ᒨᓯᓯ ᓯᕗᓪᓖᑦ 14
14
ᐂᑉᕋᐅᑉ ᓴᐳᑦᔨᓂᖓ ᓘᑎᒥᒃ
1ᑍᑦᓱᒪᓂ ᐊᖓᔪᖅᑳᕐᔪᐊᖅ, ᐊᒻᕋᐱᐅᓕ ᐹᐱᓘᓂᐊᒥ ᐊᖓᔪᖅᑳᕐᔪᐊᖑᑎᓪᓗᒍ, ᐊᕆᐅᑭᓗ ᐃᓚᓵᕆᒥ ᐊᖓᔪᖅᑳᕐᔪᐊᖑᑎᓪᓗᒍ, ᑭᑐ-ᓚᐅᒥᕆᓗ ᐃᓛᒥᒥ ᐊᖓᔪᖅᑳᕐᔪᐊᖑᑎᓪᓗᒍ, ᑍᑕᐅᓪ ᒍᐃᒥᒥ ᐊᖓᔪᖅᑳᕐᔪᐊᖑᑎᓪᓗᒍ, 2ᑖᒃᑯᐊ ᐅᓇᑕᕆᐊᓚᐅᖅᐳᑦ ᐊᖓᔪᖅᑳᕐᔪᐊᓄᑦ ᐅᑯᓄᖓ: ᐱᕋᒧᑦ ᓱᑑᒪᐅᑉ ᐊᖓᔪᖅᑳᕐᔪᐊᖓᓄᑦ, ᐱᕐᓴᒧᑦ ᒍᒨᕋᐅᑉ ᐊᖓᔪᖅᑳᕐᔪᐊᖓᓄᑦ, ᓯᓈᐱᒧᑦ ᐊᑦᒪᐅᑉ ᐊᖓᔪᖅᑳᕐᔪᐊᖓᓄᑦ, ᓯᒥᐸᒧᑦ ᔨᐳᐃᒥᐅᑉ ᐊᖓᔪᖅᑳᕐᔪᐊᖓᓄᑦ, ᐲᓚᐅᓪᓗ (ᑕᕝᕙ ᔪᐊᕆᐅᑉ) ᐊᖓᔪᖅᑳᕐᔪᐊᖓᓄᑦ. 3ᑖᒃᑯᐊᓕᒫᓪᓗ ᐃᒻᒥᖕᓄᑦ ᑕᐱᕇᓕᓪᓗᑎᒃ ᐅᓇᑕᕆᐊᓚᐅᖅᐳᑦ ᓇᖅᓴᒥ ᓯᑎᒥᒥᒃ ᐊᑎᓕᖕᒥ, ᒫᓐᓇᓕ ᑍᔭᐅᓕᖅᑐᒥᒃ ᐃᒪᕐᖕᒥᒃ ᑕᕆᐅᕐᖕᒥᒃ. 4ᑖᒃᑯᐊ ᐊᐅᓚᑕᐅᓚᐅᕋᒥᒃ ᑭᑐ-ᓚᐅᒥᕆᒧᑦ ᐊᕐᕌᒍᓂᒃ 12ᓂᒃ, ᐊᕐᕌᒍᓪᓕ 13ᒋᓕᖅᑕᖓᓂ ᑖᒃᑯᐊ ᑖᑦᓱᒥᖓ ᐊᑭᕋᖅᑐᓕᓚᐅᖅᐳᑦ. 5ᐊᕐᕌᒍᓪᓕ 14ᒋᓕᖅᑕᖓᓂ ᑭᑐ-ᓚᐅᒥᕆ ᑖᑦᓱᒪᓗ ᑕᐱᖏᑦ ᐅᓇᑕᖅᑐᒃᓴᖁᑎᓂ ᐃᓚᒋᓪᓗᒋᑦ ᐅᓇᑕᓚᐅᖅᐳᑦ ᓵᓚᒋᓪᓗᒍᓗ ᕆᐰᒻ ᐊᔅᑕᕈᑎ-ᑲᕐᓁᒥᒥ, ᔪᔨᒻᒥᓗ ᕼᐊᒥᒦᑦᑐᒥᒃ, ᐃᒥᒻᒥᓗ ᓴᕕ-ᑭᕆᐊᑍᒦᑦᑐᖅ, 6ᕼᐅᕅᑎᓪᓗ ᓰᐊᕐ ᖃᖅᑲᖓᓂᒥᐅᑦ ᓄᓇ ᐃᐅᓪᐸᕋᓐ ᐃᓄᖃᔪᐃᑦᑑᑉ ᑭᒡᓕᖓᓃᑦᑐᖅ ᑎᑭᓪᓗᒍ; 7ᑕᕝᕙᓐᖓᓪᓗ ᐅᑎᕆᐊᖅᓗᑎᒃ ᑲᑎᓯᒧᑦ ᑎᑭᓚᐅᖅᐳᑦ ᐃᓐᒥᓯᐹᑦᒧᑦ (ᑍᔭᐅᕙᓚᐅᖅᑐᖅ ᑲᑎᓯᒥᒃ), ᐊᒪᓕᑬᑎᓪᓗ ᓄᓇᓕᒫᖏᓐᓂᒃ ᐊᖅᓵᓚᐅᖅᐰᑦ, ᐊᒧᕅᑎᓪᓗ ᓄᓇᖃᖅᑐᑦ ᕼᐊᔭᔭᓐᒥ ᑕᒫᕆᒥ.
8ᑕᕝᕙ ᐊᖓᔪᖅᑳᕐᔪᐊᖅ ᓱᑑᒪᒥ, ᐊᖓᔪᖅᑳᕐᔪᐊᕐᓗ ᒍᒨᕋᒥ, ᐊᖓᔪᖅᑳᕐᔪᐊᕐᓗ ᐊᑦᒪᒥ, ᐊᖓᔪᖅᑳᕐᔪᐊᕐᓗ ᔨᐳᐃᒥ, ᐊᖓᔪᖅᑳᕐᔪᐊᕐᓗ ᐲᓚᒥ (ᑕᕝᕙ ᔪᐊᕆᒥ) ᐅᓇᑕᖅᑐᒃᓴᖁᑎᒥᖕᓂᒃ ᐅᓇᑕᕆᐊᖅᑐᖅᑎᑦᓯᕗᑦ, ᓯᑎᒥᐅᑉ ᓇᖅᓴᖓᓂ ᑲᑐᑦᔨᓪᓗᑎᒡᓗ ᐅᓇᑕᓕᖅᐳᑦ. 9ᑭᑐ-ᓚᐅᒥᕆᒥᒃ ᐃᓛᒥᒥᐅᑦ ᐊᖓᔪᖅᑳᕐᔪᐊᖓᓐᓂᒃ, ᑍᑕᐅᓪᑎᒃᓗ ᒍᐃᒥᐅᑦ ᐊᖓᔪᖅᑳᕐᔪᐊᖓᓐᓂᒃ, ᐊᒻᕋᐱᐅᓕᒥᒡᓗ ᐹᐱᓘᓂᐊᑉ ᐊᖓᔪᖅᑳᕐᔪᐊᖓᓐᓂᒃ, ᐊᕆᐅᑭᒥᒃᓗ ᐃᓚᓵᕆᒥᐅᑦ ᐊᖓᔪᖅᑳᕐᔪᐊᖓᓐᓂᒃ, ᐊᖓᔪᖅᑳᕐᔪᐊᑦ ᓯᑕᒪᑦ ᐅᓇᑕᓚᐅᖅᐳᑦ ᑕᓪᓕᒪᓄᑦ ᐊᖓᔪᖅᑳᕐᔪᐊᓄᑦ. 10ᑕᒪᓐᓇᓗ ᓇᖅᓴᖅ ᓯᑎᒻ ᒪᕐᕆᓐᓇᖅᑐᓂᒃ ᐅᓄᖅᑐᓂᒃ ᐃᑎᖅᓴᖃᐅᓚᐅᖅᐳᖅ; ᓱᑑᒪᒥᐅᓪᓗ ᒍᒨᕋᒥᐅᓪᓗ ᐊᖓᔪᖅᑳᕐᔪᐊᖏᑦ ᐅᓇᑕᕐᖕᓂᕐᖕᒥᑦ ᕿᒫᓇᓱᐊᖅᓗᑎᒃ, ᒪᕐᕆᓐᓇᖅᑐᓄᑦ ᑲᑕᖃᑦᑕᓚᐅᖅᐳᑦ; ᐊᓯᖏᓪᓕ ᐊᖓᔪᖅᑳᕐᔪᐊᑦ ᐊᓐᓇᓚᐅᖅᐳᑦ ᖃᖅᑲᓄᑦ ᕿᒫᓪᓗᑎᒃ. 11ᐊᑭᕋᖏᓪᓕ ᐱᖁᑎᓕᒫᖏᓐᓂᒃ ᑎᒍᓯᓚᐅᖅᐳᑦ ᓱᑑᒪᒥᑦ ᒍᒨᕋᒥᓪᓗ, ᓂᕿᒃᓴᓕᒫᖏᓐᓂᒡᓗ, ᑕᕝᕙᓐᖓᓪᓗ ᐊᐅᓪᓚᖅᓗᑎᒃ. 12ᓘᑎᓕ ᐂᑉᕋᐅᑉ ᖃᖏᐊᖓ, ᓱᑑᒪᒥ ᓄᓇᖃᓚᐅᖅᐳᖅ, ᑖᓐᓇᑦᑕᐅᖅ ᑎᒍᔭᐅᓚᐅᖅᐳᖅ ᐱᖁᑎᓕᒫᖏᓪᓗ ᑕᒪᕐᖕᒥᒃ ᐱᖃᓯᐅᑦᔭᐅᓪᓗᑎᒃ, ᐊᐅᓪᓚᕈᑦᔭᐅᓪᓗᑎᒡᓗ.
13ᐃᓚᖓᓪᓕ ᕿᒪᒃᓯᓪᓗᓂ ᐊᓐᓇᓚᐅᖅᑐᖅ ᑎᑭᑉᐳᖅ, ᑕᒪᓐᓇᓗ ᑕᒪᕐᖕᒥᒃ ᐅᖃᐅᓯᕆᕚ ᐂᑉᕋᒻᒧᑦ ᐄᑉᕉᒧᑦ, ᓄᓇᖃᖅᑐᖅ ᐆᒃᓂᒃ ᓇᐹᖅᑐᖃᖅᑑᑉ ᖃᓂᒋᔮᓂ ᒪᒻᕆᒧᑦ ᐱᖁᑎᒋᔭᐅᔪᓄᑦ ᐊᒧᕅᑎᒧᑦ, ᖃᑕᓐᖑᑎᖏᓪᓗ ᐃᔅᑯᓪ ᐊᓂᕆᓗ; ᑖᒃᑯᐊ ᐂᑉᕋᐅᑉ ᑕᐱᕆᓚᐅᖅᐰᑦ. 14ᐂᑉᕋᒻᓕ ᑐᓴᕋᒥ ᖃᖏᐊᖓᑕ ᑎᒍᔭᐅᓂᖓᓂᒃ, ᐅᓇᑕᕈᓐᓇᖅᑐᖁᑎᓕᒫᓂ ᓄᓇᒥᓃᑦᑐᑦ ᐊᖏᕐᕋᖓᓂ ᐃᓅᓯᒪᔪᑦ, ᑖᒃᑯᐊᓗ ᑲᑎᓪᓗᒋᑦ 318ᖑᓚᐅᖅᐳᑦ, ᐅᓇᑕᓚᐅᖅᐳᓪᓗ ᓄᓇᒧᑦ ᑖᓐᒧᑦ ᑎᑭᓪᓗᑎᒃ. 15ᑕᕝᕗᖓᓗ ᑎᑭᓐᓇᒥᒃ ᐅᓇᑕᖅᑐᒃᓴᖁᑎᓂ ᐊᕕᒃᑐᓚᐅᖅᐰᑦ ᐅᓐᓄᐊᒃᑯᑦ, ᑖᓐᓇ ᐱᔨᓂ ᐃᓚᒋᓪᓗᒍ, ᓯᕗᕐᖏᖅᐰᑦ. ᒪᓕᒡᓗᒋᓪᓗ ᓄᓇᒧᑦ ᕼᐅᐸ ᑎᑭᓪᓗᒍ, ᑕᒫᓯᑰᓯᐅᑉ ᐅᓐᓄᐊᓪᓗᐊᖓᓃᑦᑐᒧᑦ. 16ᑕᒪᕐᖕᒥᒡᓗ ᐱᔭᐅᓚᐅᖅᑐᓕᒫᑦ ᐅᑎᖅᑎᓚᐅᖅᐰᑦ, ᖃᖏᐊᓂᑦᑕᐅᖅ ᓘᑎ ᐅᑎᖅᑎᓚᐅᕆᕚ ᐱᖁᑎᓕᒫᖏᓪᓗ ᑕᒪᕐᖕᒥᒃ, ᐊᕐᖕᓁᓪᓗ ᐊᓯᖏᓪᓗ ᑎᒍᔭᐅᓯᒪᔪᓕᒫᑦ.
ᒥᓪᑭᓯᑎᐅᑉ ᓮᒻᒪᖅᑎᑦᓯᓂᖓ ᐂᑉᕋᒻᒥᒃ
17ᐂᑉᕋᒻᓕ ᐅᑎᕐᖕᒪᑦ ᓵᓚᖃᖅᓯᒪᓕᖅᓗᓂ ᑭᑐ-ᓚᐅᒥᕆᒥᒃ ᐊᓯᖏᓐᓂᒡᓗ ᐊᖓᔪᖅᑳᕐᔪᐊᓂᒃ, ᓱᑑᒪᒥᐅᑦ ᐊᖓᔪᖅᑳᕐᔪᐊᖓᑕ ᐸᕐᕆᐊᖅᐹ ᓇᖅᓴᒥ ᓵᕕᒥᒃ ᐊᑎᓕᖕᒥ (ᑍᔭᐅᕙᖕᒥᔪᒥᒃ ᐊᖓᔪᖅᑳᕐᔪᐊᑉ ᓇᖅᓴᖓᓂᒃ). 18#ᐄᑉᕈᐃᓄᑦ 7:1-10.ᒥᓪᑭᓯᑎᑦᑕᐅᖅ ᓴᓕᒥᒥ ᐊᖓᔪᖅᑳᕐᔪᐊᖑᔪᖅ ᑐᓂᓯᔭᖅᑐᓚᐅᖅᐳᖅ ᓂᐊᖂᔭᒥᒃ ᕔᓂᒥᒡᓗ; ᑐᓂᕐᕈᓯᖅᑎᑦᓯᔨᐅᓪᓗᓂᓗ ᒎᑎᒧᑦ ᖁᑦᓯᖕᓂᖅᐹᖑᔪᒧᑦ. 19ᓮᒻᒪᖅᑎᓪᓗᒍᓗ ᐅᖃᐅᑎᕚ, “ᐂᑉᕋᒻ ᒎᑎᐅᑉ ᖁᑦᓯᖕᓂᖅᐹᖑᔫᑉ ᓮᒻᒪᖅᑎᓪᓕᐅᒃ, ᕿᓚᖕᒥᒃ ᓄᓇᒥᒡᓗ ᓴᓇᓚᐅᖅᑑᑉ! 20ᒎᑎ ᖁᑦᓯᖕᓂᖅᐹᖑᔪᖅ ᖁᔭᒋᔭᐅᓕ, ᑖᓐᓇ ᐃᓕᖕᓂᒃ ᓵᓚᖃᖅᑎᑦᓯᖕᒪᑦ ᐊᑭᕋᖅᑐᖅᑎᖕᓂᒃ!” ᐂᑉᕋᐅᓪᓗ ᒥᓪᑭᓯᑎ ᑐᓂᓯᕕᒋᕚ ᓵᓚᖃᕐᖕᓂᒃᑯᑦ ᐱᑖᕆᔭᒥ ᑕᓪᓕᒪᐅᔪᖏᓐᓂᒃ.
21ᓱᑑᒪᐅᓪᓗ ᐊᖓᔪᖅᑳᕐᔪᐊᖓᑕ ᐂᑉᕋᒻ ᐅᖃᐅᑎᕚ, “ᐱᖁᑎᓕᒫᑦ ᐱᑖᕆᓕᒃᑭᑦ, ᐃᓄᖁᑎᒃᑲᓕ ᐅᕙᓐᓄᑦ ᐅᑎᖅᑎᓪᓗᒋᑦ.”
22ᐂᑉᕋᐅᑉ ᑭᐅᕚ ᓱᑑᒪᐅᑉ ᐊᖓᔪᖅᑳᕐᔪᐊᖓ, “ᐊᑕᓂᐅᑉ, ᒎᑎᐅᑉ ᖁᑦᓯᖕᓂᖅᐹᖑᔫᑉ, ᕿᓚᖕᒥᒡᓗ ᓄᓇᒥᒡᓗ ᓴᓇᓚᐅᖅᑑᑉ ᓵᖓᓂ ᐅᖃᕕᒃᐳᖓ, 23ᐱᒋᔭᕐᖕᓂᒃ ᓱᓇᒥᒡᓘᓐᓃᑦ ᐱᓂᐊᓐᖏᓚᖓ, ᐃᕙᓗᒃᓴᐅᑎᐅᒐᓗᐊᖅᐸᑦ, ᐃᑎᒐᒍᑎᐅᓪᓘᓐᓃᑦ ᓯᖏᕆᒐᓗᐊᖅᐸᒍ,#14:23 ᓯᖏᕆᒐᓗᐊᖅᐸᒍ ᐅᕝᕙᓗ ᐅᖏᕈᑎᒋᒐᓗᐊᖅᐸᒍ ᐅᖃᖅᑐᒃᓴᐅᖁᓇᒃ, ‘ᐅᕙᖕᒊᓐᓇ ᐂᑉᕋᒻ ᐊᔪᖅᓴᕈᓐᓃᖅᑎᓯᒪᔭᕋ.’ 24ᓇᖕᒥᓂᖅᑖᕆᓂᐊᖅᑕᓐᓂᒡᓕ ᐱᓂᐊᓐᖏᓚᖓ, ᐃᓅᓱᒃᑐᐃᓪᓕ ᐃᓚᒋᔭᒪ ᓂᕆᖃᑦᑕᓚᐅᖅᑕᖏᑦ ᑭᓯᒥ, ᐅᓇᑕᕆᐊᖃᑎᒋᓚᐅᖅᑕᒪᓗ ᐱᑖᕆᔭᕆᐊᖃᖅᑕᖏᓐᓂᒃ; ᐅᑯᐊᓗ ᐱᔭᕆᐊᖃᖅᑕᖏᓐᓂᒃ ᐱᑎᑕᐅᑦᓴᓚᐅᖅᐸᑕ ᐊᓂᕆ, ᐃᔅᑯᓪᓗ, ᒪᒻᕆᓗ.”
လက္ရွိေရြးခ်ယ္ထားမွု
ᒨᓯᓯ ᓯᕗᓪᓖᑦ 14: EAIB
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Eastern Arctic Inuktitut Bible © Canadian Bible Society, 2012, 2021-2023.