Lucas 11မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

Pues si sangue, sinando chores, chanelais diñar lachias diñepénes á jires chabes: ¿quichi butér jire Batu del Tarpe diñara o Chanispero Majoro á ondolen sos se lo manguelaren?

Y menda penelo á sangue: Manguelad, y se os diñará: orotelad, y alachalareis: acarelad, y se os pindrabará.

Presas cata yeque sos manguela, lillela: y ó sos orotela, alacharela: y al sos acarela, se le despandará.

Y les penó: Pur manguelareis, penelad: Batu nonrro, sos sabocas oté andré o Tarpe, majarificable sinele tiro nao. Abillele tiro clajita. Sinele querdi tiro pesquital opré yi pu, sasta andré o Tarpe.

Ta estomanos nonrres crejete, andiar sasta estomamos á nonrres bisaores. Ta na lanelanos andré pajanbo; tama listrabanos de saro bastardo.

Diñamangue cata chibes o manro de que terelamos brajáta.

A mermellin de tun trupos sinela tun aqui. Si tun aqui sinare lachi, saro tun trupos sinará dutoso: tama si sinare chori, tramisto tun trupos sinará bi dut.

Cayque urdiflela á yeque mermellin, y la chitela andré yeque tan esparrusado, ni ostely de yeque mericha; sino opré yeque dendesquero, pa que ondoles sos abillelan andré diquelen a dut.