मत्ती 14
14
हेरोदेस येशुउ बाराम होमल्यु
(मरकुस 6.14-29; लूका 9.7-9)
1त्या टाईमो पोओ चारू वुग्रया देशाआ राजा हेरोदेस बी येशुउ चर्चा कोअयु 2अने आपाआ सेवकांआ कोयु, ओ योहान बाप्तिस्मे कोअनारू होय; ओ मोल्यामरोत जिवंत उठ्यू होय, कोईत तिये सामर्थ्यचे काम प्रगट कोईत होय.
युहन्ना हत्या
3काहाके का हेरोदावाही आपाआ पाही फिलीप्प याआ लाडी हेरीदिया यीइकोता, योहानाआ तोईत बानदल्यो अने जेलुमे टाकीत आप्लु ओते. 4काहाके योहानाई तियाहा कोयु ओते का तीही मेकिलो ताआ याकोअता हाजो नाहा, 5अने हेरोद तियाहा जीवे मोईलो ओती, परंतु माहुऊ बित ओती काहाके ते तियाहा संदेष्टा मानीत ओते. 6फासाडी हेरोदेसो जन्म दिवसाआ आवयू, ताहा हेरीदियाआ पोर्या दरबारात नाचीला कृत्य देखाडीत खुश कोल्यु. 7यापोरोत तिये शपथ लेत वचन कोयो जो किबी तू मागही, आय ताहु आपी. 8तेबी आपाआ याह्ही कानोम गोगल्यी, योहान बाप्तिस्मे कोनाराआ मुंडको थालिमे ओच माहु मागित आप. 9राजा हेरोद दु:खी ओवयू, परंतु आपाआ शपथ मुळे, अने आरी बोहोल्याअ काहाके, आज्ञा आपीली लागीई. 10अने तिये जेलुमे माहुंहु मोकलित योहानाच मुंडको वाडीत टाक्ये; 11अने तियाआ मुंडको ताटूम लावल्या गोये अने पोरीही आप्या गोये, तियाहा तीही आपाआ याह्ही जागे लेत गोयी. 12ताहा योहानाआ शिष्य आव्ये अने तियाआ प्रेताला घेऊन जात गालीत आप्लु, अने जात येशुहू वर्तमान खोबोरकोयी.
पास हाजार मांहोहो खावडलोओ
(मरकुस 6.30-44; लूका 9.10-17; युहन्ना 6.1-14)
13जांहा येशु होमल्यु, ताहा तो नावापो बोहित तिहीरोत कोडना उजाड जागापो, एखकट्यात निहित गोल्यो मांहे ओ होमलिते देश-देशांत पायी तियाआ फासाडी निहित गोये. 14येशु निहित एक वोडी गोर्दी देखल्यी अने तियापो दया कोअयी, अने तियाआ बिमारे हाजो कोल्यु. 15जांहा हांजेपो उवी ताहा येशुउ शिष्यांनी तियाआ जागे आविलो कोयु, ए निवांत जागू होय अने वाअ उवनारा होय; माहुंहु कोअलो का ती गावोमेहे जात आपाआ याकोअता खाआलाकाजे वेसातो लेदलेए. 16परंतु येशु तियाहा कोयु, त्याआं जाअलो माहा नाहा तुमुज तियाहा खाआलाकाजे दया 17शिष्यांनी येशुहु कोयु, इही आमा जागे पांच रोटा अने बेन मासे सोडीत फासी किबी नाहा. 18तिये कोयु, तियाहा इही माआ जागे घेऊन आव. 19ताहा तिये माहुंहु चारापोओ बोहाडीत दया कोयु; अने स्वर्गामेहे पालहु आशीर्वाद आप्यू अने रोटा तोडीत शिष्याआ आप्लु, अने शिष्यांआ, माहुंहु. 20जाहा आखे खात तृप्त उवे, ताहा शिष्यांनी उरिलो तुकडा कोईत पोअल्यी बारा टोपल्या पोईत लेदिओलो. 21अने खानारा बोई अने पोऱ्ये सोडीत, पांच हजार माहु ओते.
पाअयोपो येशुउ साललोओ
(मरकुस 6.45-52; युहन्ना 6.16-21)
22ताहा तिये लागेज आपाआ शिष्यांआ नावेपो चोडूहु कोयु का ते तियाआ पहीले तिवोल जालो, जो परंतु तियाहा माहुंहु मोकलित. 23तो माहुंहु मोकलित, प्रार्थना कोइला कोअता दिहरा डोगोपो निहित गोल्यो; अने राती तो होमजीत्लो एखल्यू ओतु. 24तियाअ टायमोमें नाव समुद्रामे लाटांनी हैरान उवी ओती, काहाके वारू सोमोरून ओती. 25अने येशु रातीई चौथो पहरी तलावापो चालीत तियाआ जागे आवयू. 26शिष्य तियाहा समुद्रापो चालते ओतु पालहु घाबरील्यो गोये अने कोआ लागाडीत, ओ पुत्डू होय अने भिईल्यो आअडू लागाडीत. 27तेहलाम येशुई लागेज त्याआरी भिईल्यो का अने कोयु, धीर तोआ आय होय, बित नाहा. 28पेत्राई येशुहु उत्तर आप्लु, ओ प्रभुजी, जर तुमु होय, ताहा माहु आपाआ जागे पाण्यापो चालीत आवजा आज्ञा को. 29तिये कोयु, आव तेहलाम पेत्र नावापो उतरित येशु जागे जाअलाकाजे पाण्यापो चालीलो लाग्यू. 30पोन जूरे हवाला पालहु बित गोल्यो, अने जांहा बुडहू लाग्यू ताहा आयडीत कोयु, ओ प्रभुजी, माहु वासाड, 31येशुनी लागेज आथे आगाडी कोईत तियाहा तोईत लेधलो अने तियाहा कोयु, अरे अल्प विश्वासी, तू नि काहा संशय धोल्योओ? 32जाहा ते नावापो सोडवीत गोये, ताहा वारू थोबित गोयी. 33आवा वरून तिये जो नावापो ओतु, तियाहा नमन कोअला कोयु, खरोज तू परमेश्वरोओ पोऱ्या होय.
येशुउ द्वारा गन्नेसरत मेहे इस्ताज रोगिही हाजु कोअयु
(मरकुस 6.53-56)
34ते तिवोल उतरित गन्नेसरतमध्ये पोत्य. 35तिहीवालेच माहुंहु तियाहा आयडीत लेधलो अने आस-पासच्या आखे तियाहा खोबोर मोकल्यु, अने आखे बिमारोत तियाआ जागे लाविले, 36अने तियाहा विनंती कराय लागाडीत का ते तियाहा आपाआ कापडा गोड्यास कोयु स्पर्श कोहू दया; अने जेतेहे तियाहा स्पर्श कोल्यु ते हाजो उवे.
လက္ရွိေရြးခ်ယ္ထားမွု
मत्ती 14: NOINT
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Noiri (नोयरी) Bible by The Love Fellowship is licensed under Creative Commons Attribution-ShareAlike 4.0 License.