Secunnu Matteu 18
18
1Ntra lu stissu tempu s’ accustaru a Gesù li soi discipuli, dicennu: Cui cridi, ca è cchiù granni ntra lu regnu di li celi?
2E Gesù chiamannu un picciriddu, lu misi mmenzu d’ iddi,
3E dissi: In viritĂ vi dicu, ca si nun vi cunvirtirriti, e nun divintirriti comu li picciriddi, nun trasirriti ntra lu regnu di li celi.
4Cui perciò si umiliirrà comu stu picciriddu, chistu sarrà chiù granni ntra lu regnu di li celi.
5E cui accugghirrĂ un picciriddu comu a chistu a nomu miu, accogghi a mia.
6Cui poi scannaliirrà qualcunu di sti picciriddi, ca cridinu in mia, è megghiu pri iddu, ca cci fussi attaccata a lu coddu una petra di mulinu, e chi fussi jittatu ntra lu funnu di lu mari.
7Guai a lu munnu pri li scannali. Giacchì è necessariu, ca cci fussiru scannali: ma guai a dd’ omu, ca è causa di lu scannalu.
8Si però la to manu, o lu to pedi ti dunanu scannalu: tagghialu, e jettalu luntanu di tia: è megghiu pri tia trasiri ntra la vita c’ un pedi, o cu na manu di menu, ca aviri dui manu, o dui pedi, ed essiri jittatu ntra lu focu eternu.
9E si lu to occhiu ti duna scannalu, scippatillu, e jettalu luntanu di tia: è megghiu pri tia trasiri ntra la vita c’ un occhiu, ca avennu dui occhi essiri jettatu ntra lu focu di l’infernu.
10Guardativi di disprizzari unu di sti picciriddi: giacchì vi dicu, ca li soi ancili ntra li celi sempri vidinu la facci di me Patri, ca è ntra li celi.
11Giacchì vinni lu Figghiu di l’ omu pri sarvari chiddu, ca era pirdutu.
12Chi vi nni pari? si qualcunu avi centu pecuri, ed una di chisti si pirdissi: nun lassa iddu li novantanovi supra li muntagni, e va a circari a chidda, ca si pirdiu?
13E si succedi, ca la trova: In virità vi dicu, ca avi cchiù piaciri pri chista, ca pri li novantanovi, ca nun s’ eranu pirduti.
14Accussì nun è volontà di vostru Patri, ca è ntra li celi, ca pirissi unu sulu di sti picciriddi.
15Ora si to frati t’ avissi offisu, va, e riprennilu di sulu a sulu. Si iddu t’ ascuta, hai guadagnatu a to frati.
16Si però nun ti ascutassi, pigghia nsemmula cu tia unu, o dui, acciocchì nfacci a dui, o tri testimonj si facissi tuttu lu discursu.
17E si nun li ascutirrĂ , dillu a la chiesa. E si nun ascutirrĂ la chiesa, avi a diventari pri tia comu un paganu, e un pubblicanu.
18Vi dicu in virità , tuttu chiddu, chi avriti attaccatu supra la terra, sarrà anchi attaccatu ’n celu: e tuttu chiddu, chi sciugghirriti supra la terra, sarrà anchi sciotu ’n celu.
19Vi dicu puru, ca si dui di vuautri cunsintirrannu supra la terra di dumannari qualunqui cosa, cci sarrà cuncessa da me Patri, ca è ntra li celi.
20Giacchì unni sunnu dui, o tri, ca si juncinu a nomu miu, ddà sugnu iu mmenzu d’ iddi.
21Allura accustannusi ad iddu Petru, cci dissi: Signuri, quantu voti piccannu me frati contra di mia, lu pirdunirrò? sinu a setti voti?
22GesĂą cci dissi: Nun ti dicu sinu a setti voti: ma sinu a sittanta voti setti voti.
23Perciò lu regnu di li celi s’ assimigghia ad un certu re, ca vosi fari li cunti cu li soi servi.
24Ed avennu principiatu a fari li cunti, cci fu presentatu unu, ca cci duvia deci mila talenti.
25E nun avennu modu di pagari, lu patruni cumannau, ca fussi vinnutu iddu, so mugghieri, e li figghi, e tuttu chiddu, c’ avia, e si pagassi lu debitu.
26Ma ddu servu addinucchiatu, lu prigava dicennu: Abbi pacenzia cu mia, e ti rinnirrò lu tuttu.
27Mossu lu patruni a pietĂ di ddu servu, lu liberau, e cci rimisi lu debitu.
28Nisciutu però ddu servu truvau ad unu di li soi cumpagni di sirvizziu, ca cci duvia centu dinari: ed affirrannulu lu strangulava, dicennu: Pagami zoccu mi divi.
29Ed addinucchiatusi lu so cumpagnu, lu prigava, dicennu: Abbi pacenzia cu mia, e ti paghirrò lu tuttu.
30Ma chiddu nun vosi: e jiu a farlu metteri carzaratu, nsinu a chi l’ avissi pagatu.
31Vidennu però l’ autri cumpagni sti fatti, si contristaru fortementi: e jeru a diri a lu patruni tuttu chiddu, chi avia successu.
32Allura lu patruni chiamau a chiddu: e cci dissi: Servu iniquu, ti rimisi tuttu lu debitu, pirchì mi lu prigasti:
33Nun duvivi tu dunca cumpatiri puru a lu to cumpagnu, comu iu avia avutu pietĂ di tia?
34E lu patruni ncuitatu lu cunsignau a li carnifici, nsinattantu chi avissi pagatu tuttu lu debitu.
35Accussì me Patri celesti farrà cu vuautri, si nun pirdunirriti di cori a lu vostru fratellu.
Terpilih Sekarang Ini:
Secunnu Matteu 18: SCN
Highlight
Kongsi
Salin
Ingin menyimpan sorotan merentas semua peranti anda? Mendaftar atau log masuk
First published in 1860 and 1861.
