Jɔnn 16
16
1Ni niɛ biɛn, N nan bei na wee nin che ni laa kɔɔ kulɔŋi. 2Bi li nyann ni kuwonjiɛndiigin; ibamɔn buu, n-yonn chaan le wan biɛn yin kuŋ le tiɛr ke u tun itoon le ki tenn Uwonbɔr. 3Bi li tun ni nan biɛn, nan bu-n baa nyi Baa-n bee min ni. 4N nan bei ni ni nan le, wee n-yonn nmɔn nan foo ke ni li tiɛr maah nan kpaan nin. Maah la nan be ni ban nin bu le maa nan bei ni man ni.
Kasi a naaŋ kaah tun man
5“Daandaan nan n chaa wan nan tumin ban le, amaa ni ni uba kaa baam ke, ‘A chaa laa?’ 6Maah len man nin bu, ni pooi bii le. 7Amaa n bei ni ibamɔn le: N fɔr ke ni yin kpiɛ nim le. Maa jon ke, Utiterin kaa yin dan ni ban ni; amaa n jon ke, n li tun u ni ban. 8U nan dan ke, u li ji dulinya tibɔr le dulinya nlu, nin Uwonbɔr a buchin binbem, nin U bɔjil ki wɔɔn: 9Ki jiin tibir paam bi galin na, nan bu-n bininfob kaa ŋam yada; 10le ki jiin nbuchin binbem paam bi galin na, nan bu-n n chaa Baa-n ban le, nan yaan wee naa ji li kami; 11le ki jiin libɔjil paam bi galin na, nan bu-n daandaan nan dulinya a bɔrbigin pii biiu.
12“N jɔɔ tibɔr pam n pag sei ni, tan yab jon ni tuli kaah li gbir man. 13Amaa u ma, wan ye ibamɔn a naaŋin, nan dan ke, u li che ni biɛ ibamɔn biɛn. Waa li pag u tɔɔl a pɔɔm bu; u li pag waah gbir tan nin a binba le, le u li bei ni niwann nan la chaan nin ŋa. 14U li ta kupag ki seim ki ta nan ye n yann nin ki wɔɔn ni. 15Niwann nan biɛn wee Baa-n ye-n ye n yann le. Ni ma bu le n ke kinaaŋin li ta maah ye nan ki wɔɔn ni wee ni biɛ.”
Lipoobiil nin nmɔn
16“Ni kpiɛ wama ke naa ji yin gami, le ni bɔɔn wama mu ni ji li kam.”
17Le u bɔɔnɔɔbin biba baan tab ke, “Ba ŋa wee u len ke, ‘Ni kpiɛ wama ke naa ji yin gami, le ni bɔɔn bu ke ni ji li kam.’ Le ki ji len ke, ‘Nan bu-n n chaa Baa-n ban lee’?” 18Le bi gbaa baan tab ke, Waah ke ‘ni kpiɛ wama ke’ nmɔn, ni taai ye baa? Taa biɛ nan wee u pag nmɔn ni.”
19Le Yisa nan kan ke bi ban bin baan u le ni taai, le u bei bi ke, “Ni baan tab le maah len ke ‘Ni kpiɛ wama ke naa ji yin gami, le ni bɔɔn bu ke ni li kamin’ a taai yaa? 20N bei ni ibamɔn le, ni li mɔɔ ki fabin amaa le ni mɔ dulinya yaab. Ni sufu li bii, amaa ni sufu biil nmɔn li kpann nmɔn. 21Upii be maa kibig ke ni wu u le nan bu-n u yonni li foo; amaa ni ye u ma u bigin ki diɛ ke u tamir nwunwun nin bu le ni mɔ u waah ma kibig ŋa dulinya nin bu. 22Man le ni ye ki sei ni: Daandaan nan le ye ni sufu biil a yonni, amaa n ji li kan ni le ni jɔɔ nmɔn, le uba kaa li fir ta ni mɔm nmɔn ki sin jiɛn ni.
23Lidaal nmɔn nan foo ke naa ji na yin baanim niba. N bei ni ibamɔn le, n Baa li sei ni nan biɛn wee ni baan n yinlin bu. 24Naah yuur ki nan kpaa daandaan nan naa la baan ni ba n yinl bu. Ni baan na wee ki gaa, wee ni mɔm nmann gbeen.
Taah nyaŋ dulinya man
25“Maah le gbaa pag tenn ni pag woon a poolin nin, n-yonn chaan le maa ji na li pag ileen nmɔn a booli yi amaa n yin pag npaan nin le ki jiin n Baa-n paam. 26Lidaal nmɔn ni na li baan naah ban nan n yinl bu. Maa ke min le na yin baan Baa-n ki sei ni. 27Aai, Baa-n tɔɔl jiɛ ni nan bu-n naah jiɛm wee ki ŋaam yada ke n nyann Uwonbɔr ban nin bu. 28N nyann Baa-n ban le ki kɔɔn dulinya ni; daandaan nan n nya dulinya ni le ki chaa jir Baa-n ban.”
29Le Yisa a bɔɔnɔɔbin ke, “Daandaan nan a pag ni ween le kaa ji pag liwool a poolin ni. 30Daandaan nan ti kan ke a nyi niwann biɛn hali kaa ji ban u ba n baaniŋ ibinbaan ni. Ni ma che ti ŋaaŋ yada ke a nyann Uwonbɔr ban le.”
31Le Yisa bei ke, “Ni ŋa yada njoorimin le! 32Amaa n-yonn chaan, le ki pii foon na, le ni na li worin, ki kun ni niin yin uba ba uba ba. Ni biɛn na yin jiɛn nbinba le, ni biɛn yɔli maa be nbinba, nan bu-n n Baa be nim. 33“N bei ni ni niɛ nan, naah li ŋa man wee ni li jɔɔ nposɔɔn nni. Dulinya nan yaan ni li kan tibɔmugkaar. Amaa ni che ni sufu li pɔɔu! N nyaŋ dulinyau.”
Terpilih Sekarang Ini:
Jɔnn 16: KUGL
Highlight
Kongsi
Salin
Ingin menyimpan sorotan merentas semua peranti anda? Mendaftar atau log masuk
Komba New Testament © Bible Society of Ghana, 2014.
