ᒨᓯᓯ ᓯᕗᓪᓖᑦ 9
9
ᒎᑎᐅᑉ ᐊᖏᖃᑎᖃᕐᖕᓂᖓ ᓄᐊᒥᒃ
1 #
ᒨᓯᓯ ᓯᕗᓪᓖᑦ 1:28. ᒎᑎᐅᓪᓗ ᓄᐊ ᐃᕐᖕᓂᖏᓪᓗ ᓮᒻᒪᖅᑎᑉᐰᑦ, ᐅᖃᖅᓗᓂ, “ᕿᑐᕐᖏᐅᕆᑦᑎ ᐅᓄᖅᑐᓂᒃ, ᓄᓇᓗ ᐃᓄᒋᐊᒃᓯᑎᓕᖅᓯᐅᒃ. 2ᑲᑉᐱᐊᒋᔭᐅᓂᐊᖅᐳᓯ ᐃᖅᓯᒋᔭᐅᓗᓯᓗ ᐆᒪᔪᓕᒫᓄᑦ ᓄᓇᒥ, ᑎᖕᒥᐊᓄᓪᓗ ᖃᖓᑕᕙᒃᑐᓄᑦ, ᐹᕐᖑᖅᑐᓕᒫᓄᓪᓗ ᒪᓂᖅᑲᒥ ᐃᒪᕐᖕᒥᐅᑕᓕᒫᓄᓪᓗ; ᑕᒪᒃᑯᐊ ᐱᔪᓐᓇᕐᖕᓂᑦᓯᓐᓄᑦ ᑐᓂᔭᐅᖕᒪᑕ. 3ᐊᐅᓚᔪᓐᓇᖅᑐᓕᒫᑦ ᐆᒪᔪᑦ ᓂᕿᒃᓴᕆᓂᐊᖅᐸᓯ; ᐱᕈᖅᑐᓪᓗ ᑐᖑᔪᖅᑍᑦ ᑐᓂᒋᕙᒃᑲ, ᑐᓂᓯᕕᒋᕙᑦᓯ ᑕᒤᓐᓂᒃ. 4#ᒨᓯᓯ ᐱᖓᔪᖏᑦ 7:26,27; 17:10-14; 19:26; ᒨᓯᓯ ᑕᓪᓕᒪᖏᑦ 12:16,23; 15:23.ᓂᕆᔭᕆᐊᖃᓐᖏᓚᓯᓕ ᓂᕿᒥᒃ ᐃᓅᓯᖓᓂᒃ ᐃᓚᖃᖅᑐᒥᒃ, ᑕᕝᕙ ᐊᐅᖓᓂᒃ. 5ᐊᐅᒃ ᐃᓅᑦᔪᑎᓯ ᑯᕕᔭᐅᒃᐸᑦ ᐊᑭᓕᒐᒃᓴᐅᖁᕙᕋ; ᐆᒪᔪᐃᓪᓗ ᐊᐅᖓ ᐊᑭᓕᒐᒃᓴᐅᖁᕙᕋ; ᐃᓅᓪᓗ ᐊᐅᖓ; ᐃᓄᒃ ᐃᓅᖃᑎᖓᑕ ᐊᐅᖓᓂᒃ ᑯᕕᓯᒃᐸᑦ ᐃᓅᑉ ᐃᓅᓯᖓᓂᒃ ᐊᑭᖃᖁᕙᕋ. 6#ᒨᓯᓯ ᐂᑉᐸᖏᑦ 20:13; ᒨᓯᓯ ᓯᕗᓪᓖᑦ 1:26.ᐃᓄᒃ ᓇᓪᓕᐊᑦ ᐃᓅᖃᑎᖓᑕ ᐊᐅᖓᓂᒃ ᑯᕕᓯᒃᐸᑦ, ᐃᓄᖕᒧᑦᑕᐅᖅ ᐊᐅᖓ ᑯᕕᔭᐅᔪᒃᓴᐅᕗᖅ; ᒎᑎ ᓴᓇᓚᐅᕐᖕᒪᑦ ᐃᓄᖕᒥᒃ ᐃᒻᒥᓂᒃ ᐊᑦᔨᖃᖅᑎᓪᓗᒍ.
7 #
ᒨᓯᓯ ᓯᕗᓪᓖᑦ 1:28. “ᐃᓕᑦᓯᓕ ᕿᑐᕐᖓᖅᑖᖅᑐᕆᑦᓯ ᐅᓄᖅᓯᓗᓯᓗ, ᐃᓄᒋᐊᒃᓯᒋᑦᓯ ᓄᓇᕐᔪᐊᕐᖕᒥ ᐅᓄᖅᓯᕙᓪᓕᐊᓗᓯᓗ ᑕᒫᓂ.”
8ᒎᑎᓗ ᐅᖃᕆᕗᖅ ᓄᐊᕐᖕᒧᑦ ᐃᕐᖕᓂᖏᓐᓄᓪᓗ, 9“ᑕᑯᒋᑦ, ᐊᖏᖃᑎᒌᒍᑎᓕᐅᖅᐳᖓ ᐃᓕᖕᓄᑦ ᑭᖑᕚᒃᓴᕐᖕᓄᓪᓗ, 10ᐊᓂᕐᖕᓂᖃᖅᑐᓕᒫᓄᓪᓗ, ᓇᔪᖅᑕᕐᖕᓃᑦᑐᓄᑦ, ᑎᖕᒥᐊᓄᑦ, ᐆᒪᔪᖁᑎᓄᓪᓗ, ᐆᒪᔪᓄᓪᓗ ᓄᓇᒥ ᓇᔪᖅᑕᕐᖕᓃᑦᑐᓄᑦ, ᑕᒤᓐᓄᑦ ᐅᒥᐊᕐᔪᐊᕐᖕᒥᑦ ᐊᓂᓚᐅᖅᑐᓄᑦ. 11ᐃᓕᖕᓄᑦ ᐊᖏᖃᑎᒌᒍᑎᓕᐅᖅᐳᖓ, ᐅᓕᕕᒃᔪᐊᕐᖕᒧᑦ ᐆᒪᔪᓕᒫᑦ ᐊᓯᕈᖅᑕᐅᓚᐅᖅᓯᒪᓂᐊᕈᓐᓃᖅᐳᑦ; ᐅᓕᕕᒃᔪᐊᕐᖕᒧᓪᓗ ᓄᓇᕐᔪᐊᖅ ᐊᓯᕈᖅᑕᐅᒃᑲᓐᓂᕐᖕᓂᐊᕈᓐᓃᖅᓗᓂ.” 12ᒎᑎᓗ ᐅᖃᖅᐳᖅ: “ᑕᒪᓐᓇ ᓇᓗᓁᒃᑯᑕᖃᖅᑎᓐᓂᐊᖅᐸᕋ ᐊᖏᖃᑎᒌᒍᑦ ᐋᖅᑭᒃᑕᕋ ᐅᕙᓐᓄᑦ ᐃᓕᑦᓯᓐᓄᓪᓗ ᐆᒪᔪᓕᒫᓄᓪᓗ ᐃᓕᑦᓯᓐᓃᑦᑐᓄᑦ, ᓯᕗᓂᒃᓴᒥᓗ ᑭᖑᕚᕇᖑᔪᒫᖅᑐᓄᑦ. 13ᐊᔭᒍᑕᖁᑎᒐ ᐃᓕᕙᕋ ᓄᕗᔭᓄᑦ, ᓇᓗᓁᒃᑯᑕᐅᖁᓪᓗᒍ ᐊᖏᖃᑎᒌᒍᑎᓕᐅᖅᓯᒪᓂᓐᓄᑦ ᓄᓇᕐᔪᐊᕐᖕᒥᐅᓄᑦ. 14ᓄᓇ ᓄᕗᔭᓄᑦ ᐅᓕᒑᖓᒃᑯ, ᐊᔭᒍᑕᖅ ᑕᑯᒃᓴᐅᕙᖕᓂᐊᖅᐳᖅ ᓄᕗᔭᓂ, 15ᐃᖅᑬᕙᖕᓂᐊᖅᐳᖓᓗ ᐊᖏᖃᑎᒌᒍᑎᒋᓚᐅᖅᑕᓐᓂᒃ ᐊᑯᓐᓇᑦᑎᓐᓂ ᐅᕙᓂᑦ ᐃᓕᑦᓯᓐᓄᑦ ᐆᒪᔪᓕᒫᓄᓪᓗ ᖃᓄᐃᑦᑐᑐᐃᓐᓇᕐᖕᓄᑦ; ᐃᒪᕐᔪᐃᑦ ᐅᓕᕕᒡᔪᐊᓚᐅᖅᓯᒪᓂᐊᕈᓐᓃᖅᐳᑦ ᐆᒪᔪᓐᓇᖅᑐᓕᒫᓂᒃ ᐊᓯᕈᐃᓂᐊᖅᑐᒥᒃ. 16ᓄᕗᔭᑎᒍᑦ ᐊᔭᒍᑕᖅ ᓴᖅᑭᑦᑕᕌᖓ, ᑕᑯᓐᓇᖅᓗᒍ ᐃᖅᑬᑦᔪᑎᒋᖃᑦᑕᕐᖕᓂᐊᖅᐸᕋ ᐊᖏᖃᑎᒌᒍᑎᒥᒃ ᐃᓱᖃᖏᑦᑐᒧᑦ ᒎᑎᒥᑦ ᐆᒪᔪᓕᒫᓄᓪᓗ ᑎᒥᖃᖅᑐᓄᑦ ᓄᓇᒥ.” 17ᒎᑎᓗ ᓄᐊᕐᖕᒧᑦ ᐅᖃᖅᐳᖅ, “ᑕᒪᑦᔭ ᓇᓗᓁᒃᑯᑕᓕᐊᕋ ᐊᖏᖃᑎᒌᖕᓂᕐᖕᒧᑦ ᐋᖅᑭᓚᐅᖅᑕᕋ ᐅᕙᓐᓄᑦ ᑎᒥᖃᖅᑐᓄᓪᓗ ᑕᒤᓐᓄᑦ ᓄᓇᒦᑦᑐᓄᑦ.”
ᓄᐊᓗ ᐃᕐᖕᓂᖏᓪᓗ
18ᓄᐊᑉ ᐃᕐᖕᓂᖏᑦ ᐅᒥᐊᕐᔪᐊᒥᑦ ᐊᓂᓚᐅᖅᑐᑦ ᐅᑯᐊᖑᕗᑦ ᓰᒥ, ᕼᐋᒥ, ᔮᐱᑎᓗ. ᕼᐋᒥ ᑬᓇᓂᐅᑉ ᐊᑖᑕᒋᓚᐅᖅᐹ. 19ᑖᒃᑯᐊ ᑕᕝᕙ ᓄᐊᑉ ᐃᕐᖕᓂᖏᑦ ᐱᖓᓱᑦ; ᑖᒃᑯᓇᓐᖓᑦ ᓄᓇᕐᔪᐊᓕᒫᖅ ᐃᓄᖃᓕᖅᑎᑕᐅᓚᐅᖅᐳᖅ.
20ᓄᐊ ᓯᕗᓪᓕᖅᐸᐅᓪᓗᓂ ᐱᕈᖅᓰᕕᓕᕆᕗᖅ, ᐱᕈᖅᓰᕕᖕᒥᒃ ᕔᓂᓕᒃᓴᒥᒃ ᓴᓇᓚᐅᖅᐳᖅ. 21ᕔᓂᒥᒡᓕ ᐃᒥᓚᐅᖅᓗᓂ, ᑭᖑᓂᖓᒍᑦ ᐋᖓᔮᓕᓚᐅᖅᐳᖅ, ᐊᓐᓄᕌᖃᕋᓂᓗ ᑐᐱᕐᖕᒥᓂ ᓇᓚᓪᓗᓂ ᓯᓂᓕᓚᐅᖅᐳᖅ. 22ᕼᐋᒥᐅᓪᓕ, ᑬᓇᓂᐅᑉ ᐊᑖᑕᖓᑕ, ᐊᑖᑕᓂ ᑕᑯᒐᒥᐅᒃ ᐊᓐᓄᕌᖃᖏᑦᑐᖅ, ᐊᓂᓪᓗᓂ ᑕᕝᕙᓐᖓᑦ ᖃᑕᓐᖑᑏᖕᓂ ᐅᖃᐅᑎᔭᖅᑐᖅᐹᒃ ᓯᓚᒦᑦᑑᒃ. 23ᑕᕝᕙ ᓰᒥᐅᑉ ᔮᐱᑎᐅᓪᓗ ᐅᓕᒡᔪᐊᒥᒃ ᓇᒃᓴᖅᓗᑎᒃ, ᑐᓄᒥᓃᑎᓪᓗᒍ, ᑭᖑᑉᐱᐊᖅᑐᖅᓗᑎᒃ ᐊᑖᑕᑎᒃ ᐊᓐᓄᕌᖃᖏᑦᑐᖅ ᐅᓕᒋᐊᖅᑐᖅᐹᒃ; ᓵᖓᓇᒍ, ᐊᑖᑕᑎᒃ ᐊᓐᓄᕌᖃᖏᓐᓂᖓ ᑕᑯᓚᐅᓐᖏᓛᑦ. 24ᓄᐊᓕ ᐋᖓᔮᕈᓐᓃᕋᒥ ᖃᐅᔨᓕᕋᒥᓗ ᓄᑲᖅᓕᖅᐹᖁᑎᖓᑕ ᖃᓄᐃᓕᐅᓚᐅᕐᖕᓂᖓᓂᒃ, 25ᐅᖃᖅᐳᖅ,
“ᑬᓇᓂ ᐅᖃᕕᒃᓗᖓ ᐃᓱᒪᓂᖅᓗᒡᕕᒋᕙᕋ;
ᐊᖓᔪᒥᓄᑦ ᓱᓇᐅᒋᔭᐅᖏᓪᓗᓂ ᐱᔨᒋᔭᐅᔪᒫᓕᖅᐳᖅ.”
26ᐅᖃᕆᓪᓗᓂᓗ: “ᐊᑕᓂᕐᖕᒧᑦ ᒎᑎᓐᓄᑦ ᓰᒥ ᓮᒻᒪᖅᑎᑕᐅᓕ;
ᑬᓇᓂ ᓰᒥᒧᑦ ᐱᔨᒋᔭᐅᓕᕐᓕ.
27ᒎᑎᐅᓪᓕ ᔮᐱᑎ ᐃᓄᒋᐊᒃᓯᕙᓪᓕᐊᑎᓪᓕᐅᒃ,
ᑖᑦᓱᒪᓗ ᑭᖑᕚᖏᑦ ᓄᓇᖃᑎᖃᖅᓕᑦ ᓰᒥᐅᑉ ᑭᖑᕚᖏᑕ ᐃᓄᖏᓐᓂᒃ,
ᑬᓇᓂᓕ ᐱᔨᒋᔭᐅᔪᒫᖅᐳᖅ ᔧᐱᑎᒧᑦ.”
28ᐅᓕᕕᒃᔪᐊᓪᓕ ᑭᖑᓂᖓᒍᑦ ᓄᐊ ᐊᕐᕌᒍᓂᒃ 350ᓂᒃ ᐃᓅᓚᐅᖅᐳᖅ. 29ᐅᓪᓗᐃᑦ ᓄᐊᑉ ᐃᓅᓚᐅᖅᑕᖏᑦ ᐊᕐᕌᒍᑦ 950ᐅᓚᐅᖅᐳᑦ; ᑐᖁᓚᐅᖅᐳᕐᓗ.
လက္ရွိေရြးခ်ယ္ထားမွု
ᒨᓯᓯ ᓯᕗᓪᓖᑦ 9: EAIB
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Eastern Arctic Inuktitut Bible © Canadian Bible Society, 2012, 2021-2023.