Matthew 1
1
1Ɗèlèwèr nzlembaƋ ndohi te verzi Yèsu Kristi, kra David, kra Abraham.
2Abraham bab Isaac; Isaac bab Jacob; Jacob bab Juda a kramamhi nenga'a. 3Juda bab Pharès a Zara, man Thamar a ya na Juda. Pharès bab Esrom; Esrom bab Aram. 4Aram bab AminaƋab; AminaƋab bab Naasson; Naasson bab Salmon; 5Salmon bab Boaz, man Rabab a ya na; Boaz bab Obed man Ruth a ya na; 6Obed bab Isai; Isai bab bi David.
Bi David, bab Salomon, man ngwoz Urie a ya na. 7Salomon bab Roboam; Roboam bab Abia; Abia bab Asa; 8Asa bab Josaphat; Josaphat bab Joram; Joram bab Ozias; 9Ozias bab Joatham; Joatham bab Achaz; Achaz bab Ezéchias; 10Ezéchias bab Manassé; Manassé bab Amon; Amon bab Josias;
11Josias bab Jéchonias a kramamhi nenga'a, a vi man ta hel ta a kokwar Babylone. 12Te deɓa'a aman ta hel ta a kokwar Babylone ma, Jéchonias bab Salathiel; Salathiel bab Zorobabel; 13Zorobabel bab Abiud; Abiud bab Eliakim; Eliakim bab Azor; 14Azor bab Sadok; Sadok bab Achim; Achim bab Eliud;
15Eliud bab Eléazar; Eléazar bab Matthan; Matthan bab Jacob; 16Jacob bab Joseph; nenga'a baki Marie, man a yu Yèsu, man ta baba na Kristi. 17Gar haha te Abraham, ha David, verzi ndohi 14. Te David, ha vi man ta hel ta a kokwar Babylone, verzi ndohi 14. Te mvi man ta hel ta a kokwar Babylone ma, ha Kristi, verzi ndohi 14.
18Nyi Yèsu Kristi a ngu ar haha: Marie, mam na, medemi Joseph, a n'ngots kra a Mèzhèɓ Zhiklè nkezla'a, baki a m'mana a vna di ɓai. 19Joseph, baki na, ndo nzura'a, a woy a mpa na hori a di a Marie ɓai, a nhuro a woy a njèkeda a metsar. 20Aman a hur skwi haha arsa, gol Bi Zhiklè a ngudoko na va a dai te nshunè, a ngaƋa na:
Joseph, kra David, ka gu zlau ɓai! Co Marie, a ngwoz ngaya, aman kra nt'hwaƋ na, Mèzhèɓ Zhiklè nkezla'a a mva na. 21A da yi kra ngura'a, a ka da va na nzlembaƋ nenga'a Yèsu, aman nenga'a a da mbel ta ndohi nenga'a te mali tenga'a.
22Skwi haha a ngau, ara ma Zhiklè, man a goƋ te ma ndo nhadka ma:
23Na haha bidali a ngècè kra, a da yi kra ngura'a a ta da va na nzlembaƋ nenga'a Emmanuel, ara ngèƋè: Zhiklè a nda nga.
24A Joseph a mpiƋèkwe na, a ngu ara man gol Bi Zhiklè a gaƋa na, a mco ngwoz na a gai, 25aman a m'mana a vna ɓai, ha a nya kra ma, a mva na nzlembaƋ nenga'a Yèsu.
လက္ရွိေရြးခ်ယ္ထားမွု
Matthew 1: MAFNT
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Mofa New Testament © The Bible Society of Cameroun, 1989