Secunnu Matteu 23
23
1Allura GesĂą parrau a li turbi, ed a li soi discipuli,
2Dicennu: Supra la catreda di Mosè s’ assittaru li Scribi, e li Farisei.
3Perciò tuttu chiddu, chi vi dirrannu di fari, facitilu; ma nun faciti comu iddi fannu: giacchì dicinu, e nun fannu.
4Giacchì carricanu pisi grossi, e insopportabili, e li mettinu supra li spaddi di l’ omini: ma iddi nun li vonnu spinciri cu un jiditu.
5Tuttu chiddu, chi fannu è pr’ essiri visti di l’ omini: perciò portanu cchiù granni li soi fasci, e s’ allonganu li frinzi.
6E cci piacinu li primi posti ntra li ceni, e li primi seggi ntra li sinagoghi,
7E d’ essiri salutati ntra li chiazzi, e d’ essiri chiamati da l’ omini maistri.
8Vuautri però nun vi faciti chiamari maistri. Giacchì unu sulu è lu vostru Maistru, e vuautri siti tutti fratelli.
9Nè chiamati a nuddu vostru patri supra la terra: Giacchì lu sulu Patri vostru è chiddu, ca è ntra li celi.
10Nè vi faciti chiamari maistri: giacchì lu sulu vostru Maistru è Cristu.
11Cui si farrĂ cchiĂą granni ntra vuautri, sarrĂ vostru servu.
12E cui s’ esaltirrà , sarrà umiliatu: e cui s’ umiliirrà , sarrà esaltatu.
13Mali pri vuautri, Scribi e Farisei ippocriti: ca chiuditi lu regnu di li celi nfacci a l’ omini: Giacchì nè cci trasiti vuautri, nè cci faciti trasiri a chiddi, chi sunnu pri trasiri.
14Mali pri vuautri, Scribi e Farisei ippocriti: pirchì vi manciati li casi di li viduvi, facennu longhi orazioni: e pri chistu sarriti cchiù severamenti giudicati.
15Mali pri vuautri, Scribi e Farisei ippocriti: ca firriati lu mari e la terra, pri fari un proselitu, e quannu l’ aviti fattu, lu faciti addivintari figghiu di l’ infernu lu duppiu di vuautri.
16Mali pri vuautri, guidi orvi, ca diciti: Si qualcunu jura pri lu tempiu, nun è nenti: ma si jura pri l’ oru di lu tempiu, è obbligatu.
17Stupidi, ed orvi: Giacchì chi è cchiù assai, l’ oru, o lu tempiu, ca santifica l’ oru?
18E qualunqui jura pri l’ otaru, nun è nenti: ma cui jura pri l’ offerta, chi cci sta supra, è obbligatu.
19Orvi: Chi cosa è cchiù granni, l’ offerta, o l’ otaru, chi santifica l’ offerta?
20Cui dunca jura pri l’ otaru, jura e pri lu stissu, e pri zoccu cc’ è supra.
21E cui jura pri lu tempiu, jura pri lu stissu, e pri chiddu, chi cci abita.
22E cui jura pri lu celu, jura pri lu tronu di Diu, e pri chiddu, ca sedi supra lu stissu.
23Mali pri vuautri, Scribi e Farisei ippocriti: ca pagati la decima di l’ amenta, di l’ anitu, e di lu ciminu, e lassati li cosi cchiù mpurtanti di la liggi, lu giudiziu, la misiricordia, e la fidi. Chisti cosi si divunu fari, e l’ autri nun s’ hannu a lassari.
24Guidi orvi, ca scartati un zappagghiuni, e v’ agghiuttiti un gamiddu.
25Mali pri vuautri, Scribi e Farisei ippocriti, ca pulizziati lu fora di lu gottu e di lu piattu: ma dintra siti chini di rapina, e di munnizza.
26Fariseu orvu, annetta prima lu dintra di lu gottu e di lu piattu, acciocchì fussi nettu anchi lu fora.
27Mali pri vuautri, Scribi e Farisei ippocriti: giacchì siti comu li sepulturi abbianchiati, ca di fora a l’ omini parinu beddi, ma dintra sù chini d’ ossa di morti, e d’ ogni munnizza.
28Accussì puru vuautri pariti di fora giusti a la genti: ma dintra siti chini d’ ippocrisia e d’ iniquità .
29Mali pri vuautri, Scribi e Farisei ippocriti, ca fabbricati li sepulturi a li profeti, e adurnati li monumenti di li giusti,
30E diciti: Si fussimu stati a li tempi di li nostri patri, nun sarriamu stati complici comu iddi di lu sangu di li profeti.
31Sicchè faciti testimonianza contra vuautri stissi, ca siti figghi di chiddi, ca ammazzaru li profeti.
32E vuautri inchiti la misura di li vostri patri.
33Sirpenti razza di vipari, e comu scampirriti di la cunnanna di l’ infernu?
34Perciò eccu ca vi mannu profeti, e sapienti, e scribi, e di chisti nn’ ammazzirriti e nni crucifiggirriti alcuni, e nni flagellirriti autri ntra li vostri sinagoghi, e li persequitirriti di cità in cità :
35E cadirrà supra di vuautri tuttu lu sangu giustu sparsu supra la terra, a cuminciari di lu sangu d’ Abeli giustu, sinu a lu sangu di Zaccaria figghiu di Barachia, ca l’ ammazzastivu ntra lu tempiu e l’ otaru.
36In viritĂ vi dicu, tutti sti cosi cadirrannu supra la generazioni presenti.
37Gerusalemmi, Gerusalemmi, ca ammazzi li profeti, e pitrulii chiddi, ca ti sunnu mannati, quantu voti circavi d’ arricogghiri li to figghi, comu la gaddina arricogghi li soi puddicini sutta l’ ali, e nun vulisti?
38Eccu ca la vostra casa sarrĂ lassata diserta.
39Perciò vi dicu, ca da ora in poi nun mi vidriti cchiù, sinu a tantu ca nun dirriti: Binidittu chiddu, ca veni in nomu di lu Signuri.
Terpilih Sekarang Ini:
Secunnu Matteu 23: SCN
Highlight
Kongsi
Salin
Ingin menyimpan sorotan merentas semua peranti anda? Mendaftar atau log masuk
First published in 1860 and 1861.
