VAROMA 4
4
Shimanyilu khu Aburahamu
1Khulwa yako, ni shina shia khunyala khuvoola khu Aburahamu, uli kuuka weru khulondokhana khu lwivulu? 2Niiva Aburahamu yakholwa khuva wi likhola liu vulunji imbeli wa Nyasaye khuvirila khu vikholwa vievie, ali ni shindu shinyala khumukhola khwichinjilila, navutswa shianyala khwichinjilila imbeli wa Nyasaye tawe. 3Mahandiko Matakatifu kavoolanga, “Aburahamu yasuuvila Nyasaye, khandi Nyasaye yamuhuchilila khuva wi likhola liu vulunji, shichila lisuuvila lielie.” 4Mundu wu kholanga muhinzilu aheelwa murungu kwekwe, navutswa murungu shiukunyala khuvalitswa khuli ni shihanwa, namali khurungwa tawe. 5Mundu uvula khukhola muhinzilu kwosi, navutswa asuuvilanga mu Nyasaye wu kholanga vooni khuva valunji; lisuuvila lielie likholwangwa khuva liu vulunji. 6Daudi avoolanga makhuva malala mele, lwa alomolomanga makhuva khulondokhana khu tsikhaavi tsia Nyasaye aheetsanga mundu wakholanga khuva wi likhola liu vulunji, vuchila khuheenza khu vikholwa viu mundu mwenoyo avetsanga nakholi:
7“Vali ni ikhaavi vandu vu vutamanu vwavo vwasemehwa,
vu vwoni vwavo vwarulitswaho.
8Ali ni ikhaavi mundu wu Mwami Nyasaye
aliitsa khuvula khumuvukula wakhola vwoni!”
9Tsikhaavi tsia Daudi yalomoloma makhuva khulondokhanakhu tsienetso, tsinyala khuva tsia vandu vashevwa vonyene? Shikali kario tawe! Khali ni tsia vandu vi tsimbia tsindi, vashili khushevwa. Khuli Mahandiko Matakatifu kavoolanga, “Aburahamu yasuuvila Nyasaye, khandi Nyasaye namukhola khuva wi likhola liu vulunji khuvirila khu lisuuvila lielie.” 10Aburahamu yakholwa khuva wi likhola liu vulunji inyinga shina? Yaka kikholekha, Aburahamu nashili khushevwa inoho niyashevwa? Kikholekha Aburahamu nashili khushevwa, nikhali niyashevwa. 11Aburahamu yashevwa khuva khuli shimanyilu inoho muhuuli ku khukholwa khuva wi likhola liu vulunji, vwa yali navwo khuvirila mu lisuuvila nashili khushevwa. Shivune shiu khushevwa khwenokho shiali shiu khumukhola khuva tata wa vandu voosi vasuuvila, vuchila khushevwa. Khulwa yako, Nyasaye wa vakhola khuva valunji. 12Aburahamu neye khandi tata wa vandu vashevwa, shikali vashevwa vutswa tawe, navutswa vamenyanga khuvirila khu lisuuvila khuli lia kuuka weru Aburahamu yali nalio, nashili khushevwa.
Lilaaka lia Nyasaye Lirweshitswangwa Khuvirila mu Lisuuvila
13Lwa Nyasaye yalaaka Aburahamu nende vitsukhulu veve ndi shivala shiliitsa khuva shiavo, shikakholekha khuvirila khu Malako tawe; navutswa khuvirila khu likhola liu vulunji vunyolekhanga khuvirila mu lisuuvila. 14Niiva vandu valondanga Malako, navo valiitsa khuvukula shivala shienesho, kalolekhanga lisuuvila ni lia vutswa, khandi lilaaka lia Nyasaye livula vukhala vwosi. 15Malako kachilanga Nyasaye nakhulolela vurima; navutswa ha malako kakharumikhanga, mundu avulakhuho umenekanga malako.
16Lilaaka lialiho khurulana khu lisuuvila, khu lilaaka lihaanwi khu vitsukhulu voosi va Aburahamu, khuli shihanwa shia vutswa shia Nyasaye -- shikali khu yavo vasuuvilanga mu malako tawe, navutswa khu yavo vali ni lisuuvila khuli liali lia Aburahamu. Aburahamu neye tata weru khutsi voosi. 17Mahandiko Matakatifu kavoolanga, “Mali khukhukhola khuva tata wa vandu vi tsimbia tsinyishi.” Khulwa yako, lilaaka ni lilahi imbeli wa Nyasaye, wa Aburahamu yali niyasuuvila -- Nyasaye uchilanga vandu vakhutsa nivanyola vulamu, khandi alaanga vindu via yali nashili khuloonga, khuvaho. 18Aburahamu yasuuvila, khandi nava ni lisuuvilitswa, ndi aliitsa khuva tata wa vandu vi tsimbia tsiosi, khuli lwa yali niyavoolelwa. Mahandiko Matakatifu kavoolanga, “Vitsukhulu vovo valiitsa khwivulana mu vunyishi, khuli tsinyining'ini.” 19Aburahamu yali nali himbi ni mihika imia indala; navutswa shiyali wateteshela mu lisuuvila tawe; khali niiva mmbili kwekwe shiu kwali ni tsingulu tsiu khwivula, inoho khali Sara shiyali wanyala khwivula mwana, 20Aburahamu yatsililila khuva ni lisuuvila. Shiyali wahaya hayakhu, shichila lilaaka lia Nyasaye tawe; navutswa yatsililila khuva ni tsingulu mu lisuuvila, nahaana vukhumi khu Nyasaye. 21Aburahamu yali ni lisuuvila liatoto ndi Nyasaye, ali nu vunyali vu khurweshitsa ka yali niyalaaka aliitsa khukhola. 22Nashio shivune shiachila Aburahamu nakholwa khuva wi likhola liu vulunji imbeli wewe khuvirila mu lisuuvila lielie. 23Makhuva “Yakholwa khuva wi likhola liu vulunji imbeli wewe”, shikali kahandikwa khulondokhana khuye wonyene tawe. 24Navutswa khali kahandikwa khulondokhana khu khutsi vakhukholwa khuva valunji, va khusuuvilanga mu woyo wisimushitsa khurula mu likhutsa Mwami weru Yesu, 25wiirwa nakhutsa shichila vwoni vweru; khandi niyisimushitswa khurula mu likhutsa khu khukholwi khuva valunji imbeli wa Nyasaye.
Terpilih Sekarang Ini:
VAROMA 4: LLLCATHOLIC
Highlight
Kongsi
Salin
Ingin menyimpan sorotan merentas semua peranti anda? Mendaftar atau log masuk
© The Bible Society of Kenya, 2013