Markɩ 5
5
Jeju kpɛɛrɛ kuunikɛ hananɩ kɔ̃tɛɛbii
(Mat 8:28–34; Lu 8:26–39)
1Dɩ wɩ kɔɔ daan mɩɩr nɔ iiro Jerajedaraa dʋɔ. 2Dɩ ɔbɔɔkɛ Jeju thenɩ gboroona, dapaara kũu bɩɛlɩkɛ hananɩ kɔ̃tɛɛbu hɔ̃hɔl ther khi dʋ paar da‐n caanʋʋ. 3Kuunile khi dʋ paar a‐n cɔ dɩ dakha tibil na‐n puno dɩ lii ˈlo bã, jɔrkɔrakɛ na‐n puno dɩɩ liəˈ; 4gɩdonɩ wa‐n bʋʋ lirəˈ, sɩ wɩ‐n kɔɔ baraanɛ na ther dɩ wɩ linəə dakha jɔrkɔ, sɩ a‐n kɔɔ hallɛ jɔrkɔ dɩ phʋ̃ dɩ bɛɛna therɩle dɩ khaar, sɩ tibillakɛ na hale dɩ punooəˈ. 5Bɔɔ fɛʋ, dɩtɩnɔ na dɩwɩlʋ, khi dʋ paarsɔ na gɔ̃gʋɔna a‐n ha da‐n hulẽ, sɩ dɩ gba bokana da‐n liirena tomɩr. 6Dɩ mɔ̃ a ˈlaanɩ yɩ Jeju yɔɔ, a car a caanʋʋ a gburõkuraa, 7sa hulẽ nʋɔ dɩɩ khur ka ayɩ: Anye fɛrɛ na mɛrɛ ha kha, fɛr Jeju Thãgba Kəkəədaarɩ Bikuun? Mɩ‐n phʋʋr fɛr na Thãgbaa i, fa‐n hʋɔl maraˈ. 8A sor thale gɩdonɩ Jeju kɔɔ sʋʋraarɛ: Thɛ kuunnaale, fɛr kɔ̃tɛɛbu hɔ̃hɔl. 9Dɩ Jeju bulee: Mɔ̃ afɩ i n do? Dɩ tu: Ɩ̃ i n dʋɔn dajɔ gɩdonɩ sɩ jɔrɛ. 10Sɩ a‐n phʋʋrɛ Jeju dɩɩ ka ayɩ, a na‐n wee kɔ̃tɛɛbi hɔ̃hɔlala a faa dɩ khuirə ga.
11Sɩ dabulo sɩthɔ jɔɔ wɛ a kɔɔ hale gɔ̃gɔ̃ khʋra dɩ wa‐n khʋʋl. 12Dɩ kɔ̃tɛɛbiirə phʋʋr Jeju ayɩ: Thɔna sɩ sɩ jal sɩ lõ sɩthɔrara. 13Dɩ ha wɩ hʋɛ wɩ jala, dɩ kɔ̃tɛɛbi hɔ̃hɔla ther a jal a lõ sɩthɔsɔra bɩnɔ, a tinə wi dɩ wɩ ca birbirbir na gɔ̃gɔ̃ horʋ, a jiir mɩɩr nɔɔra; wɩ kɔɔ daan sɩthɔ gbɩlanɩ yenyɔ a kɔɔ mʋʋlɛ nyʋɔnɔ a khiir.
14Dɩ wɩrɛ n khɛ wɩnɩ, wɩ kɔɔ caar kɔ̃ a mɩɩ dɩɩra na dɩ biisɔra mɔ̃ thɩ̃ɛɛle hanɩ, dɩ tɩbɩla ther jal a hɩɩn mɔ̃ gɩ hanɩ. 15Dɩ wɩ pɔr Jejura a yɩ ʋrɛ kɔ̃tɛɛbii kɔɔ harɔnɩ, kɛ kɔɔ hananɩ dajɔ, dɩ too, a to kɩ̃kɩɩn a hanana dakha yʋ bʋɔ, dɩ maar kɔɔ fʋlɛ wɛr fɛʋ. 16Wɩrɛ kɔɔ yɛnɩ thɩ̃ɛɛkɛ cʋɛnɩ kɔɔ mɩɩ wɛr gɩrɛ kɔɔ dananɩ ʋrɛ kɔɔ hananɩ kɔ̃tɛɛbii, na gɩrɛ kɔɔ dananɩ sɩthɔsɔ. 17Dɩ le wɩ kɔɔ ma dɩ wa‐n phʋʋr Jeju a thɛ wɩ dɩɩra.
18Mɔ̃kɛ Jeju n lonɩ gboroona, kuunile kɔɔ hananɩ kɔ̃tɛɛbii phʋʋrʋʋrɛ a dɔ ɩnɩ‐n do ɔɔ totoo. 19Sɩ Jeju bor sa sʋʋraa: Kɔna afɩ cɔ afɩ too thɩ̃thɩɩn, a mɩɛnɛ wɩ thɩ̃ɛ fɛʋʋkɛ Kɔ̃tɩn kɔɔ cʋʋ farnɩ, na mɔ̃ a kɔɔ jɩ fɩnɩ bʋɔra. 20Dɩ mɛ̃ a kɔɔ jal a be da‐n wɩɛl paarɩkɛ wɩ‐n wenɩ Dekapol gɩrɛ fɛʋʋkɛ Jeju kɔɔ cʋʋraanɩ, dɩ nʋɔ kɔɔ kpaarɛ tɩbɩla fɛʋ.
Jaɩrʋsɩɩ bikhɛrɩda na khɛrɩkɛ tɔmɩn kɔɔ theronɩ yɛna yʋɔr yenyɔ
(Mat 9:18–26; Lu 8:40–56)
21Sɩ Jeju kɔɔ bire iir na gborõo gɩ̃ iiro, dɩ tibil jɔ bir gbɛbɩ wo a pʋɔraa, sɩ mɩɩr nɔ nʋɔra a kɔɔ ha. 22Dɩ kuunikɛ wɩ‐n wenɩ Jaɩrʋsɩ, kɛ dʋɔnnɩ kɔ̃tɩn Juifisɔɔ Thãgba fʋɔr cɔra, pɔr a yɩɩ a jiirəə yɛ thɩ̃thɩɩn, 23sɩ da‐n phʋʋrʋʋ ayɩ: Gɩ‐n khor ɩ̃ bikhɛr bu da‐n ɓɔr; ɩna dɛɛnaa nyɛ̃ɛ a tagaa a le. 24Dɩ mɛ̃ Jeju na kuunile jal kha, sɩ tibil jɔ hiirəəre a thʋ̃ dɩ wa‐n cʋɔrʋʋ mɔ̃ wɩ‐n jalnɩ.
25Dɩ khɛ bɩɛl gɩ, a hale a hana tɩ̃ɩ a cʋʋna yɛna yʋɔr yenyɔ. 26A kɔɔ gaarɛ bʋɔ jɔɔ ka thɩdara jɔɔ nyɔ̃kɔɔ, dɩ mɛ̃ a kʋɛ thɩ̃ɛ fɛʋʋkɛ a hananɩ, sɩrakɛ ga‐n haaraa kpɩaˈ, sɩɩ do gɩ ka dɩ a‐n dɛbɩrɔrɛ; 27dɩ a sor na ɔɔ bɩ̃: A mɩ puno a thar ɔɔ kẽkenanakɛ dɩbara, ma kpɛɛrɛ. 28Dɩ mɔ̃kɛ a‐n kɔɔ nɩɛnɩ Jejuuda, a pɔr a ˈlɔɔ tibil jɔraale thɩ̃thɩɩn Jejuu khiro a thaaraa kɩ̃kɩɩnna. 29Dɩ dapaara ɔɔ tɔmɩ̃ theele kur, dɩ jɩ ɔɔ tomɩra tue dɩɩ do a kpɛɛrɛ. 30Dɩ le Jeju jɩ na ɔɔ ha dɩ fãga the narɛ gbe, a kɩɩl a bule: Amɛ thaan mar kɩ̃kɩɩnna? 31Dɩ ɔɔ kpãkpãadara sʋʋraa: Fe yɩ tibil jɔ dɩ wɩ hi far thakɛ sɩ dɩ fɩ yɩ, amɛ thaan farɩ? 32Sɩ Jeju borrakɛ sa hɩɩn da‐n finə ɩnɩ‐n jɩ ntɛ cʋɛnɩ thalera. 33Dɩ maar fʋ khɛr da‐n jẽ a jɩnɩ gɩrɛ danaanɩ, a pɔr a ji Jejuu ƴɛra sa sʋʋraa casɩ mɔ̃ gɩ haaraanɩ. 34Dɩ Jeju sʋʋraa: Ɩ̃ bikhɛr afɩ ha pɛ taa fɩ, kɔna na ha ɩɩ a tɔɔna tomɩ kheu.
35Mɔ̃ a hanɩ mɩɩrɔ, tɩbɩla ther Jaɩrʋsɩ kɔ̃tɩnɩ cɔ a pɔ a so: Afɩ bikhɛr khire, anye fɩ‐n vɔɔrɔ Dɩɩrdaar ˈlo? 36Sɩ Jeju na therna gɩrɛ wɩ sonaˈ, sɩ a sor Jaɩrʋsɩra: Fa‐n do haar n ubi faˈ, pɩɛr haar dɩbara. 37Sɩ Jeju na tu tibil bɩɛl n thɔaa saagado Pɩɛr na Jakɩ na Jã, Jakɩɩ õkuunna gaaga. 38Dɩ mɛ̃ wɩ kɔɔ dã Juifisɔɔ Thãgba fʋɔr cɔ kɔ̃tɩnɩ pa, dɩ Jeju yɩ mɔ̃ khʋ̃ɛ hanɩ, a yɩna tɩbɩla dɩ wa‐n bɩ dɩ wa‐n bena hulẽbi khena; 39dɩ a lʋʋn sa so war: Anye nɩ‐n khʋɔn thakɛ, dɩ anye nɩ‐n bɩrɔ, bɩsaanɩkɛ na khəˈ, a‐n daarɛ. 40Sɩ wɩ‐n maanʋʋnɛ, dɩ agɩpɩ a tire tɩbɩla fɛʋ dɩ wɩ thɩɩr, sɩ dɩ kpa bɩsaanɩlee thɩ na nɩrɛ, na wɩrɛ kɔɔ thɔgɔɔnɩ dɩ wɩ lõ ka bɩsaan hanɩ, 41dɩ fʋʋ nyɔ̃ɔ sa sʋʋraa: Talɩta kumɩ; kɩrʋ dʋɔn: Khebir, mɩ so farɛ pala ɩrɛ. 42Dɩ dapaara khebir pal ɩɩr a ma da‐n sa, gɩdonɩ a hananɛ yɛna yʋɔr yenyɔ; dɩ nʋɔ kɔɔ kpaarɛ tɩbɩla fɛʋ. 43Sɩ Jeju kpãkpãa warɛ na sobɔr dɩ wa‐n do tibil n jɩ thɩ̃ɛɛlaˈ, sɩ a sor wɩ hana khebirile dɩkor a kho.
လက္ရွိေရြးခ်ယ္ထားမွု
Markɩ 5: LOBIRI
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Bible Society of Burkino Faso 1985.