Sailm Dhaibhidh 23
23
Salm 23
1Is e Dia fhèin as buachaill dhomh,
cha bhi mi ann an dìth.
2Bheir e fa‑near gun laighinn sìos
air cluainean glas' le sìth:
Is fòs ri taobh nan aibhnichean
thèid seachad sìos gu mall,
A ta e ga mo threòrachadh,
gu mìn rèidh anns gach ball.
3Tha 'g aiseag m'anam dhomh air ais:
's a' treòrachadh mo cheum
Air slighean glan' na fìreantachd,
air sgàth dheagh ainme fhèin.
4Seadh, fòs ged ghluaisinn eadhon trìd
ghlinn dorcha sgàil' a' bhàis,
Aon olc no urchuid a theachd orm
chan eagal leam 's cha chàs;
Airson gu bheil thu leam a‑ghnàth,
do lorg, 's do bhata treun,
Tha iad a' tabhairt comhfhurtachd
is fuasglaidh dhomh am fheum.
5Dhomh dheasaich bòrd air beul mo nàmh:
le ola dh'ung mo cheann;
Cur thairis tha mo chupan fòs,
aig meud an làin a th'ann.
6Ach leanaidh math is tròcair rium,
an cian a bhios mi beò;
Is còmhnaicheam an àros Dhè,
ri fad mo rè 's mo lò.
လက္ရွိေရြးခ်ယ္ထားမွု
Sailm Dhaibhidh 23: SD1992
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© Comann Bhìoball na h-Alba (Scottish Bible Society) 1992.