Ts'etta 5
5
Aadamıle Nühülqamee ıxhayn nasılbı
1Aadamne nasılın taarix inəxüd vod. Allahee insan iyxhanang'a, mana Cuk akarara irxhın. 2Mang'vee adamiyiy zəiyfa ipxhın. Manbışis xayir-düə huvu. İpxhınne yiğıl manbışis «insan» do gixhxhı.
3Aadamın vəşşe xhebts'al (130) sen g'adıyng'a, cuk akarana, cune k'op'yeylna sa dix ıxha. Doyud Şet giyxhe. 4Aadam, Şet ıxhayle qiyğa molyud vəşşe (800) senna axu. Mang'uqa mebın dixbıyiy yişbı vuxha. 5Aadam yüç'üd vəşşe xhebts'al (930) senna axu, qik'u.
6Şetıqa vəşşe xholle (105) sennang'a mang'us dix Enoş eyxhe. 7Enoş ıxhayle qiyğa, Şetee molyud vəşşe yighılle (807) sen ha'a. Mang'us mebın dixbıyiy yişbıb vooxhenbı. 8Şetee yüç'üd vəşşe yits'ıq'vəd (912) sen hı'ı, qek'a.
9Enoşuqa yüç'əl (90) sennang'a, mang'us dix Qenan eyxhe. 10Qenan ıxhayle qiyğa, Enoşee molyud vəşşe yits'ıxhvad (815) sen ha'a. Mang'us mebın dixbıyiy yişbıb vooxhenbı. 11Enoşee yüç'üd vəşşe xholle (905) sen hı'ı, qek'a.
12Qenanıqa yights'al (70) sennang'a, mang'us dix Mahalalel eyxhe. 13Mahalalel ıxhayle qiyğa, Qenanee molyud vəşşe yoq'ts'al (840) sen ha'a. Mang'us mebın dixbıyiy yişbıb vooxhenbı. 14Qenanee yüç'üd vəşşe yits'ılle (910) sen hı'ı, qek'a.
15Mahalaleliqa yixhts'ale xholle (65) sennang'a, mang'us dix Yered eyxhe. 16Yered ıxhayle qiyğa, Mahalalelee molyud vəşşe xhebts'al (830) sen ha'a. Mang'us mebın dixbıyiy yişbıb vooxhenbı. 17Mahalalelee molyud vəşşe yüç'əle xholle (895) sen hı'ı, qek'a.
18Yeredıqa vəşşe yixhts'ale q'ölle (162) sennang'a, mang'us dix Xanok ıxha. 19Xanok ıxhayle qiyğa, Yeredee molyud vəş (800) sen ha'a. Mang'us mebın dixbıyiy yişbıb vooxhenbı. 20Yeredee yüç'üd vəşşe yixhts'ale q'ölle (962) sen hı'ı, qek'a.
21Xanokuqa yixhts'ale xholle (65) sennang'a, mang'us dix Metuşelax eyxhe. 22Metuşelax ıxhayle qiyğa, Xanok xhebıd vəş (300) senna Allahne yəqqı'n ark'ın. Mang'us mebın dixbıyiy yişbıb vooxhenbı. 23Xanokee xhebıd vəşşe xholle (365) sen hı'ı. 24Mana Allahne yəqqı'n ark'ın. Qiyğa mana Allahee insanaaşine yı'q'neençe Cusqa üç'ürra alyarat'a.
25Metuşelaxıqa vəşşe molyts'ale yighılle (187) sennang'a, mang'us dix Lamek ıxha. 26Lamek ıxhayle qiyğa Metuşelaxee yighıd vəşşe molyts'ale q'ölle (782) sen ha'a. Mang'us mebın dixbıyiy yişbıb vooxhenbı. 27Metuşelaxee yüç'üd vəşşe yixhts'ale yüç'üd (969) sen hı'ı, qek'a.
28Lamekıqa vəşşe molyts'ale q'ölle (182) sennang'a, mang'us dix eyxhe. 29Mang'vee dixın do Nüh (yik'bı huviy) gixhxhı, eyhen: «İne dixee, Rəbbee bed-düə hav'uyne ç'iyel, ts'ıts'a'ane əq'übabışee, yişde işbışee şas yik'bı heles». 30Nüh ıxhayle qiyğa, Lamekee xhod vəşşe yüç'əle xholle (595) sen ha'a. Mang'us mebın dixbıyiy yişbıb vooxhenbı. 31Lamekee yighıd vəşşe yights'ale yighılle (777) sen hı'ı, qek'a.
32Nühüs xhod vəş (500) sen qalesse, mang'us Sam, Ham, Yafəs donan dixbı vooxhe.
လက္ရွိေရြးခ်ယ္ထားမွု
Ts'etta 5: YIQSUM
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ