ဓမ္မရာဇဝင်ဒုတိယစောင် 16:5-13

ဒါဝိဒ်​မင်းကြီး​သည် ဗာဟုရိမ်​မြို့​သို့​ရောက်​သောအခါ ရှောလု​မင်းကြီး​၏​ဆွေမျိုးသားချင်း​ထဲမှ လူ​တစ်​ယောက်​ထွက်လာ​၏​။ ထို​သူ​သည် ဂေရ​၏​သား​ဖြစ်၍ ရှိမိ အမည်​ရှိ​၏​။ သူ​သည် ဒါဝိဒ်​မင်းကြီး​ကို ကျိန်ဆဲ​ရင်း​နှင့် ထွက်လာ​ခြင်း​ဖြစ်​၏​။ သူ​သည် ဒါဝိဒ်​မင်းကြီး​ကို​သာမက ဒါဝိဒ်​မင်းကြီး​၏​အမှုထမ်း​များ​၊ လူ​များ​နှင့် မင်းကြီး​၏​ဝဲ​ဘက်​ယာ​ဘက်​မှ​စစ်သူရဲ​များ​ကို ကျောက်ခဲ​နှင့် ပေါက်​ရင်း “​လူသတ်သမား​၊ လူယုတ်မာ​၊ ထွက်သွား ထွက်သွား​၊ ရှောလု​မင်းကြီး​၏​အရိုက်အရာ​ကို လုယူ​၍​နန်းစံ​ပြီး ရှောလု​မင်းကြီး​၏​အိမ်သူအိမ်သား​အား သတ်​သော​အပြစ်​ကို ထာဝရဘုရား​သည် သင့်​အား ပြန်ပေးဆပ်​စေ​ပြီ​။ နိုင်ငံ​တော်​ကို​လည်း သင့်​သား​အဗရှလုံ​လက်​သို့ ထာဝရဘုရား​အပ်​တော်မူ​ပြီ​။ သင်​သည် လူသတ်သမား​ဖြစ်​သောကြောင့် သင်​ပြု​သော​မကောင်းမှု​ကို သင်​ပြန်ခံ​ရ​တော့​မည်​”​ဟု ကျိန်ဆဲ​လေ​၏​။ ထိုအခါ ဇေရုယာ​၏​သား အဘိရှဲ​က ရှင်ဘုရင်​အား “​ဤ​ခွေးသေကောင်​သည် အဘယ်ကြောင့် အကျွန်ုပ်​၏​သခင် အရှင်မင်းကြီး​ကို ကျိန်ဆဲ​ရ​သနည်း​။ ယခု အကျွန်ုပ်​သွား​၍ သူ့​ခေါင်း​ကို ဖြတ်ပစ်​ပါရစေ​”​ဟု လျှောက်​၏​။ သို့သော် ရှင်ဘုရင်​က “​ဇေရုယာ​သား​တို့​၊ သင်​တို့​နှင့် အဘယ်သို့​ဆိုင်​သနည်း​။ ထာဝရဘုရား​က သူ့​အား ‘​ဒါဝိဒ်​ကို ကျိန်ဆဲ​လော့​’​ဟု အခွင့်ပြု​လျှင် သူ​ကျိန်ဆဲ​သည်​ကို ‘​သင် အဘယ်ကြောင့် ကျိန်ဆဲ​သနည်း​’​ဟု သူ့​ကို မည်သူ​ပြော​ခွင့်​ရှိ​မည်နည်း​”​ဟု မိန့်ဆို​၏​။ ထို့နောက် ဒါဝိဒ်​မင်းကြီး​က အဘိရှဲ​အပါအဝင် မင်းမှုထမ်း​အပေါင်း​တို့​အား “​ကြည့်​ပါ​။ ငါ့​သွေးသားရင်း​ဖြစ်​သော ငါ့​သား​ပင်လျှင် ငါ့​ကို သတ်​ဖို့​ရှာကြံ​၏​။ ဤ​ဗင်္ယာမိန်​အမျိုး​ကား ထိုထက်မက ပြု​ခွင့်​ရှိ​၏​။ ထာဝရဘုရား​သည် သူ့​ကို အခွင့်ပေး​ထား​ပြီ​ဖြစ်၍ သူ​ကျိန်ဆဲ​ပါစေ​။ သူ့​ကို မ​ဆီးတား​ကြ​နှင့်​။ ထာဝရဘုရား​သည် ငါ​ခံရ​သော​ဒုက္ခဆင်းရဲ​ကို မြင်​တော်မူ​၍ ယနေ့​ခံရ​သော​ကျိန်ဆဲ​ခြင်း​အစား ကောင်း​သော​အရာ​ကို ငါ့​အား ထာဝရဘုရား​ပြန်ပေး​ကောင်း​ပေး​တော်မူ​လိမ့်မည်​”​ဟု မိန့်ဆို​၏​။ ထို့နောက် ဒါဝိဒ်​မင်းကြီး​သည် မိမိ​လူ​တို့​နှင့်အတူ ခရီးဆက်​စဉ် ရှိမိ​သည်​လည်း တစ်ဖက်​တောင်စောင်း​တစ်လျှောက်​မှ လိုက်လာ​ရင်း ဒါဝိဒ်​မင်းကြီး​ကို ကျိန်ဆဲ​၏​၊ ခဲ​နှင့် ပေါက်​၏​၊ မြေမှုန့်​နှင့်​လည်း ပက်​၏​။