KAHBHAO 16
16
Ishmael Bühpü
1Shaang Abramei chenyüha Sarai-i hapeü nebüh. Shejao pinnyü mü Ijip am nyüha aa Hagar shei menpü nyu. 2Hanangkü pinnyüi Abram kü, “Shembüpai ngei kü naü nebühhen bangtükpü khih. Heih-ei ngelei nyüha aa mü paümtuh; pinnyü homei-ang ngei hapeü danghen aokpeih” shei e. Hanangkü Abrami Sarai-i epü bang. 3Abrami Kananei bong an nyupheikü chenyüha Sarai-i Ijip am aa lanyü Hagar deiyei chepaha kü büpalei nyüha vaihen shuoh. 4Büpai Hagar mü paüm, hatü pinnyü büm nekongi lei. Mechem pinnyüi ngei büm nekongi leiteke shei nyingpa, pinnyüi pinnyülei shembülanyü kü ne-ienelemhen chongpang. 5Hahepak kü Sarai-i Abram kü, “Hagar-i ngei kü ne-ienelemi dükpeyü nüngi pungpeih. Ngei ngelei aa nüngei lak kü shuohpeih, shejao pinnyüi pinnyü büm nekongpü nyingei ngei kü neienelemnyu khih. Kahvangi ji aa kü shah nyemphenkei” shei e. 6“Nüngei aa lanyü-ü nüngei lakmongei nyüpeih. Nüng kü meipükei dükeishuoh” shei Abrami e. Hanangkü Sarai-i Hagar kü ne-ienelemi dükshuohpü nangkü pinnyü paüei lüdai.
7 Shembüpalei phongshan hük jahpanei yunglok hük yopailei Hagar heüteke; hapayü Shurlei heihpü lemhaoei shiüteke. 8Büpai, “Sarailei aa lanyü Hagar, nüng meleipü peipa, hatü melei dainya?” shei phe. “Ngei ngelei shembülanyü Sarai toueipü paüei dainyüpeih” shei e.
9Hahepak kü Shembüpalei phongshani pinnyü kü, “Nüng pinnyü touei nyokei leituh hatü pinnyü phangkü nyutuh” shei e. 10Hahepak kü büpai, “Ngei nüng kü iehen neaoki hühihathü longi dahühen hih” shei e. 11Shembüpalei phongshani shao pinnyü kü eteke:
“Nüng sheyü hapeü nyüke, hatü yeshang hük bühhen.
Nüngi büpa kü Ishmael#Ishmael lappü, “Kahvangi dannyüpeih” shei epü nyüke. shei menhen;
Mehenangkü Shembüpai nüngei mongshang nyingteke.
12Anhayü phaü gadu kei nyuhen;
büpai mih peü khüei yaonghen,
hatü peüi büpa khüei yaonghen,
hatü büpayü büpalei jeihinaü peü mü ve vaiyei nyuhen.”
13Hanangkü pinnyü mü shah eteipü Shembüpa kü pinnyüi, “Nüngü El-roi; #El-roi lappü, “Kahvang, üpai eenya” nevaijü “Peü eepü Kahvang” shei epü nyüke. mehenangkü pinnyüi, ‘Ngei kü veipü Kahvang ngeiyao shaang büpa eetepih’ ” shei e. 14Hanangkü hapa yunglok kü, “Beer-lahai-roi”#Ngei kü veibü yemmü nyupülei yunglok shei epü nyüke. shei men. Hapayü Kadesh hi Bered nyi aa kü nyuteke. 15Hanangkü Hagar-i Abram kü yeshang hük büh, hatü pinnyüi bühpü naü kü Ishmael shei men. 16Hagar-i Ishmael bühpü hepak kü Abramü bong 86 nyuteke.
လက္ရွိေရြးခ်ယ္ထားမွု
KAHBHAO 16: PHOMBSI
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Phom Naga Bible - DAÜLANGPÜ LAIHING
Copyright © 2005 by The Bible Society of India
Used by permission. All rights reserved worldwide.