ᒨᓯᓯ ᓯᕗᓪᓖᑦ 11
11
ᐳᖅᑐᔪᐊᓘᑉ ᓴᓇᔭᐅᓂᖓᑦ ᐹᐱᓘᓂᒥ
1ᑍᑦᓱᒪᓂᐊᓗᒡᓕ ᓄᓇᕐᔪᐊᑉ ᐃᓄᓕᒫᖏᑦ ᐅᖃᐅᓯᖃᓚᐅᖅᐳᑦ ᐊᑕᐅᓯᕐᖕᒥᒃ ᐅᖃᐅᓯᖃᑎᒌᒃᓗᑎᒃ. 2ᐃᓄᐃᓪᓗ ᓯᕿᓂᐅᑉ ᓄᐃᕕᐊᑕ ᓇᓛᓃᖔᖅᓗᑎᒃ ᐃᖏᕐᕋᕙᓪᓕᐊᒐᒥᒃ, ᓇᑎᕐᖕᓇᒧᑦ ᑎᑭᓐᓇᒥᒃ ᓯᓈᕆᒥ ᓄᓇᑖᖅᐳᑦ. 3ᐃᒻᒥᖕᓄᓪᓗ ᐅᖃᖅᐳᑦ, “ᐅᔭᕋᓕᐅᓚᐅᖅᑕ ᐆᓪᓗᒋᑦ ᓯᑎᒃᑎᑎᑉᐸᒡᓗᒋᑦ.” ᐅᔭᕋᓕᐅᖅᓯᒪᓕᕋᒥᒃ ᓯᒃᑭᑕᓂᒃ ᓂᐱᐅᑎᒃᓴᖓᓂᒡᓗ ᑖᓚᒥᒃ ᓴᓇᕗᑦ. 4ᐅᖃᖅᓗᑎᒡᓗ, “ᐃᒡᓗᒐᓴᒡᔪᐊᓕᐅᓚᐅᖅᑕ ᐳᖅᑐᔪᐊᓗᖕᒥᒃ ᕿᓚᖕᒧᑦ ᑎᑭᐅᒪᓗᒍ, ᑖᓐᓇ ᐃᓕᑕᕆᔭᐅᑦᔪᑎᒃᓴᕆᓂᐊᕋᑦᑎᒍ, ᓄᓇᕐᔪᐊᕐᖕᒧᑦ ᓯᐊᒻᒪᖅᑎᑕᐅᖁᓇᑦᑕ ᓇᒧᑐᐃᓐᓇᖅ.”
5ᐊᑕᓂᕐᓕ ᐊᖅᑲᖅᐳᖅ ᑕᑯᔭᖅᑐᖅᓗᓂ ᐃᒡᓗᒐᓴᒡᔪᐊᒥᒃ ᐳᖅᑐᔪᓕᐊᖓᓂᒡᓗ, ᐃᓄᖕᓄᑦ ᓴᓇᔭᐅᔪᒥᒃ; 6ᐊᑕᓂᖅ ᐅᖃᖅᐳᖅ, “ᑕᑯᒋᑦ ᑖᒃᑯᐊ ᐃᓅᖃᑎᒌᖏᓐᓇᐅᕗᑦ ᐊᑕᐅᓯᕐᖕᒥᒡᓗ ᐅᖃᐅᓯᓖᓐᓇᐅᓪᓗᑎᒃ; ᑕᒪᓐᓇᓗ ᐱᓇᓱᐊᖅᑕᖓᑦ ᐱᒋᐊᕐᖕᓂᑐᐃᓐᓇᐅᕗᖅ; ᐱᓇᓱᐊᕈᒪᓂᐊᖅᑕᖏᑦ ᓄᖅᑲᑎᑕᒃᓴᐅᓂᐊᕈᓐᓃᖅᐳᑦ. 7ᐊᖅᑲᕐᕕᒋᓚᐅᖅᓚᕗᑦ, ᐅᖃᐅᓯᖏᓪᓗ ᐊᑦᔨᒌᒍᓐᓃᖅᑎᓪᓗᒋᑦ, ᑐᑭᓯᐊᖃᑦᑕᐅᑎᔪᓐᓁᓪᓕᓂᐊᕐᖕᒪᑕ ᐃᒻᒥᖕᓄᑦ ᐅᖃᖃᑎᒌᒐᓱᒡᓗᑎᒃ.” 8ᑕᕝᕙ ᐊᑕᓂᐅᑉ ᓯᐊᒻᒪᖅᑎᑉᐰᑦ ᓄᓇᕐᔪᐊᕐᖕᒧᑦ ᓇᒧᑐᐃᓐᓇᖅ ᐂᑎᓪᓗᒋᑦ, ᐃᒡᓗᒐᓴᒡᔪᐊᓕᐊᑎᒡᓗ ᓄᖅᑲᐅᑎᓪᓗᒍ ᕿᒤᓐᓇᖅᐹᑦ. 9ᑍᒤᒻᒪᑦ ᐃᒡᓗᒐᓴᒡᔪᐊᑦ ᐊᑎᖃᓕᓚᐅᖅᐳᑦ ᐹᐱᓕᒥᒃ,#11:9 ᐹᐱᓕ ᑐᑭᖃᖅᑐᖅ ᓇᓗᓕᕐᖕᓂᕐᖕᒥᒃ ᐊᑕᓂᐅᑉ ᑕᕝᕙᓂ ᐃᓄᐃᑦ ᐅᖃᐅᓯᖃᖃᑎᒌᒍᓐᓃᖅᑎᓚᐅᕐᖕᒪᒋᑦ, ᑕᕝᕙᓐᖓᓪᓗ ᐊᑕᓂᐅᑉ ᓯᐊᒻᒪᖅᑎᓚᐅᖅᐰᑦ ᓇᒧᑐᐃᓐᓇᖅ ᐅᖓᓯᒃᑐᒧᑦ ᓄᓇᕐᔪᐊᓕᒫᒧᑦ.
ᓰᒥᐅᑉ ᑭᖑᕚᖏᑦ
ᑯᕉᓂᑲ ᓯᕗᓪᓖᑦ 1:24-27
10ᐅᑯᐊᓕ ᑕᕝᕙ ᓰᒥᐅᑉ ᑭᖑᕚᕆᕔᑦ: ᓰᒥ ᐊᕐᕌᒍᖃᓕᖅᓗᓂ 100ᓂᒃ ᐃᕐᖕᓂᖅᑖᓚᐅᖅᐳᖅ, ᐊᕐᐹᑦᓯᓵᑦᒥᒃ ᐊᑎᓕᖕᒥᒃ ᐅᓕᕕᒡᔪᐊᑉ ᑭᖑᓂᖓᒍᑦ ᐊᕐᕌᒎᒃ ᒪᕐᕉᒃ ᐊᓂᒍᖅᑎᓪᓗᒋᒃ. 11ᓰᒥᓕ ᐃᕐᖕᓂᖅᑖᓚᐅᖅᓗᓂ ᐊᕐᐹᑦᓯᓵᑦᒥᒃ ᑭᖑᓂᖓᒍᑦ, ᓱᓕ ᐊᕐᕌᒍᓂᒃ 500ᓂᒃ ᐃᓅᓚᐅᖅᐳᖅ, ᐃᕐᖕᓂᖅᑖᒃᑲᓐᓂᖅᓗᓂ ᐸᓂᒃᑖᒃᑲᓐᓂᖅᓗᓂᓗ ᐊᓯᖏᓐᓂᒃ.
12ᐊᕐᐹᑦᓯᓵᑦ 35ᓂᒃ ᐊᕐᕌᒍᖃᓕᖅᓗᓂ, ᐃᕐᖕᓂᖅᑖᓚᐅᖅᐳᖅ ᓰᓚᒥᒃ ᐊᑎᓕᖕᒥᒃ; 13ᓰᓚᐅᓪᓕ ᑭᖑᓂᖓᒍᑦ ᐊᕐᐹᑦᓯᓵᑦ ᓱᓕ ᐃᓅᓚᐅᖅᐳᖅ ᐊᕐᕌᒍᓂᒃ 403ᓂᒃ ᐃᕐᖕᓂᖅᑖᒃᑲᓐᓂᖅᓗᓂ ᐸᓂᒃᑖᒃᑲᓐᓂᖅᓗᓂᓗ ᐊᓯᖏᓐᓂᒃ.
14ᓰᓚᓕ 30ᓂᒃ ᐊᕐᕌᒍᖃᓕᖅᓗᓂ, ᐃᕐᖕᓂᖅᑖᓚᐅᖅᐳᖅ ᐄᐸᕆᒥᒃ ᐊᑎᓕᖕᒥᒃ; 15ᓰᓚᓕ ᐄᐸᕆᐅᑉ ᑭᖑᓂᖓᒍᑦ ᓱᓕ ᐃᓅᓚᐅᖅᐳᖅ ᐊᕐᕌᒍᓂᒃ 403ᓂᒃ ᐃᕐᖕᓂᖅᑖᒃᑲᓐᓂᖅᓗᓂ ᐸᓂᒃᑖᒃᑲᓐᓂᖅᓗᓂᓗ ᐊᓯᖏᓐᓂᒃ.
16ᐄᐸᕆᓕ 34ᓂᒃ ᐊᕐᕌᒍᖃᓕᖅᓗᓂ, ᐃᕐᖕᓂᖅᑖᓚᐅᖅᐳᖅ ᐱᓕᒡᒥᒃ ᐊᑎᓕᖕᒥᒃ; 17ᐄᐸᕆᓕ ᐱᓕᒡᒋᐅᑉ ᑭᖑᓂᖓᒍᑦ ᓱᓕ ᐃᓅᓚᐅᖅᐳᖅ ᐊᕐᕌᒍᓂᒃ 430ᓂᒃ ᐃᕐᖕᓂᖅᑖᒃᑲᓐᓂᖅᓗᓂ ᐸᓂᒃᑖᒃᑲᓐᓂᖅᓗᓂᓗ ᐊᓯᖏᓐᓂᒃ.
18ᐱᓕᒡᓕ 30ᓂᒃ ᐊᕐᕌᒍᖃᓕᖅᓗᓂ, ᐃᕐᖕᓂᖅᑖᓚᐅᖅᐳᖅ ᕆᐅᒥᒃ ᐊᑎᓕᖕᒥᒃ; 19ᐱᓕᒡᓕ ᕆᐅᒥᐅᑉ ᐃᓅᓂᖓᑕ ᑭᖑᓂᖓᒍᑦ ᓱᓕ ᐃᓅᓚᐅᖅᐳᖅ ᐊᕐᕌᒍᓂᒃ 209ᓂᒃ ᐃᕐᖕᓂᖅᑖᒃᑲᓐᓂᖅᓗᓂ ᐸᓂᒃᑖᒃᑲᓐᓂᖅᓗᓂᓗ ᐊᓯᖏᓐᓂᒃ.
20ᕆᐅᓕ 32ᓂᒃ ᐊᕐᕌᒍᖃᓕᖅᓗᓂ, ᐃᕐᖕᓂᖅᑖᓚᐅᖅᐳᖅ ᓯᕋᒡᒥᒃ ᐊᑎᓕᖕᒥᒃ; 21ᕆᐅᓕ ᓯᕋᒡᒥᒥᒃ ᕿᑐᕐᖓᖅᑖᕐᖕᓂᖓᑕ ᑭᖑᓂᖓᒍᑦ ᓱᓕ ᐃᓅᓚᐅᖅᐳᖅ ᐊᕐᕌᒍᓂᒃ 207ᓂᒃ ᐃᕐᖕᓂᖅᑖᒃᑲᓐᓂᖅᓗᓂ ᐸᓂᒃᑖᒃᑲᓐᓂᖅᓗᓂᓗ ᐊᓯᖏᓐᓂᒃ.
22ᓯᕋᒡᓕ 30ᓂᒃ ᐊᕐᕌᒍᖃᓕᖅᓗᓂ, ᐃᕐᖕᓂᖅᑖᓚᐅᖅᐳᖅ ᓇᕼᐅᕆᒥᒃ ᐊᑎᓕᖕᒥᒃ; 23ᑕᒪᑐᒪᓕ ᑭᖑᓂᖓᒍᑦ ᓇᕼᐅᕆ ᐃᓅᓯᒪᓕᖅᑎᓪᓗᒍ ᓯᕋᒡ ᓱᓕ ᐃᓅᓚᐅᖅᐳᖅ ᐊᕐᕌᒍᓂᒃ 200ᓂᒃ ᐃᕐᖕᓂᖅᑖᒃᑲᓐᓂᖅᓗᓂ ᐸᓂᒃᑖᒃᑲᓐᓂᖅᓗᓂᓗ ᐊᓯᖏᓐᓂᒃ.
24ᓇᕼᐅᕆᓕ 29ᓂᒃ ᐊᕐᕌᒍᖃᓕᖅᓗᓂ, ᐃᕐᖕᓂᖅᑖᓚᐅᖅᐳᖅ ᑏᕋᒥᒃ ᐊᑎᓕᖕᒥᒃ; 25ᑏᕋᐅᓪᓕ ᑭᖑᓂᖓᒍᑦ ᓱᓕ ᓇᕼᐅᕆ ᐃᓅᓚᐅᖅᐳᖅ ᐊᕐᕌᒍᓂᒃ 119ᓂᒃ ᐃᕐᖕᓂᖅᑖᒃᑲᓐᓂᖅᓗᓂ ᐸᓂᒃᑖᒃᑲᓐᓂᖅᓗᓂᓗ ᐊᓯᖏᓐᓂᒃ.
26ᑏᕋᓕ 70ᓂᒃ ᐊᕐᕌᒍᖃᓕᖅᓗᓂ, ᐃᕐᖕᓂᖅᑖᖅᐳᖅ ᐂᑉᕋᒻᒥᒃ, ᓇᕼᐅᕆᒥᒡᓗ, ᕼᐊᕋᓐᒥᒡᓗ.
ᑏᕋᐅᑉ ᑭᖑᕚᖏᑦ
27ᐅᑯᐊᓕ ᑕᕝᕙ ᑏᕋᐅᑉ ᑭᖑᕚᖏᑦ, ᐂᑉᕋᐅᑉ ᐊᑖᑕᒋᓚᐅᖅᑕᖓᑕ, ᓇᕼᐅᕆ, ᕼᐊᕋᓐᓗ. ᕼᐊᕋᓐᓕ ᐊᑖᑕᒋᔭᐅᓚᐅᖅᐳᖅ ᓘᑎᒧᑦ, 28ᕼᐊᕋᓐᓕ ᑐᖁᓚᐅᖅᐳᖅ ᐊᖏᕐᕋᒥᓂ ᓄᓇᒥ ᐅᕐᒥ ᑲᐅᓪᑎᐊᒦᑦᑐᒥ, ᓱᓕ ᑖᑦᓱᒪ ᐊᑖᑕᖓ ᑏᕋ ᐃᓅᑎᓪᓗᒍ. 29ᐂᑉᕋᒻᓗ ᓇᕼᐅᕆᓗ ᓄᓕᐊᓂᓚᐅᖅᐴᒃ; ᐂᑉᕋᒻᓕ ᓄᓕᐊᓂᓚᐅᖅᐳᖅ ᓴᕅᒥᒃ, ᓁᕼᐊᕐᓗ ᓄᓕᐊᓂᓚᐅᖅᐳᖅ ᒥᐅᓪᑲᒥᒃ, ᕼᐊᕋᓂᐅᑉ ᐸᓂᖓᓂᒃ, ᐃᔅᑲᐅᑉ ᐊᑖᑕᒋᖕᒥᔭᖓᓂᒃ. 30ᓴᕅᓕ ᕿᑐᕐᖏᓱᐃᑦᑑᒐᒥ; ᕿᑐᕐᖓᖃᓚᐅᓐᖏᓚᖅ.
31ᑏᕋᐅᓪᓕ ᐃᕐᖕᓂᓂ ᐂᑉᕋᒻ ᓇᒃᓴᖅᓗᓂᐅᒃ, ᐃᕐᖑᑕᓂᓗ ᓘᑎ, ᕼᐊᕋᓂᐅᑉ ᐃᕐᖕᓂᖓ, ᐅᑯᐊᓂᓗ ᓴᕅ, ᐂᑉᕋᐅᑉ ᓄᓕᐊᖓ, ᑖᒃᑯᐊ ᐃᓚᒋᓪᓗᒋᑦ ᑕᕝᕙᓐᖓᑦ ᓄᓇᓕᖕᓂᑦ ᐊᐅᓪᓚᓚᐅᖅᐳᑦ ᐅᕐᒥᑦ ᑲᐅᓪᑎᐊᒦᑦᑐᒥᑦ ᑬᓇᓂᐅᑉ ᓄᓇᖓᓄᐊᖅᓗᑎᒃ. ᓄᓇᒧᑦ ᕼᐊᕋᓐᒥᒃ ᐊᑎᓕᖕᒧᑦ ᑎᑭᓪᓗᑎᒃ ᑕᕝᕙᓂᓗ ᓄᓇᖃᓕᓚᐅᖅᐳᑦ. 32ᑏᕋᓗ ᐊᕐᕌᒍᖃᓕᖅᓗᓂ 205ᓂᒃ; ᑐᖁᓚᐅᖅᐳᖅ ᑕᕝᕙᓂ ᕼᐊᕋᓐᒥ.
လက္ရွိေရြးခ်ယ္ထားမွု
ᒨᓯᓯ ᓯᕗᓪᓖᑦ 11: EAIB
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Eastern Arctic Inuktitut Bible © Canadian Bible Society, 2012, 2021-2023.