Ayat Alkitab yang Popular daripada यूहन्ना 16

Kongsi

मैं तुहांजो ये सब गल्लां इस खातर बोलियां भई तुहांजो मेरते शान्ति मिलो। संसार तुहांजो दुख देआं, हिम्मत रखा! मैं संसारा जो जित्तिल्या।”

पर ताहली जे सच्चाईया रा आत्मा औआं, तिस परमेशरा री हरेक सच्चाईया च तुहांरी अगुवाई करनी तिसरी जे तुहांजो जाणने री जरूरत इ, काँह्भई तिस अपणिया तरफा ते किछ नीं बोलणा, पर जो गल्लां सै परमेशरा ते सुणां तिस तुहांजो दसणियां, इस खातर तिस तुहांजो हुणे औल़ियां गल्लां हुणे ते पैहले दसणियां।

हूणा तक तुहें मेरा चेला हुणे रे नाते किछ नीं मंगया : परमेशरा ते मंगगे तां पांगे ताकि तुहांरी मौज पूरी हुईजो।

जो किछ हऊँ बोल्या राँ सै सच्च आ: मेरा जाणा तुहांरे भले रे खातर आ: जे हऊँ तुहांते दूर नीं जांगा, तां पवित्र आत्मा सै जे तुहांरा मददगार आ तुहांले नीं औणा; पर जे हऊँ जांगा, तां मांह तिस्सो तुहांलौ भेजी देणा। कने ताहली जे तिस औणा, तां पाप, धार्मिकता कने न्याय रे बारे च संसारा रे सब्बी लोकां जो सचेत करी देणा।

ठीक इयां इ हुण तुहांजो बी दुख हुणा: पर मांह तुहांजो फेरी मिलणा, कने तुहांरे दिल खुशियां ने भरी जाणे, कने तुहांजो तिसा खुशिया जो मनाणे ते कोई बी रोकी नीं सकदा। तिस वगत ताहली जे तुहां मिन्जो भीं देखणा तुहां मेरते कोई स्वाल नीं पुछणे। हऊँ तुहांजो सच-सच बोलां, भई जो किछ तुहां पिता ते मेरा चेला हुणे रे नाते मंगणा, तिस्सो सै सब किछ मिली जाणा।

हऊँ तुहांजो सच-सच गलाया राँ, मेरे मरने ते बाद तुहां रोणा कने दुखी हूणा, पर इस संसारा रे लोकां खुशियां मनाणियां। तुहांजो दुख हूणा पर ताहली जे तुहां मिन्जो जिऊंदा देखणा तिस वगत तुहांरा दुख खुशिया च बदली जाणा।