KÜÜRORI 13
13
Barnabas thi Saul masü Rüka nü Küüze
1Jütiküsavü Antiok Nazizheh vü setsaküthsüri thi küsosieri: Barnabas, Simon, Nijer ti küjiwa, Siriari Lusius, thi Herod nüh küjeküvehwa Manaen, thi Saul ti peh. 2Thinü mari nüh Vüwa vü kükhurü sa thi assa saküveh vü Kümtse Sietse wa nüh, “Eh kenüh hi nüh küüro küüsa nti masü jiküsawa kenüh Barnabas thi Saul masü chithuohzhu küpa luo,” ti küza.
3Jütisanü mari nüh assa sa thi kükhuo sakümüsevü mari ake masü vü thsuoke taji masü küzemü.
Barnabas thi Saul masü Saipras vü Küwa
4Kümtse Sietsewa nüh küüza kümüjie masü tü Seleusia vü tsuo nü jüla nüh juhie vünüh Saipras vü tewa. 5Masü ru Salamis ju nü Judahri künazizhe vü Saküüwuowa zhü küza. Jütiküsavü Johan Mark nüh masü kükra.
6Thi masü tü juküji nato aveh küzhuju nü Pafos ti küsavü ru, thinü masü tü ma nü setsaküthsü küzhüja Judahri küsü ma nyo Bar-Jisu ti küsawa mütu. 7Ma tü küjiri küsü Sergius Paulus, ti küsa kümahtsari küsü vü nyipe, ma tü Saküüwuowa zhü küünangü kenüh Barnabas thi Saul masü ru üti tho. 8Thitü Elimas kütüma watü (ma nyo zhünyo tü Greek vünüh sakümü kenüh) ma küüro küji sakütsewa jamü nü kütsotüri sana küsa kenüh mari sieküproluo. 9Thitü Saul, Paul ti nga küjiwa nüh Kümtse Sietse pronü ma nophoke taji, 10ma vü, “Noh tsuore kümüsüwa tsa, künyitsa aveh mükünongüwa, akürie thi küüphroküphrie mpa nüh prokütsewa, noh tü Vüwa ale kümüshori saküükhomüle nüh sa wie nti lo? 11Thi halie, Vüwa ke tü noh vü pevehthuoh, thi noh notha küjunü tsazhiküsü rünyi müngu nüh samünathuoh,” ti küza.
Thinü müküzhikewiethuoh nüh külu thi aküzo ru nü ma notha külüwu tewa nü zanyo müngu thuoh nüh ake nüh ma sinü lekhuji küüjo nti anyi wuori phah. 12Thinü küjiwa tü tümawa vü momowa sanüh jümari ngu thi Vüwa nüh küsosie kenüh ti ngo nü tsotü.
Paul thi Barnabas masü Antiok ti küsa Pesidia azhih vü küwa
13Jüti sataji Paul thi ma refüri tü juhiewa hie nü Pafos vünüh Pamfilia vü Perga ti küsa vü ru. Thinü Johan nüh mari jamü tajinü shele Jerusalem vü teru. 14Thitü mari thuoüji Perga kari nü Pesidia vü Antiok ti küsavü teru. Thi mari tü Sabbath ti küji Judahri kümünyierülo vü künazizhe vü wa nü peh. 15Khonyo lasi thi setsaküthsüri lasi chiekümüsevü kükhurüzhe vü sierhüri nüh nyiri mari vü küze taji, “Eh füri, mükütüküzü nyiri vü küthokütsüzhü peveh üji küzatsüluo,” ti küza. 16Thinü Paul tü süratsie nü ma ke thsuo nü:
Israel nyiri, thi Saküüwuowa rüzhe krü kütseri, künaluo! 17#Tse 1.7; Tse 12.51.Anyi hamari, Israelri Saküüwuowa nüh hiri lahnyiri rükanü mari Egypt vü küpevü mari saküthola, thi ma piethsuozhu nü jüla nüh mari vizhu. 18#Nyi 14.34; Kho 1.31.Thi mavi zürake kümüjie reza vünüh ma nüh mari shokevike ru. 19#Kho 7.1; Jos 14.1.Thi Kanan azhih vü akuoh türü ma nüh zorie kümüsevü, mavi müzamüzü nü tünyieke mari nüh avü küüsanti azhih jüma mari vü tsü. 20#Les 2.16; 1 Sam 3.20.Thi jümasevü thuoüji Samuel setsaküthsüwa müjierhoküru küju nü sierhü vi mari tsü. 21#1 Sam 8.5; 1 Sam 10.21.Jütiküsavü mari tü kajiri küsü khuo; thinü Saküüwuowa nüh Benjamin akuoh vünüh nyi küsü mavi zürake kenüh Kish atsa Saul vi mari tsü. 22#1 Sam 13.14; 1 Sam 16.12; Krh 89.20. Thi ma nüh ma vizhujakümü sevü mari kajiwa küüsana küsa kenüh ma nüh David vi mari tsü le; thi ma nüh ma povü sataji, “Eh kümüshe khem ta küsa anyi küsü ehkümüngu aveh sajutsüra na küsa Jesse tsa David vünüh ngurathuoh,” ta küza saveh. 23Nyi hama küthsoküzhi vünüh Saküüwuowa nüh phrakeküsa Küülolewa Jisu tü Israelri vü viru. 24#Mrk 1.4; Luk 3.3.Ma müjieküru tüvü thuoüji Johan nüh Israel nyiri vü luoveh kükhaphrü baptistwa sosie. 25#Jhn 1.20; Mat 3.11; Mrk 1.7; Luk 3.16; Jhn 1.27. Thi Johan nüh ma küüro saju na küsa vü ma nüh, “Nohri tü hi thawa ti müshe veh lo? Hi tü jüma nyu nüh, thitü eh sevü nyi küsü tseveh, thi hi thuoüji ma jiküükruvühli nga mületse,” ti küza.
26“Eh füri, Abraham küshuküra tsari, thi nohri azhie vü Saküüwuowa sietse kükrüri, Küülolewa zhühle hamatü hiri vü küze. 27Thi Jerusalem vü kürhori thi mari sierhüri tü ma müthsü nüh samü, thi Sabbath ti küji Judahri kümünyierülo kürüzhu setsaküthsüri azhü chiepewieketünga müküthsü kenüh Jisu müsheküümüsü vünüh zanyo hamari saju. 28#Mat 27.22,23; Mrk 15.13,14; Luk 23.21-23; Jhn 19.15. Mari tü ma küsü na küsa rüle küsü nga mphara, thitü ma fethemü üta Pilate vü khuo. 29#Mat 27.57-61; Mrk 15.42-47; Luk 23.50-56; Jhn 19.38-42.Jüti sataji ma kenüh rhüküsari mari nüh sajura ünü, khieluothso rügi vünüh ma vituru taji rüku küsülovü thsemü. 30Thitü Saküüwuowa nüh aküsü vünüh masakürholetsü. 31#Krr 1.3.Thi rülo hozake Galilee vünüh Jerusalem vü ma senyiküruri vü kütsa, khinyi mari thuoüji nyiri vü ma povüküsari saveh. 32#Krh 2.7.Thi Saküüwuowa nüh alahnyiri vü küzaküsa Zhühthe Kümühiewa nohri vü vitse. 33Ma nüh Jisu sakürhole taji hiri mari tsari vü hama sajuthuoh; jü mpa mükünyu Küriehiri küürü künyiawavü:
“Noh thuoüji eh Tsa wiethuoh,
nosü hi nüh no wuosavehthuoh,” ta rhü saveh.
34Saküüwuowa nüh aküsü vünüh ma saküürhole zhünyo thuoüji rüku lovü nüh müküüpriküra na küsakenüh wiethuoh, ma nüh,
“Kümtse thi akütsia zhütsawa David vü tsü na küsawa hi nüh no vü tsü naveh,”
ti küza.
35 #
Krh 16.10. Ma nüh Küriehiri lasi küpa vü nga,
“noh tü no Kümtsewa küüprikürakümü künguwanyu,”
ta küza saveh.
36Küpakenühnyunü David tü ma mpa ma tsothovü Saküüwuowa kümüsheri ma nyiri vü kürotsü taji malahnyiri sie chowumü nü priratewa.
37Thitü Saküüwuowa nüh saküürholewa thuoüji küprikürawa müngu.
38Jükenüh eh füri,
nohri hama thsüluo,
anyi hama vünüh kükhiemuo noküja vi nohri vü sosieveh.
39Thi Mosa Khonyoh vünüh nohri zanyo küsü nga samüküümüshorari aveh ma kütsotü vünüh sakümüshora.
40Jükenüh setsaküthsüri lasi lovü rhüküsari nohri vü müküru na küsa kenüh azhüzhüluo:
41“Halie, azhükümüsü phra taji nyuri riesakütseri,
nohri ngo nü sümü luo,
küpakenühnyunü nyi wuori nüh nohri vü küzawie ketünga
nohri nüh mütsotü nüh sawie na küsa küüro nohri tsothovü hi nüh küsa kenüh ta küsa zhüwa
nohri vü müru nüh sana küsa kenüh azhüzhüluo,”
ti küza.
42Jüti sataji Paul thi Barnabas masü tü nazizheh vünüh alievü kuoshutewa ünü thuohtüvü kürulevü kümünyierülovü nga hamari mari vü küzalehü üti khuo. 43Jütisanü künazizhe vü kümühuwa lemü ünü Judahri thi Vüwa vü kürhotsütekütseri khaphrü nü Judahrivü küruri hozake nga Paul thi Barnabas se nyitewa, thi Saküüwuowa küümze vü müpehuoji mümühie ti masü nüh mari vü küza thi küthotsü.
44Sabbath ti küji Judahri kümünyierülo künyiawa anyuküji jüla anyi avehveh kümüjie vünüh Saküüwuowa zhüküna nti ru. 45Thitü Judahri nüh anyi shiejiwa ngu nü nokürüpatewa nü Paul nüh küüzari rü thi ma phrakümüsü. 46Thinü Paul thi Barnabas nüh luoveh müzho she nü, “Saküüwuowa zhü tü nohri vü küüzakhule peveh. Küpakenühnyunü nohri nüh jüma nohri vünüh kulemü, thi nohri mpa nohri tü küsuokürhowa müngutse ta küsakenüh hisü thuoüji Judahmükünyuri vü tewanathuoh. 47#Isa 42.6; 49.6. Küpakenühnyunü Saküüwuowa nüh hiri vü azhütsüküsa thuoüji:
“Nohri tü Judahmükünyuri vü aküwie küsü saluo ti hi nüh no rüka küpa saveh,
jütisataji azhih küpote aveh vü küülolezhüwa noh nüh viwaluo ti küza saveh,”
ti küza.
48Thinü Judahmükünyuri nüh hama küthsüra vü mari tü lozhe nü Saküüwuowa zhü siake thi anyi küzake nüh küsuokürho küülolewa kenüh rükamüthuoh nüh mari aveh tsotü kheh.
49Thi azhie aveh vü Vüwa azhü nyuotewa. 50Thitü Judahri nüh Vüwa vü akürho tsükütse küsiake küvüvühri thi nyuküjiwa vü sierhüsiewu sakütseri küchü nü Paul thi Barnabas masü vü kümnomna tsü taji mari anyu vünüh masü zhejamü. 51#Mat 10.14; Mrk 6.11; Luk 9.5; 10.11.Thinü masü tü masü ajihri vünüh azhitho mari vü kükojamü nü Ikonium vü tewa. 52Jütiküsavü sehnyiri tü loküzhe th
Terpilih Sekarang Ini:
KÜÜRORI 13: POCHBSI
Highlight
Kongsi
Salin
Ingin menyimpan sorotan merentas semua peranti anda? Mendaftar atau log masuk
Pochuri Naga Bible - KÜMÜTSE BIBLE
Copyright © 2015 by The Bible Society of India
Used by permission. All rights reserved worldwide.