MATAYO 3
3
Mabirikiro akwe Yohane M’batizi
(Mrk. 1:1-8; Luk. 3:1-17)
1Misi ila hakavuka Yohane M’batizi, akabirikira he nyika ya Yudea, ekiti, 2“Chweni mti, ambu vufumwa vwa uko wanga vwazengelela.” 3Ambu uo niye etetiwe ni mroti Yesaya, ekiti,
“Izii la mraamberija uko nyika,
Hareheni nzia ya Mfumwa,
Chelelesheni hantu evechija!” 4Naye Yohane ekidokie suke ya mavoa a ngamia, na ngana he kikwidi, na kijo chakwe neki nzighe na nzoke ya mpako.
5Niho Vayerusalemu na Yudea yose vakamswia, na masanga ose eho mbaimbai ya Yordani; 6naye akavabatiza he kianda cha Yordani, vekighamba mabanu avo. 7Ekivona vajinki va he Vafarisayo na Vasadukayo vekizia m’batizo wakwe, akavati, “Unywi va lukolo lwa nyoka, niani emurungie kuaha ila oro yeneza? 8Gerani ra ntunda jeteghanie kuchwa mti; 9neri musidunganye he ngoro jenyu iti, ‘Tuna vava eye Abrahamu’; ambu nimutio, Mrungu eidima kumvushija Abrahamu vana he aa mabwe. 10Na izoka lakenja kuvikwa he vikolo vya miti; heicho kila mti wesigera ntunda jedi utemwa ugerwe he moto. 11Mi nimubatiza kwa mpombe vuntu vwa kuchwa mti; mira ula eza nyuma yangu ena nzinya kunivecha, neri tekinivaie kumtikia viratu vyakwe; ye enemubatiza kwa Mpeho Wedi na moto. 12Naye ehete chahetia he mkono wakwe, eneelija isankanio lakwe, enevunganya ngano he gu, mira mahuhu eneashota na moto wesifwa.
Kubatizwa kwakwe Yesu
(Mrk. 1:9-11; Luk. 3:21-22)
13Igheri ilo Yesu akafuma uko Galilaya, akaza Yordani hakwe Yohane iti abatizwe niye. 14Mira Yohane akaenda kumkinda, ekiti, “Mi nienda kubatizwa niwe, iki engawe uza hemi?” 15Yesu akamgharusha akamti, Iki kunda icho, ambu kitutara kukolosha singisirya yose”. Niho akamkundija. 16Ingeri Yesu ekinabatizwe hala indi akafuma he mpombe; niho wanga hakamjughukia, akavona Mpeho wa Mrungu ekimseia, eikee sa nziva. 17Na izii lefuma uko wanga, lekiti, “Uu ni Mwanangu mkunde wangu, nemwizihirwe.
လက္ရွိေရြးခ်ယ္ထားမွု
MATAYO 3: CHSUNT67
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Chasu New Testament © Bible Society of Tanzania, 1967.