်။ ဒါဟာအလွန်တန်ခိုးပါတဲ့ သက်သေပါ။ သင့်အသက်တာဟာ ဘုရားသခင်ရဲ့ အံ့သြဖွယ်လုပ်ဆောင်မှုကို ပြသနေတာပါ။ ပျော်ရွှင်ခြင်းဆိုတာ ဘုရားသခင်နဲ့ တစ်ရက်ပြီးတစ်ရက် အတူအသက်ရှင်ခြင်း ဖြစ်တယ်။ ပျော်ရွှင်ခြင်းဆိုတာ ယေရှုရဲ့ ခြေတော်ရာအတိုင်း လိုက်လျှောက်နေခြင်းဖြစ်တယ်။

မိတ်ဆွေ၊ ပျော်ရွှင်နိုင်ပါစေ။ သင်ကတစ်ဆင့် အခြားသူတွေကိုလည်း ကူးစက်သွားပါစေ။

ဆိုတော့... ပျော်ရွှင်ခြင်း ဘယ်မှာလဲ?သူသင့်အထဲမှာ ရှိနေတယ်။ သူနာမည်က ယေရှုပဲ။

သက်ရှိထင်ရှား ရှိပေးလို့ ကျေးဇူးတင်ပါတယ်

Eric Célérier

Eric Célérier ၏ Devotional Plan အားဘာသာပြန်ဆိုထားခြင်းဖြစ်သည်။