Màtay Nsɛmà

Nsɛmà

Un'kaan awà ukaswaŋà anki mbuur kàsön wa, wɛɛ aŋuyɛnà mbɔɔn bàkasii naa wa Màtay kàsön, un'yudà aŋàtaŋ, un'füür a itɛr. Nde wà umwɛy uboo a Antööm kwem aŋiyweel, bàfun'bel sye naa Lɛwi. Nde wa kàsön ntsü a mbul an'kwem an'syaam, bumwɛy naa an'kwem nsambwaar, bumwɛy sye naa an'kwem naan. Nde wa kàsön ntɔn Ayudà, mukaswaŋ naa Mwol Yɛsu, Un'tswää a mɔ̈ɔ̈, kàyi mukwey ngɔɔm. Lalan ukafurà nde mbalà mbɔɔn u Nkwà yà itaan.

Isin a ndaa a un'kaan awà kyà « Imwol a du », « Imwol a Nzam ».

Akà Màtay bàmanà in'lwaaŋ a kölàköl myà Làsaŋ Aŋàbwaŋ kàläb Malakɔ:

- Làsaŋ a Ywan Un'düümà

- Ndüümà anà ndɛb a Yɛsu

- Isal a Yɛsu u Ngalilɛ, mper kàyilyääŋà nde anà kàyilɔɔŋà nde in'sɛŋ a baar anà kàyikɔɔrà nde abɛy. Ungö apan, nkyeen ande mper a Yɛlusàlɛm. Kwo nde kàkyer ilä ikikye: mpɔsà mwɛy yàkàtsü a mbar a nkweel ande, a ndwääl ande, a ndaa imbürà yà kölàköl yà ngwiiyà ande, anà yà mɛɛnà ande.

Wɛɛ Màtay kan'tàwal taaŋ mbɔɔn u nsɛmà ntɔn an'sin, mböör anà imbɛy a Yɛsu. Apà, nde wàmuswaŋ kusà naa Yɛsu wa usàlab nde wà unsà Làsaŋ Aŋàbwaŋ ande wà nà: Mfum, Un'tswää a mɔ̈ɔ̈ awà bàbön mupà, wà Mànwel sye, iswaŋà naa: Nzam uboo a bi. U mbwo a nde Nzam asàkölà ndaa kàkyään nde unsà Nkwà yà itaan.

- Làsaŋ Aŋàbwaŋ kàsön Màtay làmuswaŋ sye ndaa a nsöön: nkööŋà a ndaa mbɔɔn yà an'lɔɔŋ a Yɛsu unsà ntɛɛn tyeen yà kölàköl:

- 1. « An'lɔɔŋ udu a mɔŋ » màmuswaŋ lää a ndandaa alàbàdilà akà baar akün bà « Imwol a du ».

- 2. Nswɛɛŋ bàpɛ akà baar ban'kwo mukyään ngyeel a Imwol aki.

- 3. Ngyee a Imwol aki yàŋàswaŋ u mbwo a itim nsambwaar: Imwol aki kyà ŋàyee apanà, wɛɛ iböŋ a kya isàkal aŋàyäy.

- 4. Möö nà kan'kwo mukal uboo atɔŋ u mɛɛn akün amà Imwol.

- 5. Iböŋ a ntsüü a Imwol aki ban'kwo mudil aben.

Abun, unsà Làsaŋ Aŋàbwaŋ kàsön Màtay, Yɛsu akamɛnà asànaa Un'lɔɔŋ ayàsɛmà mɛɛn akün mà Imwol, anà ayàpà baar bàbilà kwo an'lɔɔŋ amà ba amà ndöŋ ntɔn ba bàkäl ambäl akà baar bumwɛy.

လက္ရွိေရြးခ်ယ္ထားမွု

Màtay Nsɛmà: YNS

အေရာင္မွတ္ခ်က္

မၽွေဝရန္

ကူးယူ

မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ

Bible Iyansi အေၾကာင္းကို ပို၍ သင္ယူပါ။

Màtay Nsɛmà

Màtay Nsɛmà
မွ လူႀကိဳက္ႏွစ္သက္ေသာ က်မ္းပိုဒ္မ်ား။

သမၼာက်မ္းစာ:

Yansi

ဗားရွင္း: Bible Iyansi - YNS

Màtay Nsɛmà

Màtay Nsɛmà

Màtay Nsɛmàမွ လူႀကိဳက္ႏွစ္သက္ေသာ က်မ္းပိုဒ္မ်ား။

သမၼာက်မ္းစာ:

Yansi

ဗားရွင္း: Bible Iyansi - YNS

Màtay Nsɛmà

Màtay Nsɛmà
မွ လူႀကိဳက္ႏွစ္သက္ေသာ က်မ္းပိုဒ္မ်ား။