ကျွန်ုပ်တို့ကိုယ်စား - Time of Grace အမှုတော်လုပ်ငန်းမှ ခရစ်တော်ဒုက္ခခံတော်မူရာရက်၄၀ နှင့်ဆိုင်သောဆင်ခြင်နှလုံးသွင်းစရာများနမူနာ

အပြစ်ဒဏ်စီရင်ခြင်းမခံရ

ထာဝစဉ်ဘုရားသခင်ဖြစ်တော်မူသော သခင်ယေရှုသည် လူသားအဖြစ်ကိုခံယူလျက် ဤလောက်တွင် ကိုယ်တိုင်လာရောက်နေထိုင်ခဲ့ခြင်းမှာ အကျိုးအကြောင်းများစွာရှိသည်။ သို့သော် ၎င်းတို့ထဲမှ အဓိကအကြောင်းမှာ ဟေဗြဲဩဝါဒစာကိုရေးခဲ့သူက ထိုစာ၏ဒုတိယခန်းတွင်ဖော်ပြထားသကဲ့သို့ သေခြင်း​ကို​ကြောက်ရွံ့​သော​သဘော​၌ တစ်သက်လုံး​ကျွန်ခံ​နေ​ရ​သော​သူ​တို့​ကို လွတ်မြောက်​စေရန်​ဖြစ်​သည်။

ယေရှုသည် ဘုရားသခင်၏ပညတ်တော်အားလုံးကိုနာခံလျက် ၎င်းတို့ကိုအပြည့်အဝစောင့်ရှောက်ခြင်းဖြင့် ကျွန်ုပ်တို့အသက်ရှင်ရမည့်အသက်တာကို အစားထိုးအသက်ရှင်ခဲ့သည်။ ကျွန်ုပ်တို့ခံထိုက်သည့်အပြစ်ဒဏ်ကို မိမိအပေါ်သို့သက်ရောက်စေရန် မိမိ၏ကိုယ်ခန္ဒာတော်ကို နှိပ်စက်ညှဉ်ပန်းခြင်းနှင့်ဝေဒနာခံစားခြင်းသို့ပေးအပ်ခဲ့သည်။ နောက်ဆုံးတွင် မိမိအသက်ကိုပင်ပေးအပ်ခဲ့သည်။ ထိုသို့ ကရာနီပေါ်တွင်ဖြစ်မြောက်ခဲ့သည့် ကြီးစွာသောလဲလှယ်မှုကြောင့် ကျွန်ုပ်တို့၏သေခြင်းသည် သူ၏သေခြင်းဖြစ်ခဲ့ပြီး သူ၏အပြစ်ကင်းခြင်းသည် ကျွန်ုပ်တို့၏အပြစ်ကင်းခြင်းဖြစ်ခဲ့သည်။

၎င်း၏ရလဒ်မှာ "ယခု​အခါ ခရစ်တော်​ယေရှု​၌​ရှိ​သော​သူ​တို့​သည် ပြစ်ဒဏ်​စီရင်​ခြင်း​မ​ခံရ။ အကြောင်းမူကား ခရစ်တော်​ယေရှု​၌​ရှိ​သည့် အသက်ရှင်​ခြင်း​၏​ဝိညာဉ်​တော်​နှင့်ဆိုင်သော​တရား​သည် အပြစ်​နှင့်​သေ​ခြင်း​တို့​နှင့်ဆိုင်သော​တရား​မှ သင့်​ကို​လွတ်မြောက်​စေ​ပြီ​ဖြစ်​၏" (ရော ၈:၁-၂) ဟူ၍ဖြစ်သည်။ သင်သည် မည်သည့်အခါမျှ ဘုရားသခင်ကိုကြောက်စရာမလိုတော့ပါ။ ဘယ်ကြောင့်ဆိုသော် သင်၏အပြစ်အားလုံးသည် သင်၏အကျင့်အပေါ်မမူတည်ဘဲ ဓမ္မဓိဋ္ဌာန်ကျကျ၊ အခမဲ့၊ ရှေးယခင်ကပင် ခွင့်လွှတ်ခြင်းခံရပြီဖြစ်သည်။ ၎င်းမှာ လုပ်အားခမဟုတ်ဘဲ အမွေဖြစ်သည်။ သင့်ဥစ္စာဖြစ်သည်။ ယုံကြည်သူအားလုံး ရရှိနိုင်သည်။

ဘုရားသခင်သည် တကယ်ပင်ထိုသို့ဖြစ်စေခဲ့သည်။ ပြစ်ဒဏ်​စီရင်​ခြင်း​မ​ခံရဟုဆိုရာတွင် တကယ်ပင် ပြစ်ဒဏ်​စီရင်​ခြင်း​မ​ခံရပါ။ ယခု သင်အသက်ရှူချောင်နိုင်ပါပြီ။