ကျေးဇူးတော်သီချင်းနမူနာ

“ငါ့ကို ဘယ်သူက ချစ်နိုင်မှာလဲ”

ဒီလိုမျိုးတွေးဖူးလား၊ ငါတော့တွေးဖူးတယ်...

ငါဟာ ပြီးပြည့်စုံခြင်း ဆိုတာနဲ့ ဝေးကွာစွာ ကြီးပြင်းလာခဲ့တာ အခုထိပါပဲ။ ဆယ်ကျော်သက်မှာ ငါဟာ ရှက်စရာတွေနဲ့ အပြစ်တွေ လုပ်ခဲ့တယ်။ လူတွေက ငါ့ကို “မင်းကို ဘုရားသခင် ချစ်တယ်။ မင်းဘဝအတွက် သူ့မှာ အကြံအစည်တွေ ရှိတယ်။” လို့ပြောကြတယ်။ ဒါပေမဲ့ အဲ့ဒါကို ငါ့လိုချစ်စရာမကောင်းတဲ့အပြင် တန်ဖိုးမရှိတဲ့သူအတွက် ယုံကြည်ဖို့ ခက်ခဲနေတယ်။ ဒါကြောင့် “Amazing Grace” သီချင်းရဲ့ အကြောင်းအရာလေးကို ငါနှစ်သက်တာဖြစ်တယ်။

“ငါ့ကို ဘယ်သူက ချစ်နိုင်မှာလဲ” ဒီလိုမျိုးတွေးဖူးလား၊ ငါတော့တွေးဖူးတယ်...

ငါဟာ ပြီးပြည့်စုံခြင်း ဆိုတာနဲ့ ဝေးကွာစွာ ကြီးပြင်းလာခဲ့တာ အခုထိပါပဲ။ ဆယ်ကျော်သက်မှာ ငါဟာ ရှက်စရာတွေနဲ့ အပြစ်တွေ လုပ်ခဲ့တယ်။ လူတွေက ငါ့ကို “မင်းကို ဘုရားသခင် ချစ်တယ်။ မင်းဘဝအတွက် သူမှာ အကြံအစည်တွေရှိတယ်။” လို့ပြောကြတယ်။ ဒါပေမဲ့ အဲ့ဒါကို ငါ့လိုချစ်စရာမကောင်းတဲ့အပြင် တန်ဖိုးမရှိတဲ့သူအတွက် ယုံကြည်ဖို့ခက်ခဲနေတယ်။ ဒါကြောင့် “Amazing Grace” သီချင်းရဲ့ အကြောင်းအရာလေးကို ငါနှစ်သက်တာဖြစ်တယ်။

မင်း ဘုရားကျောင်းတက်တက်မတက်တက် ဒီသီချင်းကိုတော့ မင်းသိပြီးသားဖြစ်လိမ့်မယ်။ သမိုင်းမှာ ထင်ရှားတဲ့ ဒီသီချင်းကို နိုင်ငံကျော်အဆိုတော် Elvis, Aretha Franklin and Bono တွေနဲ့ Nelson Mandela ခေါင်းဆောင်တွေက သီဆိုကျတဲ့အပြင် နာမည်ကြီးတဲ့ The Simpsons တီဗီလိုင်းမှာလည်း ပါဝင်တဲ့ သီချင်းဖြစ်တယ်။

ဒီသီချင်းကို ၁၈ ရာစု ကျွန်သဘော် ကပ္ပတိန် John Newton ကရေးခဲ့တာဆိုတာတော့ မင်းသိချင်မှ သိလိမ့်မယ်။

နယူတန် ရဲ့ ကြောင်းကို လေ့လာပြီး သူနဲ ့ ငါတို ့ နှိုင်းယှဉ်ကြည့်မယ်ဆိုရင် ငါတို့က သူ့ထက်စာရင် သန့်ရှင်းပြီး လူကောင်းဖြစ်တယ်လို ့ ထင်မြင်မိလိမ့်မယ်။ မင်းက ကိုယ့်ကိုကိုယ် ညစ်ပေပြီး အမားတွေ အပြစ်တွေ

တပုံကြီးလုပ်တဲ့သူလို့ထင်နေချိန်မှာ နယူတန်ဟာဆို လူ့အသက်ကို ခေါင်းပုံဖြတ်ပြီး သူ့အကျိုးအတွက် ကျွန်တွေကို ရောင်းစားတဲ့ အပြစ်ကို ကျူးလွန်နေခဲ့တယ်။

အဲ့လိုလူက ဘယ်လိုလို့များ ဘုရားသခင်က သူ့ကို ဘယ်လောက်ချစ်လဲဆိုတဲ့ ဒီလိုသီချင်းကို ရေးနိုင်ခဲ့တာလဲ။

အဖြေကတော့ ကျေးဇူးတရားကြောင့်ပါပဲ။

ခရစ်တော်ရဲ့ သိတင်းကောင်းလို ့ပြောတဲ့ခါ ငါတို့က ငါတို့ ကိုယ့်ကို အပြစ်ကင်းစင်အောင်လုပ်ပြီး ဘုရားသခင်ရဲ့ချစ်ခြင်းကို ခံစားရတဲ့ အကြောင်းမဟုတ်ဘူး။ တကယ်တမ်းတော့ ငါတို့က ငါတို့ရဲ့အဆိုးညစ်ဆုံးအခြေနေကို သိနေတဲ့ချိန်မှာပင် ဘုရားသခငက ငါတို့အနားလာပြီး သူ့ချစ်ခြင်းနဲ့ အပြစ်တွေထဲကနေ ကယ်တင်တာဖြစ်တယ်။

ရောမ ၅း၈

“ငါတို့သည် အပြစ်ရှိစဉ်ပင်၊ ခရစ်တော်သည် ငါတို့အတွက်ကြောင့် အသေခံတော်မူသည်ဖြစ်၍၊ ဘုရား သခင်သည် ငါတို့ကို အဘယ်မျှလောက်ချစ်တော်မူသည်ကို ငါတို့အား ထင်ရှားစွာပြတော်မူ၏။”

နယူတန်ဟာ ဘုရားသခင်ရဲ့ ကျေးဇူးတော်ကို နှစ်ပေါင်းများစွာ လှောင်ပြောင်နေခဲ့တယ်။ ငါနဲ့ မင်း ကြီးပြင်းလာတဲ့ခါ ကြားရတဲ့ ဘုရားမေတ္တာအကြောင်းကို သူလည်း ကြားခဲ့ရတယ်။ ဒါပေမဲ့သူ အဲ့ဒီအရာကို မယုံကြည်ခဲ့ဘူး။ သူမယုံကြည်ချင်ခဲ့ဘူး။ တစ်ရက်တော့ သူ့ သင်္ဘောကို မောင်းနှင်နေတဲ့ချိန်မှာပဲ အင်မတန်ပြင်းထန်လွန်းတဲ့ မုန်တိုင်းနဲ့ ရင်ဆိုင်ရတဲ့အခါ သူ ဘုရားသခင်ကို ဟစ်ခေါ်ခဲ့တယ်။ သူရဲ့သင်္ဘော မုန်တိုင်းဘေးကနေ လွတ်ငြိမ်းသွားတဲ့ခါ သူရက်ရှည်လများစွာ ငြင်းပယ်ခဲ့တဲ့ ယေရှုနဲ့ ဘုရားသခင်ရဲ့ကျေးဇူးတရားကို နောက်ဆုံးမှာ လက်ခံလာတယ်။

နောက်ပိုင်းမှာ နယူတန်ရဲ့အသက်တာဟာ ပြောင်းလဲပြီး ဂရိတ်ဗြိတိန်မှာ ကျွန်ကုန်သွယ်မှုကို ရပ်တန် ့တဲ့အခန်းကဏ္ဍမှာ ပါဝင်ခဲ့တယ်။ သူဟာ တရားဟောဆရာတစ်ယောက်ဖြစ်လာပြီး ဆင်းရဲသားတွေကို ပြုစုစောင့်ရှောက်တယ်။ အလွှာပေါင်းစုံမှ လူတွေကိုလည်း အတူတကွ ခေါ်ဆောင်ပေးတဲ့ သင်းအုပ်ဆရာတစ်ပါးအနေနဲ့ နာမည်ကောင်းရလာခဲ့တယ်။ ဘုရားသခင်ရဲ့ ကျေးဇူးတရားဟာဆိုရင် နယူတန်ကိုကယ်တင်ရုံမက နယူတန်ရဲ့အသက်တာကိုပါ ပြောင်းလဲစေခဲ့တယ်။

နယူတန်ဟာ ဘုရားသခင်နဲ့ သူရဲ့ဆက်ဆံရေး ဘယ်လောက်ပဲ ကြီးထွားနေပါစေ၊ အရာအားလုံးဟာ ဘုရားရဲ့ကျေးဇူးတော်ကြောင့် ဖြစ်တယ်ဆိုတာ သူဘယ်တော့မှ မမေ့ဘူး။ သူ့ရဲ့အပြစ်တွေကို စဉ်းစားကြည့်ရင်ဖြင့် စီရင်ခြင်းကို ခံထိုက်တယ်။ ငါတို့အပြစ်တွေလိုပေါ့။ ဒါပေမဲ့ ငါတို့အပြစ်တွေကိုယ်စား လက်ဝါးကပ်တိုင်ပေါ် လိုလိုလားလား သယ်ဆောင်သွားခဲ့တဲ့ ယေရှုအပေါ် စီရင်ဖို့ ဘုရားရဲ့ချစ်ခြင်းမေတ္တာတရားက ဦးဆောင်သွားခဲ့တယ်။ ဒါဟာ ကြီးကျယ်ခန်းနားလွန်းတဲ့ ကျေးဇူးတရားပဲ။

နယူတန်က သူ့ဘဝနောက်ပိုင်းမှာ ဒီလိုပြောခဲ့တယ်...

“ငါဟာ အပြစ်သားအကြီးစားဖြစ်ပြီး၊ ခရစ်တော်ဟာ ကြီးမြတ်တဲ့ကယ်တင်ရှင်ဖြစ်တယ်ဆိုတဲ့ ဒီအရာ ၂ ခုကို ငါအမှတ်ရနေတယ်။” ဒါဖြင့်ရင် မင်းရဲ့အမှားတွေ၊ ရှက်စရားကောင်းတဲ့အပြစ်တွေ၊ မင်းနောက်ပြန်ဆုတ်ပြီး ပြုပြင်ချင်တဲ့အရာတွေနဲ့ဆို မင်းက ချစ်စရာကောင်းသေးလား၊ မင်းရဲ့ အပြစ်က ဘုရားရဲ့ ကျေးဇူးတရားထက် ကြီးနေလား။

ဒီနေ့ နယူတန်ဆီက သင်ခန်းစာယူပြီး စစ်မှန်တဲ့အမှန်တရားမှာ စိတ်ချလက်ချ နေရအောင်။ ဘုရားသခင်ရဲ့မေတ္တာက ငါတို့အခြေနေပေါ်မ မူတည်ဘူး။ ငါတို့လို ဆိုးညစ်တဲ့ လူတွေကို ကယ်ဖို ့ သူ့ရဲ့ ကျေးဇူးတရားဟာ လုံလောက်တယ်။ ဘုရားကောင်းကြီးရှိပါစေ။

Nick Hall