Kuyamba 9
9
Chibvano cha Mulungu na Nowa
1 #
Kuya 1:28
Mulungu adadalisa Nowa nawana wake, adati kwayiwo, “Balanani muwande, mudzadze dziko. 2Bzinyama bzentse bzapadziko nambalami zentse zan'dzulu nabzentse bzinkwawa namimba nantsomba zentse zamunyanja zin'zakugopani bzichizabva mantha nayimwe. Bzentse ndabziyikha m'manja mwanu. 3Bzamoyo bzentse bzinfamba bzin'zakhala chakudya chanu, ninga kukupasani kwandidachita mbewu zentse ziwisi. 4#Mpf 7:26,27; 17:10–14; 19:26; Kuts 12:16,23; 15:23Koma lekani kudya nyama ina gazi, pakuti umoyo wanyama uli mugazi. 5Pagazi lawumoyo wanu nin'zafuna longosolo, kubzinyama bzentse nakumunthu wentse nin'zafuna longosolo nakum'bale wamunthu wentse nin'zafuna longosolo lawumoyo wamunthu. 6#Kub 20:13; Kuya 1:26Wentse antaya gazi lamunthu, gazi lake linfunika kutayiwambo namunthu, pakuti Mulungu adalenga munthu kulingana nayiye pachake.
7“#Kuya 1:28Tsapano imwe balanani muwande mudzadze dziko.”
8Mulungu adati kwa Nowa nakwawana wake wachimuna, 9wonani, ndikuchita chibvano nayiwe, nakum'badwe wako un'zabwela, 10nabzinyama bzentse bzawunabzo bziniti, mbalami nabzifuwo nabzinyama bzentse bzapadziko bzawunabzo, nabzentse bzawabula nabzo m'bote. 11Ndikuchita chibvano nayimwe chakuti, nin'zapha lini pomwe bzamoyo nachigumula. Kun'zachita lini pomwe madzi yachigumula yakucheneka wanthu padziko. 12Mulungu adati, “Ichi ndicho chilatizo chachibvano chandidachita nayimwe nabzamoyo bzawunabzo nakum'badwe wentse un'zabwela. 13Ndayikha utati wangu m'mitambo kuti uwe chilatizo chachibvano changu nayiwe nadziko lentse. 14Ndikabwelesa mitambo, utati ukawoneka m'mitambo, 15pamwepo nin'zakumbuka chibvano changu chandachita nayiwe nabzamoyo bzentse, kun'zabvumba lini pomwe mvula yachigumula yakuzacheneka bzamoyo. 16Utati ukawoneka m'mitambo, nin'zawunyangana ndichizakumbuka chibvano chin'khala kufika lini nalini chandachita nayiwe nabzamoyo bzentse bzapadziko.” 17Mulungu adati kwa Nowa, “Ichi ndicho chilatizo chachibvano chandachita pakati payine nabzamoyo bzentse bzapadziko.”
Nowa nawana wake
18Wana wa Nowa adabula mubote ni Shemu na Hamu na Jafeti. Hamu ndiye payi wa Kenani. 19Awa ndiwo akhali wana wa Nowa atatu wachimuna, kwaamwewa ndiko kudachoka wanthu wentse ali padziko.
20Nowa akhali mulimi, ndiye munthu adayamba kubzala munda wamavayini. 21Ntsiku inango iye adamwa vinyu nkuledzela, adagona mutenti yake alibe kubvala. 22Hamu apayi wa Kenani, adawonela apayi wake, adabula panja nkukawuza akulu wake awili. 23Shemu na Jafeti adatakula nguwo, nkuyisumusa kufika m'mapewa yawo, achifamba chifutambuyo kafinika apayi wawo, adanyangana kumbali kuti aleke kuwawona ali pezi. 24Nowa paadalamuka pakuledzela kwake, adadziwa bzikhadachita mwana wake wachimuna mung'ono. 25Iye adati,
“Kenani ngaatembelelewe,
ngaawe mulanda kwaabale wake.”
26Adazati pomwe,
“Ngaadalisiwe Chawuta Mulungu wa Shemu,
Kenani ngaawe mulanda wa Shemu.
27Mulungu ngaakwizilize Jafeti,
akhale m'matenti ya Shemu,
Kenani awe mulanda wake.”
28Pambuyo pamadzi yachigumula, Nowa adazakhala kwamagole mazana matatu namakumi mashanu (350). 29Nowa adakhala padziko kwamagole mazana pfemba namakumi mashanu (950), pamwepo iye adazafa.
လက္ရွိေရြးခ်ယ္ထားမွု
Kuyamba 9: KUNDA
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Bhaibheri reChikunda © Bible Society of Zimbabwe