Ayat Alkitab yang Popular daripada Matthew 23

Kongsi

Poi hekama ehihai ihamakua iluna okou, kena kama na ekau keheheaꞌu ma okou.

Pena hekama ehakanaka soia ihananiu, alakama meikuu kama na nomoulalo. Ia pena hekama ekuu soia nomoulalo, alakama mesapai kama na ihananiu.

“Anau eme aku okou nakama epolopolo nakuaa ia ma naFarasi. Okou meihalono lihu haeꞌo. Ia okou nikama kakala uhiuhi. Okou ehoꞌi aꞌe Keakua nahua soliliꞌi nakalina okou la; pela na{minti}, na{tili} ia ma na{kumini}. Ia okou sehalono nakuaa ehamakua, pela noho laoi ma alakama, lolosi nakama haaloha, kena hakina Keakua. Okou ekonu kehoꞌi aꞌe Keakua nahua okou la. Ia okou isesili kekaukali nakuaa ehamakua la.

“Anau eme aku okou nakama epolopolo nakuaa ia ma okou naFarasi. Okou meihalono lihu haeꞌo. Ia okou nikama kakala uhiuhi. Okou esosolo navahi na{kapu} ma na{peleke} okou la, ia iloko namea la esaꞌino, ehau poi naola okou. Okou ehailavaꞌa alakama, noko namea okou hihai la.

“Okou nakama i Jerusalem! Okou ekaa nakama ehakae nakakala Keakua la nomake. Kena okou emaꞌa nahaku la ikaa nakama kela Keakua nihaunalia iho la nomake. Anau hihai ihaꞌuku okou, ehau poi hemoa hine ehaꞌuku nakamaa moa aia la ilalo napaꞌau aia. Ia okou sehihai.

Okou ehau poi kaꞌele maꞌini la. Keonohenua la eꞌila aku okou, kena ehakaꞌoko pela okou ekonu kahi. Ia hamaoni, naola okou ehaisala, kena okou ekakala uhiuhi.