SAN LUCAS 3မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

A̱ ntá na̱xa̱ kuènhya tíha na̱xa̱ kjuákꞌe chꞌín Juan kui̱ki̱te chꞌán chojni ntá kja̱xin chꞌín Jesús mé kuíkite chꞌán. A̱ ntá tjenixje̱he̱ chꞌán Dios ntá xitje̱he̱ nka̱jní ntá kꞌuínkajin Ncha̱kuen Dios éxí ijnko kontóá tsjehe la kjuákꞌe chrítaón kja chꞌán. Ntá xrína̱hya kuínhin sín itén nkexro nkaya nka̱jní ntáchro kíxin: ―Jaha mé xja̱nna la tjua̱ha tí jaha. Imá chàna kíxin nchexiteyána tí jaha.

Kjánchó chénka chꞌín Juan kaín tí sín tjejó a kíxin: ―Janhan mé ìnta̱ tíki̱texián chojni. A̱ ntá tí nkexro itsi chrꞌéxi̱n mé tsi̱ki̱texínrá tí Ncha̱kuen Dios la ko xrohi. A̱ntsí tꞌe̱to̱an chꞌán a̱ ntá janhan la kánhyó. Méxra̱ chrókósuàna chrókjuasinta̱nka̱ha̱ chꞌán tí correa tí to̱ka̱té chꞌán.

Tꞌichjánxi̱n kíxin chrókꞌuejorá jnkojína chrókjuáko̱xi̱nrá kíxin chaxín kjuitoxi̱nhínrá tí nkehe tjenka̱yáxinrá. Jahará nchehnkerá ntáchrorá kíxin kꞌuaxrjeníxinrá chꞌín Abraham. Janhan ntáxrja̱n kíxin kjónté tí xro̱ i la Dios tsjacha chrókjuichꞌéna chꞌán chojni kꞌuaxrjeníxin chꞌín Abraham.

Kíxin tí chica hacha ó tjechónhen tsochrínjinxín tí nta. A̱ ntá kaín xín nta tꞌónahya to jína mé tsochrínjin kíxin tsoche ―ichro chꞌán.

Mé xi̱kaha kónhen éxí kꞌuéchronka la ko tsíkjin chꞌín Isaías, mé tí nkexro kꞌuéchronka itén Dios ósé kíxin: Tsinhin sín itén ijnko nkexro tsjakꞌe nte̱je̱ tsꞌèya tsontáchro kíxin: “Tóxakonhanrá ncheyóxinrá nti̱a tsi̱xi̱n Ìnchéni Takítje̱hérá ijnko nti̱a ntoí. Kaínxín tsa̱ka mé tso̱yóxin, la ko kaín xín jna̱ la ko kaín xín itjo tsito̱he yóxin, la ko tí nti̱a tsíxrèya mé tsoxrentoá, la ko kaín tí nti̱a yóxinhya la mé tso̱yóxin; Xi̱kaha mé kaín xín chojni chjasintajni mé tsꞌikon sín kíxin Dios mé chrókuaáxin sín.” Mé xi̱kaha ichro itén Dios.