Secunnu Matteu 22
22
1E GesĂą ricuminciannu a parrari in parabuli, cci dissi:
2Lu regnu di li celi è comu un re, ca fici lu sponsaliziu di so figghiu.
3E mannau li soi servi a chiamari li cunvitati a lu zitaggiu, e nun vulianu veniri.
4Mannau di novu autri servi, dicennu: Diciti a li cunvitati: Eccu lu me pranzu è prontu, li mei jenchi e l’ armali ngrassati sunnu ammazzati; tuttu è a l’ ordini: viniti a lu zitaggiu.
5Iddi però nun si nni curaru: e si nni jeru, cui a la so campagna, cui a li soi nigozj:
6E l’ autri pigghiaru li soi servi, ed oltraggiannuli l’ ammazzaru.
7Ma lu re sintennu chistu, s’ adirau: e mannannu li soi surdati, distrussi ddi micidari, ed abbruciau li soi cità .
8Allura dissi a li soi servi: Lu zitaggiu è preparatu, ma chiddi, chi foru cunvitati, nun eranu digni.
9Iti perciò a la sbuccatura di li strati, e tutti chiddi, chi truvirriti, chiamatili a lu zitaggiu.
10E nisciuti li soi servi pri li strati, arricugghieru tutti chiddi, chi truvaru, tinti e boni: e lu zitaggiu si inchiu di cunvitati.
11Trasiu però lu re pri vidiri li cunvitati, e vitti ddà unu, chi nun avia la vesti nuziali.
12E cci dissi: Amicu, comu trasisti ccĂ nun avennu la vesti nuziali? Ma chiddu stetti mutu.
13Allura lu re dissi a li ministri: Attaccatilu pri li manu e pri li pedi, e mittitilu ntra li tenebri di fora, unni cci sarrĂ chiantu, e scrusciu di denti.
14Giacchì assai sunnu li chiamati, pochi però l’ eletti.
15Allura jennusinni li Farisei, tinniru cunsigghiu pri cogghirlu cu li soi palori.
16E cci mannaru li discipuli d’ iddi cu li Erodiani, dicennucci: Maistru, sapemu, ca sì sinceru, e ca nsigni la via di lu Signuri cu la virità , e nun ti curi di nuddu, e mancu hai riguardu a la qualità di l’ omini:
17Dinni dunca, chi ti nni pari, è licitu di pagari lu tributu a Cesari, o no?
18Ma Gesù canuscennu la malizia d’ iddi, dissi: Pirchì mi tentati, ippocriti?
19Mustratimi la munita di lu tributu. Ed iddi cci mustraru lu dinaru.
20E Gesù cci dissi: Di cui è sta facci, e sta scrizioni?
21Cci rispusiru: Di Cesari. Allura cci dissi: Rinniti addunca a Cesari chiddu, chi è di Cesari: e chi ddu, chiè di Diu, a Diu.
22Sintennu chistu ristaru maravigghiati, e lassannulu si nni jeru.
23Ntra ddu jornu jeru a truvarlu li Sadducei, ca nun cridinu a la resurrezioni, e cci dumannaru,
24Dicennu: Maistru, Mosè dissi: Si unu murissi nun avennu un figghiu, chi so frati si maritassi cu la mugghieri di chiddu, acciocchì suscitassi la razza di lu frati so.
25Ora cc’ eranu ntra di nui setti frati, e lu primu pigghiau mugghieri, e muriu: e nun avennu razza, lassau so mugghieri a so frati.
26Lu stissu successi a lu secunnu, a lu terzu, nsinu a lu settimu.
27Finalmenti a l’ urtimu di tutti muriu puru la fimmina.
28A la resurrezioni addunca, di cui di li setti sarrà idda mugghieri? giacchì tutti la possederu.
29Ma Gesù rispunnennu, cci dissi: Siti in erruri, nun sapennu nè li Scritturi, nè lu putiri di Diu.
30Giacchì a la resurrezioni nè si pigghia mugghieri, nè maritu: ma sarrannu comu l’ ancili di Diu in celu.
31Riguardu poi a la resurrezioni di li morti nun aviti liggiutu chiddu, ca è dittu da Diu, lu quali dissi a vui:
32Iu sugnu lu Diu d’ Abramu, e lu Diu d’ Isaccu, e lu Diu di Giacobbi? Nun è lu Diu di li morti, ma di li vivi.
33E li turbi sintennulu, si maravigghiavanu di la so duttrina.
34Li Farisei però avennu ntisu, ca avia chiusu la vucca a li Sadducei, si junceru nsemmula:
35Ed unu d’ iddi dutturi di la liggi l’ interrogau pri tentarlu:
36Maistru, qual’ è lu cchiù gran cumannamentu di la liggi?
37E GesĂą cci dissi: Ama lu Signuri Diu to cu tuttu lu to cori, cu tutta la to anima, e cu tutta la to menti.
38Chistu è lu cchiù granni, e lu primu cumannamentu.
39Lu secunnu poi è simili a chistu: Ama lu prossimu to comu te stissu.
40Da chisti dui cumannamenti dipenni tutta la liggi, e li profeti.
41Essennu cungrigati li Farisei, Gesù l’ interrogau,
42Dicennu: Chi vi pari di Cristu? di cui è figghiu? Cci rispusiru: Di Davidi.
43Cci dissi: Comu dunca Davidi lu chiama in spiritu Signuri, dicennu:
44Dissi lu Signuri a lu me Signuri: Sedi a la me dritta, nsinattantu chi iu mittirrò li to nnimici pri scabbellu a li toi pedi?
45Si dunca Davidi lu chiama Signuri, com’ è, ca è figghiu so?
46E nuddu cci puteva rispunniri na palora: nè s’ arrisicau cchiù nuddu da ddu jornu d’ interrogarlu ancora.
Terpilih Sekarang Ini:
Secunnu Matteu 22: SCN
Highlight
Kongsi
Salin
Ingin menyimpan sorotan merentas semua peranti anda? Mendaftar atau log masuk
First published in 1860 and 1861.
