Secunnu Matteu 17
17
1Sei jorna doppu GesĂą si pigghiau a Petru, Japicu, e Giuvanni so frati, e si li purtau supra na muntagna auta e ritirata:
2E si trasfigurau avanti ad iddi. E la so facci risblennia comu lu suli, e li so vesti cumparsiru bianchi comu la nivi.
3Ed eccu ca cci accumparsiru Mosè ed Elia, chi parravanu cu iddu.
4E Petru rispunnennu a Gesù, cci dissi: Signuri, è bonu, ca semu ccà : si voi, facemu ccà tri tabernaculi, unu pri tia, unu pri Mosè, e unu pri Elia.
5Mentri iddu parrava, eccu na nuvula lucenti li cupriu. Ed eccu na vuci di la nuvula, dicennu: Chistu è lu me Figghiu dilettu, ntra lu quali mi sugnu cumpiaciutu: ascutatilu.
6E sintennulu li discipuli caderu facci pri terra, e si scantaru fortementi.
7E GesĂą si cci accustau, e li tuccau: e cci dissi: Susitivi, e nun abbiati paura.
8E jisannu l’ occhi, nun vittiru a nuddu, fora ca Gesù sulu.
9E scinnennu iddi da lu munti, Gesù li cumannau, dicennu: Nun dirriti a nuddu sta visioni, prima ca lu Figghiu di l’ omu sia risuscitatu da li morti.
10E li discipuli lu nterrogaru, dicennu: Pirchì dunca li Scribi dicinu, ca prima avi a veniri Elia?
11Ma iddu rispunnennu, cci dissi: Elia certu vinirrĂ , e aggiustirrĂ tuttu.
12Però iu vi dicu, ca Elia è già vinutu, e nun l’ hannu ricanusciutu, ma nn’ hanuu fattu tuttu chiddu, chi nn’ hannu vulutu. E di la stissa manera sarrà trattatu da iddi lu Figghiu di l’ omu.
13Allura li discipuli cumprinneru, ca avia ntisu parrari di Giuvanni Battista.
14Ed essennu arrivatu unni era la turba, si cci accustau un omu, e si jettau a li soi pedi, dicennu: Signuri, abbi pietà di me figghiu, pirchì avi lu mali di luna, e patisci assai: giacchì spissu cadi ntra lu focu, e spissu ntra l’ acqua.
15Ed iu l’ aju purtatu a li toi discipuli, e nun l’ hannu pututu sanari.
16Ma Gesù rispunnennu, dissi: O generazioni incredula e maligna, sinu a quannu starrò cu vuautri? sinu a quannu vi suffrirrò. Purtatimillu ccà .
17E Gesù cci gridau, e lu dimoniu nisciu d’unn’ iddu, e lu picciottu fu sanatu da ddu puntu.
18Allura li discipuli s’ accustaru a Gesù segretamenti, e dissiru: Pirchì nui nun lu pottimu discacciari?
19Gesù cci dissi: Pri la vostra incredulità . Giacchì in virità vi dicu, si avriti fidi, quantu un cocciu di sinapa, putriti diri a stu munti, Passa di ccà ddà , ed iddu cci passirrà , e nudda cosa vi sarrà impossibili.
20Ma chista sorti nun si discaccia ca cu l’ orazioni, e cu lu dijunu.
21E mentri stavanu in Galilia, Gesù cci dissi: Lu Figghiu di l’ omu avi ad essiri cunsignatu ntra li manu di l’ omini:
22E l’ ammazzirrannu, e lu terzu jornu risuscitirrà . Ed iddi nni ristaru summamenti afflitti.
23Ed essennu arrivati a Cafarnau, s’ accustaru a Petru chiddi, ch’ esigevanu li dui drammi, e cci dissiru: Lu vostru Maistru nun paga li dui drammi?
24Ed iddu rispusi: Sicuramenti. E comu trasiu ntra la casa, GesĂą lu previnni, e cci dissi: Chi ti nni pari, Simuni? Li re di la terra, da cui ricivinu lu tributu o lu censu? da li so proprj figghi, o da li stranj?
25Ed iddu dissi: Da li stranj. GesĂą cci dissi: Dunca li figghi sunnu esenti.
26Ma pri nun scannaliarli, va a mari, e jetta l’ amu: e pigghia lu primu pisci, chi veni nsumma: ed aprennucci la vucca cci truvirrai un stateru: pigghialu, e paga pri mia, e pri tia.
Terpilih Sekarang Ini:
Secunnu Matteu 17: SCN
Highlight
Kongsi
Salin
Ingin menyimpan sorotan merentas semua peranti anda? Mendaftar atau log masuk
First published in 1860 and 1861.
