Ayat Alkitab yang Popular daripada Matthew 24

Kongsi

Ia kena komaꞌi nakama meinonoho saꞌino, kena meselavaa kelaoi alakama. Ia poi hekama ehakina i anau nokae kehaoki, Keakua meikonaꞌi aia.

Nakama kaukali anau la meikaukaꞌu aꞌe kelono kaualeꞌa kenoholana Keakua i nakama kemaalama nei hakoa, kena nakama la hakoa meilono i anau. Kena kehaoki kemaalama nei mekae mai.

Ia okou meilono nakaua, ia ma nakakala kaua meihamai. Ia okou isemakaꞌu. Namena meiapihi aku, ia sehuli aku kehaoki kemaalama nei.

Naonohenua meivuhu ma alaonohenua. Kenoholana meivuhu ma kelaa noholana. Ia keone la mekae aꞌe komaꞌi nahenua, kena naonohenua la meimake kehiꞌai. Ia komaꞌi naꞌina meilulu hia kelulu henua. Ia kenei keꞌamaka nahalono lihu. Ehau poi kehine eisu imua aia memamaoha kamaliꞌi.

Kevaelani ialuna ma kemaalama nei meio nooki, ia nakakala anau selavaa keoki.

Komaꞌi nakama meio aku i kemale anau, kena ime aku pela lakou niMesaea, kena mehailavaꞌa komaꞌi nakama.

“Alakama meikaohi okou, ihai haeꞌo kia okou, kena ikaa okou nomake. Naonohenua hakoa meililoko okou, maikinimea okou ekapa kemale anau. Keualoko la, komaꞌi nakama meikiaꞌi nahakina lakou. Nakama la meililoko nahakina ana, kena meihaꞌali aꞌe nakama la i nakama hamakua. Komaꞌi nakama nukulaoi meio mai nome aku okou pela lakou ehakae nakakala Keakua, kena meihailavaꞌa komaꞌi nakama.

Kena iko Jesus ime aꞌe, “Lolosi hamakonu, iselavaa hekama kehailavaꞌa okou.

“Kena okou ikanakana pela hoi. Maikinimea {kama ekipu kama} mevaꞌai mai keualoko okou sehakaꞌoko pela aia meivaꞌai mai.

“Ia kena okou iala kahi. Okou semakino keaho hee Kealiꞌi okou la meihamai.

“Sehikama emakino keaho hee, ia ma keualoko hee nahaꞌaku la meihuli mai, niaina {kama ekipu kama} ia ma na{enselo} i kevaelani. Kamana soia emakino.

Alakama meinuku laoi ma lakou niMesaea, ia alakama meinuku laoi ma lakou ehakae nakakala Keakua. Nakama la meihuli aꞌe namahi hananiu ia ma nahaꞌaku lakou, pela ihailavaꞌa nakama kela Keakua ehilihili la.

Nakama kela enoho kulana {kama ekipu kama} mehamai, meikipu poi nakama kela enoho kulana Noah niola la. Keonohenua la eꞌai ia eunu. Nakama la eꞌavana, kena iau aꞌe nakaupu lakou la iꞌavana lia, nokae keualoko Noah niꞌae kevaꞌa hakua aia la. Kena kaiuu la ukae aꞌe nolohia nahenua kemaalama nei hakoa. Nakama la semakino pela kaiuu la mekae aꞌe noseu lakou. “Nakama la ehau poi nikama kela menoho kulana {kama ekipu kama} mehamai.