Yokana 4
4
1 #
Yok 3:22,26. Aso nakejenunia Ejakait ebe eirasi Iparisayon ebe adum Yesu ikesisiak luipu aitelekar Yokana ka aibatis, 2#1 Kor 1:17. (Kwabo mam Yesu elopet kibatisai, dimarai ikekesisiak,) 3kinye Yudaya kolot bobo Galilaya. 4#Luk 9:52. Kibusakinit ŋes aitor kidiŋ Samaria. 5#Age 33:19; 48:22; Yos 24:32. Kosodi kodol ore loko Samaria, loenyaritai Sukar, loaapias kamana nakeinakini Yakob okokuke Yosep. 6Kejai nen atan naka Yakob, aso naarai kepasit Yesu kanuka alositeke, kiboikin atan. Kerai bala esawa lokikanyetekape.
7Kobu aberu naSamariat aiwok akipi. Kotema Yesu ŋes atiar, “Ae akipi kamat.” 8Naarai kelositos ikekesisiak ore agwel inyamat. 9#Luk 9:53. Kotema aberu naSamariat ŋes atiar, “Ikonakini ai ijo Eyudayat kilipi eoŋ akipi, eoŋ naarai Asamariat?” Naarai mam Iyudayan imorikikina kIsamarian, 10#Yok 7:38,39. Koboŋok Yesu kotema atiar, “Arai kijeni ainakinet naka Edeke, ka ŋol da lokibala ebe, Ae akipi kamat, tikilipi ŋes, tikiinak jo akipi nukajarak.” 11Kotema aberu ŋes atiar, “Ejakait, emamei jo ibore yeniwokunet, idul atan da; aso idumuni kai akipi ŋun nukajarak? 12#Yok 8:53. Ipol kereka ijo aitelekarit papaakosi Yakob, loabu koinak sio atan na, ŋes da elopet komat akipike, nepepe kikedwe, ka ikebaren da?” 13#Yok 6:58. Koboŋok Yesu kotema ŋes atiar, “Ŋin yenemasi akipi nu ejaki bobo akur, 14#Yok 6:27,35; Yok 7:37-39. konye yenemasi akipi nuainakini eoŋ, mam ejaki akur ikar kere; konye akipi nuainakini eoŋ eraunete kotomake atan naka akipi nuibulubulitos kiton aijar namam edaun.” 15Kobala aberu ŋes ebe, “Ejakait, koinakinai eoŋ akipi ŋun kenyek akur aijak, karaida abunenen ne aiwok akipi.”
16Kotema Yesu ŋes atiar, “Kolot, konyarau okilenikon, koboŋu ne,” 17Koboŋok aberu ebe, “Emamei eoŋ ekiliokit.” Kotema Yesu atiar, “Inera abeit ebe, Emamei eoŋ ekiliokit; 18naarai kijaas kikiliok ikany, ŋol da loijaatar kwana mam erai okilenikon; inera nu abeit.” 19#1 Kor 14:24,25; Yok 9:17. Kotema aberu atiar, “Ejakait, aanyun ebe irai enabi, 20#Ikis 12:5; Sab 122:1-9. Kemaete lukapapaakosi koroŋat kalo; ibalasi yesi ebe Yerusalem ŋes aibois naibusakinit amaia.” 21#Mk 14:58. Kotema Yesu ŋes atiar, “Toto, kiyuunai, ebunit esawa lomam imaiata bobo Papa koroŋat kalo karaida Yerusalem, 22#2 Ika 17:29-41; Isa 2:3. Imaete yesi yenimam ijenete; kimai isio yenikijeni, naarai ebunit aitajario kotoma oYudayan. 23Konye ebunit esawa, ejai da kwana, loemaiata ikamaak lukabeit Papa, kotoma omoyo ka abeit, naarai emoot Papa ituŋa luikote nen aima ŋes. 24#Rom 12:1; 2 Kor 3:17. Erai Edeke Emoyo, ŋul da luemaete ŋes, ibusakinit aima kotoma omoyo ka abeit.” 25#Yok 1:41. Kotema aberu ŋes atiar, “Ajeni ebe ebunit Mesia (ŋol Ioenyaritai Kristo); naebunio ŋesi kipukokini sio akiro kere.” 26#Yok 9:37; 10:25. Kotema Yesu ŋes atiar, “Eoŋ lopelo lokinera kajo.”
27Atipet kopotu ikekesisiak, koumokis naarai kineras kaberu, konye mam loabu kolim ebe, “Ikoto inyo?” Arai ebe, “Kanukinyo ineratar kaŋes?” 28Aso kinyek aberu akemot, kolot ore, kolimok ituŋa ebe, 29“Kopotu, koanyut etuŋanan lokalimoki akiro kere nukeswamaenenei. Epedori kereka lo araut Kristo?” 30Kolomutu kesi kore koloto mamakeŋ.
31Kapak kaŋin kiŋaiŋaata ikesisiak ebe, “Rabi, konyam.” 32#Yok 4:34. Konye kotema kes atiar, “Ejaas eoŋ inyamat lumam yes ijenete.” 33Kineranakinos ikesisiak ebe, “Eiai ca nat yeneinunit ŋes inyamat?” 34#Yok 17:4. Kotema Yesu kes atiar, “Ikanyamat kes luta, aswam nuekot lokejukuni, ka aitodol da akeswam. 35#Mat 9:37; Luk 10:2. Mam kereka ibalasi yesi ebe, ‘Eroko esalito ilapio iwoŋon, kodoli aidweny’? Katemari yes atiar, Kikeutu akusikonye, koanyut amanat ebe adaut areŋeun adwenyio, 36Eropio ekadwenyan, etukonokini araito kanuka aijar namam edaun, tetere iyalamikinos ekayean ka ekadwenyan nepepe. 37#Mik 6:15. Naarai erai akirot nakabeit ebe, ‘Eyei ice, edwenyi da ice.’ 38Abu kejuka yes aidweny ŋun numam kitaaritotor; konye kitaaritos ice, ilomakis yesi aitaaritoikec.”
39Kiyuut Isamarian luipu kotoma ore kaŋol kanuka akirot naka aberu, nakitejenunit ebe, “Abu kalimok akiro kere nukeswamaenenei.” 40Aso nakeponiata Isamarian mamakeŋ, kiŋaiŋaata ŋes asalakin kakes; kosalak do nen apaarasia aarei. 41Kiyuut ice luipu kanuka akekirot, 42#1 Yok 4:14. Kotemasi aberu atiar, “Kiyuunit kwana, mere kanuka ekoniiner bon, naarai kiira isio ikulepek, kijenu da ebe abeit erai ŋol Eketajaran loka akwapisinei.”
43 #
Mat 4:12. Akaulo kapaarasia kaŋun aarei konyou kanen kolot Galilaya. 44#Mat 13:57; Mk 6:4; Luk 4:24. Naarai kitejen Yesu elopet ebe mam enabi eyoŋio kobukec. 45#Yok 2:23. Aso nakedolio Galilaya, kisukunyikis Igalilayan, naarai apotu koanyutu akiro kere nukiswamai koYerusalem kopucit, naarai kelosito ŋul da opucit.
46 #
Yok 2:1-11. Kobu bobo Kana loko Galilaya mama etuluoria akipi ebino. Kojai etuŋanan lokapolou Kaparanaum, lokejai okokuke edeka. 47#Luk 7:2. Kiira ŋol ebe ebunit Yesu Galilaya anyoun koYudaya, kolot neejai kiŋaiŋa aijesar aitaŋaleun okokuke, naarai keapikinit atwanare, 48#Yok 2:18; 1 Kor 1:22. Kotema Yesu ŋes atiar, “Arai mam ianyunete aanyuneta ka nukaumokin, mam iyuunete cut.” 49Kobala lokapolou ebe, “Ejakait, kijesar eroko ikakoku ketwana.” 50Kotema Yesu ŋes atiar, “Kolot; ejari okokukon.” Kiyuu etuŋanan akirot nakelimokini Yesu ŋes, kolot, 51#Mat 8:6. Kosodi napijesar kiriamakinos kikebulesin, lukebalas ebe ejari okokuke. 52Kiŋit kes esawa lokegeunia aitemokin, kolimokis ŋes ebe, “Bian esawa lokikanyetekaarei alakakinia ekamidi ŋes.” 53#Luk 19:9; Asw 16:15,31. Kosodi kojen papake ebe ŋes esawa je lokelimokinia Yesu ebe, “Ejari okokukon.” Kiyuu ŋesi ka lukokaleke kere. 54#Yok 2:11,23. Ŋin ŋes aanyunet nakiareit nakiswamai Yesu nakenyounio koYudaya adolore Galilaya.
လက္ရွိေရြးခ်ယ္ထားမွု
Yokana 4: AOV1961
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Ateso Old Version Bible © United Bible Societies, 1961.