Mak 13မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

Kị́nị́mamgba o dighi ḅụ akụbẹm i sịbị gosi. Kụ́ma inema nyána mú kunema láa ḅo anịị dụaḅọ́rọ́ma nyána bẹḅọ.>>

Tọ́rụ findi kúru ḅụ fịnị, tẹ́lẹ́ma kuruu, tegó o nimigha sáá ma láa bẹ sáá.

Nnị oku si ọ pa ḅẹ́rẹ́kọ siri mú sáá, ọ báláma sị saghị kóróma parị ọ dugho bẹnyẹ; sáá ma láa maẹrẹ ọ bịpịbie sọọnyẹ gonyẹ́ gonyẹ́ dugho, ọ kọọ bẹ ẹ́gẹ́rẹ ma ọmịnị angaá nyẹ́gha; Tọ́ntọ́ Tẹ́mẹ́ ma ḅara anịị anị saghị ḅo bẹnyẹ.

So na kiri na ḅọ́rọ́ famabẹm, kụ́ma ị́yẹ́ ẹ́gẹ́rẹ́ jẹ́ éné jẹ́ éné ḅọ́rọ́bịgha.

<<Gbẹ́rẹ́ḅọ sọ nimigha anị éné ma anịgha sáá ma ḅoo bẹ sáá sobie fịnị sookumuapụ ma sọ nimigha, Tụ́wọ ma sọ nimigha; Daḅọ ma ngéré anịị nimiḅọ.

Ḅụḅáláḅálá pa ọ ḅụ pịrịma, ọ saghị ọmụ́ ọwụ náa bẹ sa kikia angaá na pịghị ọ́mụ́ gbolomanyẹ náa ḅọlọ́nga ḅụ. Mịnanyẹ mamgba kiriakịbẹm mịma dughogha ḅẹ́ kunema ma lámam.

Anịgo kuruu, tegó ị nimigha wárị nyánáḅọ ma ḅoo bẹ sáá, ori ine ḅupiri ḅoobẹm anịgha dii ogbo anịgha ḅáásó anịgha dedefụfụ. Ọ ḅụnimigha ḅụ ḅoo ḅo, minima si ori ị́yẹ́ arịị ḅẹẹ, ị múnoarị. A dugho ọ pịrịnyẹ, anịsáa a dugho kị́nị́mamgba pịrịm, ọ tọ́rụ findi si kuruu!>>

Gbẹ́rẹ́ sẹ owu pa jẹ́ sẹ pághámabẹm, gbẹ́rẹ́ ásẹ́mẹ́kiri owu pa jẹ́ ásẹ́mẹ́kiri pághámabẹm. Tuminikiri ma jighebẹm ngaamamgba ḅụ, ḅuruḅa pịghị fịnịbẹm. Mịma anịị ọ́rụ́ḅọ tụ́wọ yii ḅụakụ ḅụ fịnị ḅara anịị anị fịnị ḅara.>>

Kụ́ma ọ parị ibi oku ma dugho wásáma kị́nị́mamgba pịrịbẹm, anịsáa anịị kunema ma ḅo bẹnyẹ.

Tọghaapụ ị́yẹ́ ẹ́rẹ́ ḅụ ḅobẹm, ḅẹẹ bẹapụ ḅẹ́, <Irị anịị ori,> nnị pịghị oḅori pa tọghaapụ sịbẹm.

<<Ọmịnị sọ, ọmịnị ọ ḅụ ẹbị. Nnị okubẹm sị ọ pa ḅẹ́rẹ́kọ sịrị mubẹm. Nnị o fombẹm nna kobiri yọ ḅụ, nnị o mịẹbẹm sị ọ sẹ táarịapụ na ámányánáapụ tórúku i sịbị go, sị ọmịnị ibi oku ma dugho wásáma bẹ ḅara.

Tegó iruo Messaya na iruo ikiakoroapụ págháḅobẹm. Nnị tọgha ḅụ́gbérépuma fịrị nwángịbẹm sị n pa oḅori pa Tamuno sẹlẹakịapụ ma sị ḅọ́rọ́ nnị ine inee.

<<Ḅáláfámáarị éné ma ḅo ḅọ́rọ́ sáá, << <ịrụa ma ḅoo kánákánábẹm, akalụ́ sọ mịnị biabịgha, ḅálōló sọ sobie saghị sóórókóróbẹm ọgọnọ bie fịnị kụ́rọ nyẹ ma nnị anị deesibẹm nna kiri ḅụ.>