SAN LUCAS 3:4-6

Mé xi̱kaha kónhen éxí kꞌuéchronka la ko tsíkjin chꞌín Isaías, mé tí nkexro kꞌuéchronka itén Dios ósé kíxin: Tsinhin sín itén ijnko nkexro tsjakꞌe nte̱je̱ tsꞌèya tsontáchro kíxin: “Tóxakonhanrá ncheyóxinrá nti̱a tsi̱xi̱n Ìnchéni Takítje̱hérá ijnko nti̱a ntoí. Kaínxín tsa̱ka mé tso̱yóxin, la ko kaín xín jna̱ la ko kaín xín itjo tsito̱he yóxin, la ko tí nti̱a tsíxrèya mé tsoxrentoá, la ko kaín tí nti̱a yóxinhya la mé tso̱yóxin; Xi̱kaha mé kaín xín chojni chjasintajni mé tsꞌikon sín kíxin Dios mé chrókuaáxin sín.” Mé xi̱kaha ichro itén Dios.