Genesis 5
5
Adam buɗub
1Adam buɗubppan danab onilag bukppa yaappig am inam. Tatam Kayak Nug Adam heum amu, Nug Nug bia heum. 2Nug danab ah ele haata, Nug laa am danab, laa am ah haata itatowa, ahilahnu, “danab,” aum.
3Amu Adam nug maɗ 130 dayeye, nug bekka nug bia doum. Do amu nug onig Set ataɗom. 4Set doum dimppa amu, Adam maɗ 800 baula dayeye, nug bekkod aɗekkud laala ele, ag doppig. 5Adam nug maɗ nuhig 930 daya amu, nug mauhom.
6Set nug maɗ 105 dayeye, nug bekka onig Enos doum. 7Enos doum dimppa amu, Set nug maɗ 807 baula dayeye, nug bekkod aɗekkud laala ele, ag doppig. 8Set nug maɗ nuhig 912 daya amu, nug mauhom.
9Enos nug maɗ 90 dayeye, nug bekka onig Kenan doum. 10Kenan doum dimppa amu, Enos nug maɗ 815 baula dayeye, nug bekkod aɗekkud laala ele, ag doppig. 11Enos nug maɗ nuhig 905 daya, nug mauhom.
12Kenan nug maɗ 70 dayeye, nug bekka onig Mahalalel doum. 13Mahalalel doum dimppa amu, Enos nug maɗ 840 baula dayeye, nug bekkod aɗekkud laala ele, ag doppig. 14Kenan nug maɗ nuhig 910 daye, nug mauhom.
15Mahalalel nug maɗ 65 dayeye, nug bekka onig Jaret doum. 16Jaret doum dimppa amu, Mahalalel nug maɗ 830 baula dayeye, nug bekkod aɗekkud laala ele, ag doppig. 17Mahalalel nug maɗ nuhig 895 daya, nug mauhom.
18Jaret nug maɗ 162 dayeye, nug bekka onig Enok doum. 19Enok doum dimppa amu, Jaret nug maɗ 800 baula dayeye, nug bekkod aɗekkud laala ele, ag doppig. 20Jaret nug maɗ nuhig 962 daye, nug mauhom.
21Enok nug maɗ 65 dayeye, nug bekka onig Metusela doum. 22Metusela doum dimppa amu, Enok nug maɗ 300 baula dayeye, Kayak ele oittapiɗ. Haen amuppa nug bekkod aɗekkud laala ele, ag doppig. 23Enok nug maɗ 365 dayeye, 24haen amuppa nug Kayak ele oiyya, Kayak Nug Enok awom amunu, nug wanppa baula ii dayom.
25Metusela nug maɗ 187 dayeye, nug bekka onig Lamek doum. 26Lamek doum dimppa amu, Metusela nug maɗ 782 baula dayeye, nug bekkod aɗekkud laala ele, ag doppig. 27Metusela nug maɗ nuhig 969 daye, nug mauhom.
28Lamek nug maɗ 182 dayeye, nug bekka doum ⌊am onig Noa⌋. 29Do amu Lamek nug aum. “Yawe Nug wan eheɗ laa awaknu anak waappa daakkunu meum amu, nid imu nug ig wanppa uɗat ihinignu ehanigkku,” amunu Lamek nug onig Noa ataɗom. 30Noa doum dimppa amu, Lamek nug maɗ 595 baula dayeye, nug bekkod aɗekkud laala ele, ag doppig. 31Lamek nug maɗ nuhig 777 daya, nug mauhom.
32Noa nug maɗ 500 daye, dimppa nuhikkud nid danab ewam onilag Sem, Ham, Japet ele, ag doppig.
လက္ရွိေရြးခ်ယ္ထားမွု
Genesis 5: NB
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2022, Wycliffe Bible Translators, Inc. All rights reserved.