Yokana 9
9
1 #
Asw 3:2; 14:8. Nakitoritor, koany etuŋanan emuduki ameun kaurioke, 2#Luk 13:2; Any 20:5. Kiŋita ŋes ikekesisiak ebe, “Rabi, iŋai bo kediakarit, etuŋanan lo arai bo ikekauriak, tape eurio emudukana?” 3#Yok 11:4. Koboŋok Yesu ebe, “Mam lo ediakarit, karaida ikekauriak; konye tetere itodiaros aswamisio nuka Edeke kotomakeŋ. 4#Yok 5:17,20; 11:9. Kibusakinit aswam aswamisio nuka ŋol lokejukuni, eroko apaaran; ebuni akuar, namam epedoria ituŋanan aswam. 5#Mat 5:14; Yok 8:12; 12:35. Naajaar eoŋ akwapin, arai eoŋ aica naka akwapin.” 6#Mk 8:23. Nakedaunia einer ŋun, kimuik aimul kwap, kosubunia elupe, kinyonyo akonye nuka etuŋanan kelupe, 7Kotema ŋes atiar, “Kolot kilota katapar naka Siloam” (apolouke ebe Loiyakiaritai), Kosodi kolot, kilota, koboŋu eseseni, 8Kosodete ikeidunyeta ka lukeanyununete lem erai ekelipan kotemasi atiar, “Mere kereka lo lolem iboienenei ilipitoi?” 9Kobalas ice ebe, “Ŋes ŋol”; ka ice da ebe, “Mam, konye eputosi kaŋes.” Kobala ŋesi ebe, “Eoŋ lopelo.” 10Kotemasi ŋes atiar, “Kekwenyunete biai akonikonye?” 11Koboŋok ebe, “Etuŋanan loenyaritai Yesu kosub elupe kenyonyoik akakonye katema atiar, ‘Kolot Siloam kilota’; kasodi kalot, kelota, kakweny.” 12Kotemasi ŋes atiar, “Ai bo ejai ŋol?” Kotema atiar, “Mam eoŋ ajeni.”
13Koyaŋaasi lokerai lem emuduki mama ejaas Iparisayon. 14#Yok 5:9. Kerai apaaran nakasabato nakesubia Yesu elupe ka aitwekenyun da akekonye. 15Aso kiŋita ŋes bobo Iparisayon da epone lokekwenyunia, Kotema kes atiar, “Abu kibwaik elupe akonyeka, kelota, kwana do aseseni.” 16#Yok 3:2; 7:43; 9:31,33. Kobalas ice koParisayon ebe, “Mam etuŋanan ŋol ebunit kama ejai Edeke, naarai mam ericit nakasabato.” Konye kobalas ice ebe, “Epedori biai ekadiakanaran aswam aanyuneta nuikote nen?” Kojaun atiakatiakaun kamakec. 17#Yok 4:19. Kobalas bobo emuduki ebe, “Ido bo jo ibala biai kanukeŋ, naarai abu kitwekeny akonikonyen?” Kobala ebe, “Erai enabi.”
18Aso mam Iyudayan apotu kiyuut akekiro ebe kerai lem emuduki, kosodi akwenyun, kiton neanyarauniata ikauriak luka lokitwekenyunio, 19kiŋita kes ebe, “Erai kereka lo okokukus? Loibalasi aurio emudukana? Ikwaikini bo ai ekwenyi kwana?” 20Koboŋokis ikekauriak ebe, “Kijeni ebe lo ŋes okokukosi, ebe da aurio emudukana; 21konye epone loekwenyia kwana mam kijeni; mam kijeni da yenikitwekenyuni ŋes akonye. Kiŋita ŋes; epol ŋesi, ineri elopet kanukeŋ.” 22#Yok 7:13; 12:42; 16:2. Enerasi ikekauriak kwaŋin naarai akuriaka Iyudayan; naarai enerunitos Iyudayan ebe arai elimori ituŋanan ŋes araut Kristo, ireŋeario katukos. 23Kanuka ŋun ŋes eneratar ikekauriak ebe, “Epol ŋesi; kiŋita ŋes.”
24 #
Yos 7:19. Konyaraut nakiareit etuŋanan loamudukana, kotemasi ŋes atiar, “Kitopolo Edeke; kijeni isio ebe erai etuŋanan ŋol ekadiakanaran.” 25Koboŋok ebe, “Arai ca erai ekadiakanaran, mam eoŋ ajeni; ajeni adiopekirot ebe karai eoŋ emuduki, kwana do akwenyi.” 26Kosodete kotemasi ŋes atiar, “Kiikonakini ai? Kiitwekenyuni biai akonikonye?” 27Koboŋok kes ebe, “Kadau alimokin yesi komam iirarete. Kanukinyo bobo ikototor akiirar? Ikotosi yesi da araun ikekesisiak?” 28Komoromoroto, kobalas ebe, “Ijo irai ekekesisian; konye kirai isio ikesisiak luka Musa. 29Kijeni isio ebe abu Edeke kinera ka Musa; konye ŋol mam kijeni nekebunio.” 30Koboŋok etuŋanan kotema atiar, “Eraas nu nukaumokin, ebe mam yes ijenete nekebunio, konye abu ketwekeny akakonye. 31#Isa 1:15; Awa 15:29; Asw 10:35. Kijeni ebe mam Edeke iirari ikadiakanarak; konye arai emai ituŋanan Edeke, iswamai da nuekoto ŋesi, iirari ŋol. 32Ameun kageunet naka akwapin mam lem iiraritai ebe itwekenyunit ituŋanan akonye nuka yeneuritai emudukana, 33#Yok 9:16. Arai kemam ŋol ebunit kama ejai Edeke, ti mam kepedo aswam akirot kere.” 34#Yok 9:2; Sab 51:5. Koboŋokis kotemasi ŋes atiar, “Kiwuritai cut jo kotoma adiakar, kisisianakini kereka ijo da sio?” Kireŋeasi ŋes kiŋa,
35Kiira Yesu ebe ereŋeasi kiŋa, kodum ŋes kotema atiar, “Iyuunit kereka ijo Okoku loka etuŋanan” 36Koboŋok ŋesi kotema atiar, “Ŋes bo iŋai, Ejakait, keyuu ŋes?” 37#Yok 4:26; 10:25. Kotema Yesu ŋes atiar, “Iany ŋes, ŋes ŋol loineras kajo.” 38Kotema atiar, “Ejakait, eyuunit.” Komaa ŋes, 39#Mat 13:11-15. Kotema Yesu atiar, “Abu kabu toma akwapin nu kanuka etube, tetere eanyunete lumam eanyunete, koraut da lueanyunete imudukiok.” 40#Mat 15:14; 23:26. Nakiirariata ice koParisayon lukejaas nepepe kaŋes, kotemasi ŋes atiar, “Kirai kereka isio da imudukiok?” 41#Awa 26:12. Kotema Yesu kes atiar, “Arai kiraas imudukiok, timam ijaas kadiakar; konye kwana ibalasi ebe ‘Kikwenyi,’ aso esalit adiakarikus.”
လက္ရွိေရြးခ်ယ္ထားမွု
Yokana 9: AOV1961
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Ateso Old Version Bible © United Bible Societies, 1961.