MAAK 16
16
Jesu Hangring
(Met 28.1-10; Luk 24.1-35; Jhn 20.1-18)
1Deennii aanuwna, Meri Mega-dalen, Jems amnuw Meri, vokhehkho Salomi, enuw ing Jesu chu barim ningsiihnii yntaehpeehnii khaena richiithou engariipa. 2Niisin ahaarpa inii nache inii hangsuwh thoh thaen ipha ing enuw vaksae. 3Lam nache enuw ing achuw ing thaen kamnii rungchu tuwrnaka eemongpeeh vaate ta aeka enareer ing enriirsah, akhaechuve rungchu inempak ruungsa. 4Amana enuw ing enghengen tahnache rungchu yntuwr vasah ing emupa. 5Enuw ing thaensung tingche envaruwh tahnache peen ivaarjaeh niika iler yngkheh tachang yntongting ongchu emupa; amana enuw inempak ngiksae.
6Ama ing eningna ariir, “Ngikmah-ruw; khros na jam aeka entheh Nazaret Jesu nenuw ing nenjongchu hangringka ama havane ongmahsa; Ama emantorniichu enruw. 7#Met 26.32; Mk 14.28Nenuw yngkaenuwna Jesu asebok ae vokheh-kho Pitar ningna hungriirruw amachuve, Jesu ing Galili ting nenuw nemaana hesisa; ama ing neningna ariir vaangkhe nenuw ing Galili nache muvanenta.” 8Enuw ing jungsuwh aeka thaen tanii hungtaensae; akhae-chuve enuw ynchiim aethoh enruw riimpohsa; amanche engaanchik inche achuw ningnakho riirmah dehsae.
9Jesu ing ahangringnii niisin ahaar-pa inii nache Jesu ing umlae sarii ichuwng aningtanii athur vasah Meri Megadalen ningna yndangsa. 10Meri Magadalen ing Jesu thoh ynruwhak vasah ae, barungriir nungaemah ing ichap ae ningna vakka atong. 11Changvakonchu enuw ing Jesu hang-ringsa vokhehkho ama ing Jesu kamu achiichu enuw ing thachamah ae.
12Havi aanuwna meeniimeh ing khuwting enghungsirae atakthoh yntinmahdeh ing lamna Jesu ing aantuwhfhuw ae. 13Amana enuw ing enganuw ynriaeka mee areh ae ningna entong, changvakonchu enuw ing thachamah ae.
Jesu ing Sebok ae ningna Chonghak Apeeh
(Met 28.16-20; Luk 24.36-49; Jhn 20.19-23)
14Aanuwnache suum ariingkheh aeng imaarnii khaena engongrae Jesu ing eningna yndangsa; amana enuw ing enthachamah vokhehkho embarungriir ipir khaena aasae ae, akhaechuve Jesu ing ahangring inuwting enuw ing muaeka enthachamah khaenava. 15#Nong 1.8Amana Jesu ing eningna ariir, “Nenuw laaruw paam aangkhengna sinuwna laaruw mee vakhae ningna isa chong tongruw. 16Achuw yngkheh ing thacha naka baptais tunave ikarpeeh phavaata, changvakonchu achuw yngkheh ing thacha mahnave ikarpeeh phamahnii. 17Amanche athacha achuw yngkheh chuve hava buwtinnii ae inge ynruwfhuw vaata: amachuve karumingna enuw ing umlae aechu thurvaatae, vokhehkho ithar ithar chong ing chongvaatae; 18enuw ing baruwr bachuwcheh vaatae, enuw ing laanglam ithiinii chuwr inkhang ae nakho yntanga tamahnii ae; enuw ing ina ae taklina engkik siivaatae amana ina aechu damvaatae.”
19 #
Nong 1.9-11
Changche ichii ing eningna chong ariir inuwna Aafhuw Jesu chu thangbaen ting ajeripa amanche Thangnang achangbaen tachang nache ongsa. 20Amana enuw ing vasiaeka apha vakhaena thamin entongpa, amanche Aafhuw Jesu thoh ynruw ing nong entuhakpa, vokhehkho engaanrufhuw buwtinnii laetho inche enthamin vakhaechu amanchumpa.
လက္ရွိေရြးခ်ယ္ထားမွု
MAAK 16: MOYO
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Moyon Naga New Testament - ITHAR CHONGHAK
Copyright © 2008 by The Bible Society of India
Used by permission. All rights reserved worldwide.